ឫស្សី

ឫស្សី គឺជាពពួករុក្ខជាតិមួយប្រភេទដែលដុះទំពាំងបែកចេញជាគុម្ពៗ ដើមឫស្សីមានថ្នាំងជាកង់ៗ ឬស្សីខាងក្នុងនៃដើមរបស់មានប្រហោងក្នុងយ៉ាងធំ រាងដូចស៊ីឡាំងទ្រវែង ។ ឫស្សី គឺជាក្រុមចម្រុះនៃរុក្ខជាតិផ្កាដែលមានអាយុច្រើនឆ្នាំដែលភាគច្រើនបៃតងបង្កើតបានជាក្រុមរងបាមប៊ីសូអ៊ីឌៀន (Bambusoideae) នៃគ្រួសារស្មៅផូសៀ(Poaceae)។^[១] ឫស្សី ស្រុកមានច្រើនស្អេកស្កះ ដុះនៅជាច្រើនអនេកនៅតាមទីជនបទនិងព្រៃនៅស្រុកខ្មែរ ដើមឬស្សីបានរាប់បញ្ចូលជារុក្ខជាតិដែលលូតលាស់លឿនបំផុតក្នុងពិភពលោក។ ប្រភេទដើមឬស្សីមួយចំនួនអាចលូតលាស់បាន ៩១សង់ទីម៉ែត្រ ក្នុងរយៈពេល ២៤ម៉ោង។

ទិដ្ឋភាពដើមឫស្សីស្ថិតនៅប្រទេសជប៉ុន

ឫស្សីមានលក្ខណៈចម្រុះ និងមានសារសំខាន់ផ្នែកសេដ្ឋកិច្ច និងវប្បធម៌គួរឱ្យកត់សម្គាល់នៅក្នុងអាស៊ីខាងត្បូង អាស៊ីអាគ្នេយ៍ និងអាស៊ីបូព៌ា ដែលត្រូវបានប្រើសម្រាប់សម្ភារៈសំណង់ ជាប្រភពអាហារ និងជាផលិតផលឆៅ ហើយជារឿយៗត្រូវបានបង្ហាញក្នុងសិល្បៈ ដូចជានៅក្នុងគំនូរ ការងារ។ ឫស្សី ដូចជាឈើ គឺជាវត្ថុធាតុដើមធម្មជាតិដែលមានសមាមាត្រកម្លាំងខ្ពស់ដល់ទម្ងន់ដែលមានប្រយោជន៍សម្រាប់រចនាសម្ព័ន្ធ។^[២] សមាមាត្រកម្លាំងធៀបនឹងទម្ងន់របស់ឫស្សីគឺស្រដៀងនឹងឈើ ហើយកម្លាំងរបស់វាជាទូទៅស្រដៀងទៅនឹងឈើទន់ ឬឈើរឹង។^[៣]