ಫ್ರ್ಯಾನ್ಝ್ ಕಾಫ್ಕ
From Wikipedia, the free encyclopedia
ಫ್ರ್ಯಾನ್ಝ್ ಕಾಫ್ಕ (German pronunciation: [ˈfʁants ˈkafka]; 3 ಜುಲೈ 1883 – 3 ಜೂನ್ 1924) 20ನೆಯ ಶತಮಾನ ಕಂಡ ಬಹಳ ಪ್ರಭಾವಿ ಕಲ್ಪಿತಕಥೆಗಳ ಬರಹಗಾರರಲ್ಲಿ ಒಬ್ಬರಾಗಿದ್ದರು; ಕಾದಂಬರಿಕಾರ ಮತ್ತು ಸಣ್ಣ ಕಥೆಗಳ ಬರಹಗಾರರಾಗಿದ್ದ ಇವರ ಕೃತಿಗಳು, 20ನೆಯ ಶತಮಾನದ ಸಾಹಿತ್ಯಕ್ಷೇತ್ರದ ಪ್ರಮುಖ ಸಾಧನೆಗಳಲ್ಲಿ ಒಂದು ಎಂಬುದನ್ನು ಇವರ ನಿಧನದ ನಂತರವೇ ಗಮನಿಸಲಾಯಿತು.
Franz Kafka | |
---|---|
ಜನನ | (೧೮೮೩-೦೭-೦೩)೩ ಜುಲೈ ೧೮೮೩ Prague, Austria–Hungary |
ಮರಣ | 3 June 1924(1924-06-03) (aged 40) Kierling near Vienna, Austria |
ವೃತ್ತಿ | Insurance officer, factory manager, novelist, short story writer |
ಭಾಷೆ | German, Czech |
ರಾಷ್ಟ್ರೀಯತೆ | Bohemian (Austria–Hungary) |
ಪ್ರಕಾರ/ಶೈಲಿ | Fiction, short story |
ಸಾಹಿತ್ಯ ಚಳುವಳಿ | Modernism, existentialism |
ಪ್ರಮುಖ ಕೆಲಸ(ಗಳು) | The Trial, The Castle, The Metamorphosis |
ಪ್ರಭಾವಗಳು
| |
ಪ್ರಭಾವಿತರು
| |
ಸಹಿ |
ಅವರು ಅಂದಿನ ಆಸ್ಟ್ರೋ-ಹಂಗೇರಿಯನ್ ರಾಜ್ಯಕ್ಕೆ ಸೇರಿದ್ದ, ಈಗಿನ ಝೆಕ್ ರಿಪಬ್ಲಿಕ್ ಗೆ ಸೇರಿದ, ಬೊಹೇಮಿಯಾದ ಪ್ರೇಗ್ ನಲ್ಲಿ ಜರ್ಮನ್ ಭಾಷೆ ಮಾತನಾಡುವ ಮಧ್ಯಮ ವರ್ಗದ ಯಹೂದಿ ದಂಪತಿಗಳಿಗೆ ಜನಿಸಿದರು. ಓಲ್ಡ್ ಟೌನ್ ಸ್ಕ್ವೇರ್ ನಲ್ಲಿರುವ ಪ್ರೇಗ್ ನ ಚರ್ಚ್ ಆಫ್ ಸೇಂಟ್ ನಿಕೋಲಸ್ ಪಕ್ಕದಲ್ಲಿರುವ ಕಾಫ್ಕ ಜನಿಸಿದ ಮನೆಯು ಈಗ ಈ ಬರಹಗಾರರ ಕೃತಿ ಮತ್ತು ಜೀವನದ ವಿಷಯಗಳ ಕುರಿತು ಪ್ರದರ್ಶನವನ್ನೂ ಸರ್ವಕಾಲದಲ್ಲೂ ಹೊಂದಿರುತ್ತದೆ.[1]
ಕಾಫ್ಕರ ಕೃತಿಗಳು — ಕಾದಂಬರಿಗಳಾದ ದ ಟ್ರಯಲ್ (1925), ದ ಕ್ಯಾಸಲ್ ,ದ ಮೆಟಮಾರ್ಫಾಸಿಸ್ (1915) ಮತ್ತು ಇನ್ ದ ಪೀನಲ್ ಕಾಲೋನಿ (1914)ಗಳನ್ನು ಒಳಗೊಂಡಂತಹ ಸಣ್ಣಕಥೆಗಳು — ಈಗ ಆಧುನಿಕ ಪಾಶ್ಚಿಮಾತ್ಯ ಸಾಹಿತ್ಯದಲ್ಲಿ ಅತ್ಯಂತ ಸ್ವಂತಿಕೆಯುಳ್ಳ ಕೃತಿಗಳ ಪೈಕಿ ಇರುವಂತಹವೆಂದು ಸಮಗ್ರವಾಗಿ ಪರಿಗಣಿಸಲಾಗಿದೆ. ಅವರ ಹಲವಾರು ಕೃತಿಗಳು, ನಿಧನಕಾಲದಲ್ಲಿ ಅಪೂರ್ಣವಾಗಿದ್ದು, ಮರಣಾನಂತರ ಪ್ರಕಟಣೆಗೊಂಡವು.[2]
ಈ ಲೇಖಕರ ಹೆಸರಿನಿಂದ "ಕಾಫ್ಕಾಯಿಸ್ಕ್" ಎಂಬ ಪದವು ಜನ್ಮತಾಳಿ ಇಂಗ್ಲಿಷ್ ಭಾಷೆಯಲ್ಲಿ ಅದನ್ನು ಬಳಸಲಾಗುತ್ತಿದೆ.