ទង់ជាតិ​នៃ​ព្រះរាជាណាចក្រកម្ពុជា​ បច្ចុប្បន្ន​នេះ​ត្រូវ​បាន​ដាក់​ឱ្យ​ប្រើប្រាស់​ជា​ផ្លូវការនៅក្នុង​ឆ្នាំ១៩៩៣ ឡើងវិញក្រោយការបោះឆ្នោតសភាតំណាងរាស្ត្រ ដែលទង់នេះត្រូវបានដកចេញអស់រយៈពេលជាង ២០ឆ្នាំ ចាប់ពីឆ្នាំ១៩៧០ ដល់ឆ្នាំ១៩៩៣ ។ ទង់នេះត្រូវបានដាក់ឱ្យប្រើជាលើកដំបូងក្នុងឆ្នាំ១៩៤៨ អំឡុងសម័យអាណានិគមបារាំង ។ ទង់ជាតិ​នៃ​ព្រះរាជាណាចក្រ​កម្ពុជា បាន​រចនា​ឡើង​តាំង​ពីឆ្នាំ១៨៥០ មកម្លេះ ដោយ​ដាក់​រូប​ប្រាសាទអង្គរវត្តពណ៌សនៅ​ចំ​ផ្ទៃ​កណ្តាល ។