ស្រុកអង្គរជ័យ

ស្រុកអង្គរជ័យ (អង់គ្លេស: Angkor Chey District) ជាដែនរដ្ឋបាលស្ថិតនៅ ខេត្តកំពត ដែលមានរដ្ឋបាល ១១ឃុំ និង ៧៩ភូមិ៖

ស្រុកអង្គរជ័យ
លេខកូដឃុំ	ឈ្មោះឃុំជាអក្សរខ្មែរ	ឈ្មោះឃុំជាអក្សរអង់គ្លេស	ចំនួនភូមិ
០៧០១០១	ឃុំអង្គភ្នំតូច	Angk Phnum Touch Commune	៥
០៧០១០២	ឃុំអង្គរជ័យ	Ankor Chey Commune	៦
០៧០១០៣	ឃុំចំប៉ី	Champei Commune	៨
០៧០១០៤	ឃុំដំបូកខ្ពស់	Dambouk Khpos Commune	១១
០៧០១០៥	ឃុំដានគោម	Dan Koum Commune	៦
០៧០១០៦	ឃុំដើមដូង	Daeum Doung Commune	៤
០៧០១០៧	ឃុំម្រោម	Mroum Commune	៦
០៧០១០៨	ឃុំភ្នំកុង	Phnum Kong Commune	១០
០៧០១០៩	ឃុំប្រភ្នំ	Praphnum Commune	៩
០៧០១១០	ឃុំសំឡាញ	Samlanh Commune	៧
០៧០១១១	ឃុំតានី	Tani Commune	៧
ចំនួនភូមិសរុប			៧៩

ស្ថិតិប្រជាជនស្រុកអង្គរជ័យក្នុងឆ្នាំ២០២៤(បញ្ចូលដោយរដ្ឋបាលស្រុកអង្គរជ័យ)

ល.រ	ឃុំ-សង្កាត់	ប្រជាពលរដ្ឋរួម
		សរុប	ស្រី
១	អង្គភ្នំតូច	5,855	3008
២	អង្គរជ័យ	5,128	2,610
៣	ចំប៉ី	11,343	5788
៤	ដំបូកខ្ពស់	17,785	9161
៥	ដានគោម	6,684	3,595
៦	ដើមដូង	3,206	1658
៧	ម្រោម	5,547	2836
៨	ភ្នំកុង	12,113	6271
៩	ប្រភ្នំ	5,668	2,998
១០	សំឡាញ	7,410	3,911
១១	តានី	9,908	4,999
សរុបរួម		90,647	46,835

• យោងតាម ប្រកាសលេខ ៤៩៣ ប្រ.ក របស់ក្រសួងមហាផ្ទៃ

ឯកសាតស្រុកចាស់

ស្រុកអង្គរជ័យរួមមាន១១ឃុំ ៖

• ឃុំអង្គភ្នំតូច
• ឃុំអង្គរជ័យ
• ឃុំចំប៉ី
• ឃុំដំបូកខ្ពស់
• ឃុំដានគោម
• ឃុំដើមដូង
• ឃុំម្រោម
• ឃុំភ្នំកុង
• ឃុំប្រភ្នំ
• ឃុំសំឡាញ
• ឃុំតានី

ប្រវត្តិ

រដ្ឋបាលស្រុកអង្គរជ័យ ជាស្រុកមួយក្នុងចំណោមស្រុក/ក្រុង ទាំង៩ នៃខេត្តកំពត ដែលមានព្រំប្រទល់ខាងលិចទល់នឹងស្រុកឈូក ខាងកើតទល់នឹងស្រុកទ្រាំង និងស្រុកគីរីវង់ខេត្តតាកែវ ខាងជើងទល់នឹង ស្រុកត្រាំកក់ ខេត្តតាកែវ ខាងត្បូងទល់នឹងស្រុកបន្ទាយមាស ។

ស្រុកអង្គរជ័យចែកចេញជា ១១ឃុំ ៧៩ ភូមិ មានផ្ទៃដីសរុប ៣១៥.៧៦ គ.ម^២ មានប្រជាជនសរុប ៩០,៦៤៧នាក់ ស្រី ៤៦,៨៣៥នាក់ មានដង់ស៊ីតេប្រជាជន ១៨២ នាក់ ក្នុងមួយគីឡូម៉ែត្រការ៉េ ។ ប្រជាជនប្រមាណ ៨០%  ជាកសិករ រស់នៅពឹងផ្អែកលើវិស័យកសិកម្ម ដែលជាវិស័យចម្បងក្នុងការទ្រទ្រង់ជីវភាពរស់នៅ របស់ប្រជាពលរដ្ឋ ក្នុងស្រុកអង្គរជ័យ ។ ក្រៅពីវិស័យកសិកម្ម  ដែលជាការងារស្នូល និងជាចម្បងក៏មានវិស័យផ្សេងទៀត ដូចជា អាជីវកម្ម សេវាកម្ម ពាណិជ្ជកម្ម សិប្បកម្ម ដែលជាមូលដ្ឋានបង្កើតការងារជូនប្រជាពលរដ្ឋ ។

ទិដ្ឋភាពនៃឆ្នេរជិតកំពតពីភ្នំបូកគោ

សេដ្ឋកិច្ចស្រុកអង្គជ័យ

ប្រជាជនមានជីវភាពមធ្យម មានប្រជាជន៧៥%ប្រកបរបរជាកសិករ ៣០%ជាអាជីវករលក់ដូរ ២៥%ជាមន្រី្ត​រាជការ។ការប្រកបរបរកសិករគឺដាំដុះទៅលើផ្ទៃដីប្រហែជា៥០០ហិចតា ក្នុងឆ្នាំនេះប្រជាជនបានទទួលទិន្នផលកើនជាងឆ្នាំកន្លងទៅ៤០%។ ក្រៅពីដំណាំស្រូវ មានដាំដំណាំបន្តប់បន្សំជាច្រើនទៀតដូចជា​​​ ស្វាយ ទាប ឆៃថាវ​ ម្រេច ...ល។ ជាពិសេសគឺដំណាំម្រេច ដែលជាដំណាំសនាំមុខគេបង្អស់នៅតំបន់នោះ ចំនែកដំណាំម្រេចវាមានតម្លៃខ្ពស់ ទាំងនៅទីផ្សារក្នុងស្រុក និងទីផ្សារអន្តរជាតិ​ បច្ចុប្បន្ននេះវាកំពុងមានគុណភាពខ្ពស់ខ្លាំងណាស់ ដែលបាននាំចេញទៅក្រៅប្រទេស ជាពិសេសនាំចេញទៅប្រទេសសហរដ្ឋអាមេរិចដែលជាកិត្យានុភាពកសិកម្ម របស់ប្រទេសកម្ពុជា។ ហើយនៅក្នុងឃំុគឺកំពុងតែសាងសង់ប្រឡាយទឹកជាច្រើន ប្រព័ន្ធធារាសាស្រ្ត​ សំរាប់ធ្វើ ស្រែប្រាំង ដើម្បីធ្វើអោយប្រជាជនទទួលបានទិន្នផល់ខ្ពស់ និងមានជីវភាពធូរធារ។ចំនែកឯអាជីវករលក់ដូរវិញ ឃើញថាសេដ្ឋកិច្ចគ្រួសារមានសំទុះយ៉ាងខ្លាំង​​ ព្រោះការប្រកបរបរនេះមានការរៀបចំសមល្មមងាយស្រួលរកស៊ីជាងរបរផ្សេងៗ​ និងមានអាជីវកម្មក្នុងផ្សារស្ដុក ចំនែកឯមន្រ្តីរាជការវិញ រយះពេលប៉ុន្មានឆ្នាំនេះមានសំទុះរីកចំរើនគួរអោយគាត់សំគាល់ ជាពិសេស គ្រូបង្រៀន ប៉ូលីស ទាហាន និង ធ្វើការនៅអង្គការផងដែរ ព្រោះយុវជន យុវនារីបានរៀនច្រើន និងមានចំនេះដឹងច្រើនផងដែរ។

វិស័យអប់រំ

ចំពោះវិស័យអប់រំក្នុងស្រុកអង្គជ័យមានការរីនចម្រើនយ៉ាងរហ័សដោយសារក្នុងភូមិមានការសាកសង់សាលារៀន​ ជាច្រើនតាំងពីថ្នាក់មតេយ្យ រហូតដល់ ថ្នាក់វិទ្យាល័យក្នងនោះ មេត្តយ្យសិក្សាមាន ១សាលា,បឋមសិក្សាមាន ៤៣សាលា ,អនុវិទ្យាល័យមានចំនួនៈ ១០សាលា និងវិទ្យាល័យមានចំនួនៈ ៥សាលា និងមានលោកគ្រូអ្នកគ្រូ​ ចាំបង្ហាត់បង្រៀនដល់សិស្សានុសិស្សា ដោយយកចិត្តទុកដាក់ ។​ ហើយដោយសារតែប្រជាជន មានចំណេះដឺង ពួកគេបានបញ្ទូនកូនៗរបស់ពួកគេ មកសាលារៀន​ ដើម្បីក្រេបជញ្ជក់ចំណេះវិជ្ចា​ អោយបានខ្ពង់ខ្ពស់ ដើម្បីយកចំណេះដឺងទាំងនេះយកទៅអភិវឌ្ឃន៍ ប្រទេសជាតិ និង​ គ្រូសារ អោយការរីនចម្រើន។ បើនិយាយពីវិស័យអប់រំវិញមានការឈានទៅមុខដោយមាន សាលារៀនជាច្រើនសំរាប់អោយ​ យុវជន យុវនារី ទៅសិក្សាដើម្បីក្រេបជញ្ជក់យកចំណេះ និងក្លាយជាពលរដ្ឋល្អនៅក្នុងសង្គម ហើយក្លាយជាសរសទ្រូងសំរាប់ប្រទេសជាតិផងដែរ ។

រមណីដ្ឋាន

​ ស្រុក​អង្គរ​ជ័យ​មាន​ភ្នំ​៦គឺ​

1. ​ភ្នំ​ខ្ញា
2. ​ភ្នំ​ស្នាយ​អ​ញ្ជិ​ត
3. ​ភ្នំ​កុង
4. ​ភ្នំ​ត្នោត
5. ​ភ្នំ​សែន​ហាន
6. ជួរ​ភ្នំ​ច្រក​សៀម

វិស័យសុខាភិបាល

ចំពោះវិស័យសុខាភិបាល ក្នុងស្រុកនេះឃើញមានការរីនចម្រើនដែរ ដែលគ្រូពេទ្យ មានចំណេះដឺងខ្ពស់ក្នុងការព្យាបាលជំងឺ និងចេះរាក់ទាក់ដល់ប្រជាជនក្នុងភូមិ នៅតំបន់នោះមានមន្ទីរពេទ្យបង្អែក មួយដែលជួយសំរួលដល់ប្រជាជននៅពេលមានជំងឺឈឺថ្កាត់​ ហើយមានពេទ្យជំនាញដើម្បីពិនិត្យនិងពិគ្រោះជំងឺ​ និងមានភាពងាយស្រួលក្នុងការ សង្រ្គោះបន្ទាន់ ដូចជានៅពេលសំរាលបុត្រមានពេទ្យជំនាញសំរាប់ធ្វើការសំរាល និងមានបទពិសោធក្នុងការធ្វើការងារច្រើន។

ការអភិវឌ្ឃន៍

ចំពោះការអភិវឌ្ឈន៍ ស្រុកអង្គជ័យវិញបើនិយាយពីផ្លូវមានភាពងាយស្រួលក្នុងការធ្វើដំណើរជាងមុន ដោយមានផ្លូវលំ​ មន្ទីរពេទ្យ សាលារៀន ជាច្រើន​ មានប្រពន្ទ័ធារាសាស្រ្ត សំរាប់ផ្គត់ផ្គង់ ដល់ការធ្វើស្រែប្រាំង ចំការ និង ដំណាំផ្សេងៗជាច្រើនទៀត​នៅក្នុងភូមិ ​​ ។ ជាពិសេសជាងនេះទៅទៀត នៅក្នុងតំបន់នោះនិង​មានគម្រោងអភិវឌ្ឍន៍នូវផ្លូវគមនាគមន៍សម្រាប់អោយប្រជាពលរដ្ឋនៅតំបន់នោះងាយស្រួលក្នុងការធ្វើដំណើរនិងប្រកបរបររកស៊ីផងដែរ។

ដំណាំស្រូវ

ដោយសារលក្ខ័ណ្ឌអាកាសធាតុអំណោយផល (២៦,២៧ ^oC) ភ្លៀងធ្លាក់ជាមធ្យម ២ ១៤៨ ម.ម. ក្នុងមួយឆ្នាំ និងការយកចិត្តទុកដាក់ពីសំណាក់រាជរដ្ឋាភិបាលកម្ពុជា អង្គការ ដៃគូអភិវឌ្ឍធំៗ និងក្រសួងស្ថាប័នពាក់ព័ន្ធនានាទៅលើវិស័យកសិកម្ម ខេត្តកំពតមានសមត្ថភាពអាចផលិតស្រូវបានគ្រប់គ្រាន់ដើម្បីបំពេញតម្រូវការ ក្នុងស្រុក។ ការអភិវឌ្ឍប្រព័ន្ធធារាស្រ្ត គឺជាគន្លឹះដ៏ចម្បងមួយក្នុងការបង្កើននូវផលិតកម្មស្រូវ និងទប់ស្កាត់ រាល់ហានិភ័យទាំងឡាយ ដែលបណ្តាលមកពីគ្រោះធម្មជាតិ។ ផ្ទៃដីដាំដុះទាំងឡាយ ត្រូវបានពង្រីក ព្រម ជាមួយនិងការបណ្តុះបណ្តាលចំណេះដឹងដល់ប្រជាកសិករខេត្ត អំពីការប្រើប្រាស់ពូជ ប្រភេទដី និងវិធានការ នានាដើម្បីទប់ស្កាត់ការបំផ្លាញដំណាំស្រូវពីសត្វល្អិតចង្រៃ ជាពិសេសសត្វមមាចត្នោត គឺជាអ្វីដែលខេត្ត កំពតសម្រេចបានក្នុងប៉ុន្មានឆ្នាំចុងក្រោយនេះ។

សន្តិសុខ

ចំពោះផ្នែកសន្ដិសុខក្នុងស្រុកវិញ មានសណ្ដាប់ធ្នាប់ល្អ​​ គ្នានអំពើលួចឆក់ប្លន់​ គ្នានការជួរដូរគ្រឿងញៀន គ្នានក្មេងទំនើង ដែលមិនធ្វើអោយប៉ះពាល់ដល់ការប្រកបរបរប្រជាជនឡើយ​​ ​។

តំណភ្ជាប់ក្រៅ

• ទំព័រវិបសាយ​ខេត្តកំពត Archived 2007-07-01 at the វេយប៊ែខ ម៉ាស៊ីន.
• ទំព័រគ្រប់គ្រងភូមិបាល Archived 2009-07-15 at the វេយប៊ែខ ម៉ាស៊ីន.

ឯកសារពិគ្រោះ

• គណកម្មការជាតិរៀបចំការបោះឆ្នោត Archived 2010-09-11 at the វេយប៊ែខ ម៉ាស៊ីន.
• ខេត្ត/ក្រុងនៅប្រទេសកម្ពុជា
• ក្រសួងទេសចរកម្ពុជា

មើលផងដែរ