From Wikipedia, the free encyclopedia
ಮ್ಯಾಸಚೂಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಯು (MIT ) ಒಂದು ಖಾಸಗಿ ಸಂಶೋಧನಾ ವಿಶ್ವವಿದ್ಯಾಲಯವಾಗಿದ್ದು ಮ್ಯಾಸಚೂಸೆಟ್ಸ್ನ ಕೇಂಬ್ರಿಜ್ನಲ್ಲಿ ನೆಲೆಗೊಂಡಿದೆ. MITಯು ಐದು ಶಾಲೆಗಳು ಹಾಗೂ ಒಂದು ಕಾಲೇಜನ್ನು ಹೊಂದಿದ್ದು, ಅವು ಒಟ್ಟಾರೆಯಾಗಿ 32 ಶೈಕ್ಷಣಿಕ ವಿಭಾಗಗಳನ್ನು ಹೊಂದಿವೆ. ವೈಜ್ಞಾನಿಕ ಮತ್ತು ತಂತ್ರಜ್ಞಾನದ ಸಂಶೋಧನೆಗೆ ಬಲವಾದ ಒತ್ತುನೀಡುವುದು ಇವುಗಳ ಉದ್ದೇಶ. MITಯು ಖಾಸಗಿ ಭೂಮಾನ್ಯ ವಿಶ್ವವಿದ್ಯಾಲಯಗಳಲ್ಲಿ[b] ಒಂದಾಗಿದೆ ಮತ್ತು ಇದು ಒಂದು ಸಾಗರ ಮಾನ್ಯ ಮತ್ತು ಬಾಹ್ಯಾಕಾಶ ಮಾನ್ಯ ವಿಶ್ವವಿದ್ಯಾಲಯವೂ ಆಗಿದೆ.
ಚಿತ್ರ:MIT Seal.svg | |
ಧ್ಯೇಯ | Mens et Manus |
---|---|
Motto in English | Mind and Hand[1] |
ಪ್ರಕಾರ | Private |
ಸ್ಥಾಪನೆ | 1861 (opened 1865) |
ಧನ ಸಹಾಯ | US $8.0 billion[2] |
ಕುಲಪತಿಗಳು | Phillip Clay |
ಅಧ್ಯಕ್ಷರು | Susan Hockfield |
Provost | L. Rafael Reif |
ಶೈಕ್ಷಣಿಕ ಸಿಬ್ಬಂಧಿ | 1,009[3] |
ವಿದ್ಯಾರ್ಥಿಗಳು | 10,384[4] |
ಪದವಿ ಶಿಕ್ಷಣ | 4,232[4] |
ಸ್ನಾತಕೋತ್ತರ ಶಿಕ್ಷಣ | 6,152[4] |
ಸ್ಥಳ | Cambridge, Massachusetts, United States |
ಆವರಣ | Urban, 168 acres (68.0 ha)[5] |
Nobel Laureates | 75[6] |
Colors | Cardinal Red and Steel Gray[a] |
ಕ್ರೀಡಾಪಟುಗಳು | Division III (except for Rowing) 33 varsity teams |
Mascot | Beaver[7] |
ಮಾನ್ಯತೆಗಳು | NEASC, AAU, COFHE, NASULGC |
ಜಾಲತಾಣ | web.mit.edu |
ದಿನೇ ದಿನೇ ಹೆಚ್ಚುತ್ತಿದ್ದ ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ಕೈಗಾರಿಕೀಕರಣ ಪ್ರವೃತ್ತಿಗೆ ಪ್ರತಿಕ್ರಿಯೆಯಾಗಿ 1861ರಲ್ಲಿ ವಿಲಿಯಂ ಬಾರ್ಟನ್ ರೋಜರ್ಸ್ ಎಂಬಾತನಿಂದ ಸಂಸ್ಥಾಪಿಸಲ್ಪಟ್ಟ ಈ ವಿಶ್ವವಿದ್ಯಾಲಯವು ಐರೋಪ್ಯ ವಿಶ್ವವಿದ್ಯಾಲಯದ ಮಾದರಿಯನ್ನು ಅಳವಡಿಸಿಕೊಳ್ಳುವುದರ ಜೊತೆಗೆ, ಆರಂಭದಿಂದಲೇ ಕಮ್ಮಟ ಸ್ವರೂಪದ ಬೋಧನೆಯ ಕಡೆಗೆ ಒತ್ತು ನೀಡಿತು.[8] 1916ರಲ್ಲಿ ಪ್ರಾರಂಭವಾದ ಇದರ ಪ್ರಸಕ್ತ 168-acre (68.0 ha) ಆವರಣವು ವಿಸ್ತರಣೆಗೆ ಒಳಗಾಗಿ 1 mile (1.6 km) ಚಾರ್ಲ್ಸ್ ನದಿಯ ಜಲಾನಯನ ಭೂಮಿಯ ಉತ್ತರದ ದಡದಾದ್ಯಂತ ಹಬ್ಬಿದೆ.[5] IIನೇ ಜಾಗತಿಕ ಸಮರ ಮತ್ತು ಶೀತಲ ಸಮರದ ಅವಧಿಯಲ್ಲಿ ರಕ್ಷಣಾ ಸಂಶೋಧನೆಯೊಂದಿಗೆ ಸಂಬಂಧಹೊಂದಿದ್ದ ಕಂಪ್ಯೂಟರುಗಳು, ರೇಡಾರ್, ಮತ್ತು ಜಡತ್ವಕ್ಕೆ ಸಂಬಂಧಿಸಿದ ಮಾರ್ಗದರ್ಶನವನ್ನು ಅಭಿವೃದ್ಧಿಪಡಿಸುವಲ್ಲಿನ ಪ್ರಯತ್ನಗಳಲ್ಲಿ MIT ಸಂಶೋಧಕರು ತೊಡಗಿಸಿಕೊಂಡಿದ್ದರು. ಕಳೆದ 60 ವರ್ಷಗಳಲ್ಲಿ, MITಯ ಶೈಕ್ಷಣಿಕ ಬೋಧನಾ ವಿಭಾಗಗಳು ಭೌತಿಕ ವಿಜ್ಞಾನಗಳು ಮತ್ತು ಎಂಜಿನಿಯರಿಂಗ್ನಿಂದ ಆಚೆಗೆ ವಿಸ್ತರಣೆಗೊಂಡಿದ್ದು ಅರ್ಥಶಾಸ್ತ್ರ, ತತ್ತ್ವಶಾಸ್ತ್ರ, ಭಾಷಾಶಾಸ್ತ್ರ, ರಾಜ್ಯಶಾಸ್ತ್ರ, ಮತ್ತು ವ್ಯವಸ್ಥಾಪನೆಯಂಥ ಕ್ಷೇತ್ರಗಳು ಅದರಲ್ಲಿ ಸೇರಿವೆ.[9] 2009–2010ರ ಶರತ್ಕಾಲದ ಅವಧಿಯ ವೇಳೆಗೆ 4,232 ಸ್ನಾತಕಪೂರ್ವ ವಿದ್ಯಾರ್ಥಿಗಳು ಮತ್ತು 6,152 ಪದವೀಧರ ವಿದ್ಯಾರ್ಥಿಗಳನ್ನು MITಯು ದಾಖಲಿಸಿಕೊಂಡಿತ್ತು.[4] ಇದರ ಬೋಧನಾ ವಿಭಾಗದಲ್ಲಿ ಸುಮಾರು 1,009 ಸದಸ್ಯರಿದ್ದಾರೆ.[3] ಇದರ ದತ್ತಿ ಮತ್ತು ವಾರ್ಷಿಕ ಸಂಶೋಧನೆಯ ಖರ್ಚುಗಳು ಅಮೆರಿಕಾದ ಯಾವುದೇ ವಿಶ್ವವಿದ್ಯಾಲಯದ ಪೈಕಿ ಅತಿ ಹೆಚ್ಚಿನದಾಗಿವೆ.[10] 75 ನೊಬೆಲ್ ಪ್ರಶಸ್ತಿ ವಿಜೇತರು, ನ್ಯಾಷನಲ್ ಮೆಡಲ್ ಆಫ್ ಸೈನ್ಸ್ ಗೌರವ ಪಡೆದ 47 ಮಂದಿ, ಮತ್ತು 31 ಮ್ಯಾಕ್ಅರ್ಥರ್ ಫೆಲೊಗಳು ಪ್ರಸ್ತುತ ಅಥವಾ ಇದಕ್ಕೂ ಮುಂಚೆ ವಿಶ್ವವಿದ್ಯಾಲಯದೊಂದಿಗೆ ಗುರುತಿಸಿಕೊಂಡವರೇ ಆಗಿದ್ದಾರೆ.[3][6] MITಯ ಹಳೆಯ ವಿದ್ಯಾರ್ಥಿಗಳಿಂದ ಸಂಸ್ಥಾಪಿಸಲ್ಪಟ್ಟ ಕಂಪನಿಗಳ ಒಟ್ಟುಗೂಡಿಸಿದ ಆದಾಯವು ವಿಶ್ವದಲ್ಲಿನ ಹದಿನೇಳನೇ ಅತಿದೊಡ್ಡ ಆರ್ಥಿಕತೆಯಷ್ಟಾಗುತ್ತದೆ.[11] ಎಂಜಿನಿಯರುಗಳು 33 ಕ್ರೀಡಾಸ್ಪರ್ಧೆಗಳ ಪ್ರಾಯೋಜಕತ್ವವನ್ನು ವಹಿಸಿಕೊಳ್ಳುತ್ತಾರೆ. ಇವುಗಳಲ್ಲಿ ಬಹುಪಾಲು NCAA ವಿಭಾಗ IIIರ ನ್ಯೂ ಇಂಗ್ಲಂಡ್ ವಿಮೆನ್ಸ್ ಅಂಡ್ ಮೆನ್ಸ್ ಅಥ್ಲೆಟಿಕ್ ಕಾನ್ಫರೆನ್ಸ್ನಲ್ಲಿ ಸ್ಪರ್ಧಿಸುತ್ತವೆ; ವಿಭಾಗ Iರ ದೋಣಿ ಹುಟ್ಟುಹಾಕುವಿಕೆ ವ್ಯಾಸಂಗಕ್ರಮಗಳು EARC ಮತ್ತು EAWRC ಅಂಗವಾಗಿ ಸ್ಪರ್ಧಿಸುತ್ತವೆ.
1859ರಷ್ಟು ಮುಂಚೆಯೇ, ಬಾಸ್ಟನ್ನಲ್ಲಿನ ಬ್ಯಾಕ್ ಬೇಯಲ್ಲಿದ್ದ ಹೊಸದಾಗಿ ಪ್ರಾರಂಭಗೊಂಡಿದ್ದ ಜಮೀನುಗಳನ್ನು ಕಲೆ ಮತ್ತು ವಿಜ್ಞಾನದ ಒಂದು ವಸ್ತುಸಂಗ್ರಹಾಲಯ ಹಾಗೂ ಸಸ್ಯರಕ್ಷಣಾಗೃಹವೊಂದಕ್ಕಾಗಿ ಬಳಕೆ ಮಾಡಲು ಮ್ಯಾಸಚೂಸೆಟ್ಸ್ ಸಂಸ್ಥಾನದ ಶಾಸನಸಭೆಗೆ ಪ್ರಸ್ತಾವನೆಯೊಂದನ್ನು ನೀಡಲಾಗಿತ್ತು.[12] 1861ರಲ್ಲಿ, "ಮ್ಯಾಸಚೂಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮತ್ತು ಬಾಸ್ಟನ್ ಸೊಸೈಟಿ ಆಫ್ ನ್ಯಾಚುರಲ್ ಹಿಸ್ಟರಿ"ಗಳ ಏಕೀಕರಣಕ್ಕಾಗಿ ವಿಲಿಯಂ ಬಾರ್ಟನ್ ರೋಜರ್ಸ್ನಿಂದ ಸಲ್ಲಿಸಲ್ಪಟ್ಟ ಒಂದು ಶಾಸನಪತ್ರವನ್ನು ಮ್ಯಾಸಚೂಸೆಟ್ಸ್ ಒಕ್ಕೂಟವು ಅನುಮೋದಿಸಿತು. 19ನೇ ಶತಮಾನದ ಮಧ್ಯಭಾಗದ ಅವಧಿಯಲ್ಲಿ, ವಿಜ್ಞಾನ ಮತ್ತು ತಂತ್ರಜ್ಞಾನ ವಲಯಗಳಲ್ಲಿನ ಕ್ಷಿಪ್ರ ಪ್ರಗತಿಗಳಿಂದ ಒಡ್ಡಲ್ಪಟ್ಟಿದ್ದು ಇದನ್ನು ನಿರ್ವಹಣೆ ಮಾಡಲು ಶಿಷ್ಟ ಶಿಕ್ಷಣಸಂಸ್ಥೆಗಳು ಸಾಕಷ್ಟು ಸಿದ್ಧತೆಯನ್ನು ಹೊಂದಿಲ್ಲದ ಸಂದರ್ಭದಲ್ಲಿ, ಸವಾಲುಗಳನ್ನು ಎದುರಿಸಬಲ್ಲ ಉನ್ನತ ಶಿಕ್ಷಣದ ಒಂದು ಹೊಸ ಸ್ವರೂಪವನ್ನು ಸ್ಥಾಪಿಸಲು ರೋಜರ್ಸ್ ಪ್ರಯತ್ನಿಸಿದ್ದ.[13][14] ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿರುವ ಒಂದು ಸ್ವತಂತ್ರ ಬೋಧನಾ ವಿಭಾಗವೊಂದಕ್ಕೆ ಒತ್ತುನೀಡುವ ಜರ್ಮನ್ ಸಂಶೋಧನಾ ವಿಶ್ವವಿದ್ಯಾಲಯದ ಮಾದರಿಯನ್ನಷ್ಟೇ ಅಲ್ಲದೇ, ವಿಚಾರ ಸಂಕಿರಣಗಳು ಹಾಗೂ ಕಮ್ಮಟಗಳ ಸುತ್ತ ನೆಲೆಯನ್ನು ಕಂಡುಕೊಂಡಿರುವ ಬೋಧನಾ ವಿಧಾನಗಳು ರೋಜರ್ಸ್ನ ಯೋಜನೆಯಲ್ಲಿ ಪ್ರತಿಬಿಂಬಿತವಾಗಿದ್ದವು. ಶಿಕ್ಷಣದ ಈ ಹೊಸ ಸ್ವರೂಪವು ಮೂರು ತತ್ವಗಳನ್ನು ಹೊಂದಿರಬೇಕು ಎಂದು ರೋಜರ್ಸ್ ಪ್ರತಿಪಾದಿಸಿದ. ಅವುಗಳೆಂದರೆ: ಪ್ರಯೋಜನಕಾರಿ ಜ್ಞಾನದ ಶೈಕ್ಷಣಿಕ ಮೌಲ್ಯ, “ಮಾಡುವುದರ ಮೂಲಕ ಕಲಿಯುವುದರ” ಅವಶ್ಯಕತೆ, ಮತ್ತು ಸ್ನಾತಕಪೂರ್ವ ವಿದ್ಯಾರ್ಥಿ ಮಟ್ಟದಲ್ಲಿ ಒಂದು ವೃತ್ತಿಪರ ಹಾಗೂ ಉದಾರವಾದ ಕಲೆಗಳ ಶಿಕ್ಷಣವನ್ನು ಸಂಯೋಜಿಸುವುದು.[15][16]
“ | ...a school of industrial science [aiding] the advancement, development and practical application of science in connection with arts, agriculture, manufactures, and commerce. | ” |
—[17], Act to Incorporate the Massachusetts Institute of Technology, Acts of 1861, Chapter 183 |
ಶಾಸನ ಪತ್ರವನ್ನು ಸ್ವೀಕರಿಸಿದ ಕೇವಲ ಕೆಲವೇ ವಾರಗಳ ನಂತರ ಅಂತರ್ಯುದ್ಧದಲ್ಲಿನ ಮುಕ್ತ ತಿಕ್ಕಾಟಗಳು ತಲೆದೋರಿದ್ದರಿಂದಾಗಿ, MITಯ ಮೊದಲ ತರಗತಿಗಳನ್ನು 1865ರಲ್ಲಿ ಬಾಸ್ಟನ್ ನಗರದ ಮಧ್ಯಭಾಗದಲ್ಲಿನ ವಾಣಿಜ್ಯ ಕಟ್ಟಡದಲ್ಲಿನ ಬಾಡಿಗೆ ಜಾಗವೊಂದರಲ್ಲಿ ನಡೆಸಬೇಕಾಯಿತು.[18] ಬಾಸ್ಟನ್ನ ಮಧ್ಯಭಾಗದಲ್ಲಿ ಇದು ನೆಲೆಗೊಳ್ಳಬೇಕಾಗಿ ಬಂದರೂ, 1862ರ ಮೊರ್ರಿಲ್ ಭೂಮಾನ್ಯ ಕಾಲೇಜುಗಳ ಕಾಯಿದೆಯ ಆಶಯದೊಂದಿಗೆ ಸದರಿ ಹೊಸ ಶಿಕ್ಷಣಸಂಸ್ಥೆಯ ಧ್ಯೇಯವು ಹೊಂದಾಣಿಕೆಯಾಯಿತು. "ಔದ್ಯಮಿಕ ವರ್ಗಗಳ ಉದಾರವಾದ ಮತ್ತು ಪ್ರಾಯೋಗಿಕ ಶಿಕ್ಷಣವನ್ನು ಉತ್ತೇಜಿಸಲು" ಸ್ಥಾಪನೆಯಾಗುವ ಶಿಕ್ಷಣಸಂಸ್ಥೆಗಳಿಗೆ ಹಣಕಾಸಿನ ನೆರವು ನೀಡುವುದು ಈ ಕಾಯಿದೆಯ ಆಶಯವಾಗಿತ್ತು. ಮ್ಯಾಸಚೂಸೆಟ್ಸ್ ವಿಶ್ವವಿದ್ಯಾಲಯ ಎಂದು ರೂಪುಗೊಳ್ಳಲಿದ್ದ ಶಿಕ್ಷಣಸಂಸ್ಥೆಯನ್ನು ಈ ಕಾಯಿದೆಯಡಿಯಲ್ಲಿ ಮ್ಯಾಸಚೂಸೆಟ್ಸ್ ಒಕ್ಕೂಟವು ಸಂಸ್ಥಾಪಿಸಿತಾದರೂ,[d] MITಯು ಒಂದು ನಿಯುಕ್ತಗಾರನಾಗಿಯೂ ಹೆಸರಿಸಲ್ಪಟ್ಟಿತು ಮತ್ತು ಭೂಮಾನ್ಯಗಳನ್ನು ಸ್ವೀಕರಿಸಲು ನಿಯೋಜಿತವಾಗಲಿದ್ದ ಖಾಸಗಿಯಾಗಿ-ವಿಶೇಶಾಧಿಕಾರವನ್ನು ನೀಡಲ್ಪಟ್ಟ ಎರಡು ಶಿಕ್ಷಣ ಸಂಸ್ಥೆಗಳ ಪೈಕಿ ಒಂದಾಯಿತು.[b] ಈ ನಿಧಿಗಳಿಂದ ಬಂದ ಹುಟ್ಟುವಳಿಯು 1866ರಲ್ಲಿ ಬಾಸ್ಟನ್ನ ಬ್ಯಾಕ್ ಬೇಯಲ್ಲಿನ ಮೊದಲ ಕಟ್ಟಡಗಳ ನಿರ್ಮಾಣಕಾರ್ಯದಲ್ಲಿ ನೆರವಾಯಿತು. ಇದರಿಂದಾಗಿ MITಯು ಎಂದು "ಬಾಸ್ಟನ್ ಟೆಕ್" ಎಂದು ಕರೆಸಿಕೊಳ್ಳುವುದು ಸಾಧ್ಯವಾದಂತಾಯಿತು. ನಂತರದ ಅರ್ಧ-ಶತಮಾನದ ಅವಧಿಯಲ್ಲಿ, ವಿಜ್ಞಾನ ಮತ್ತು ಎಂಜಿನಿಯರಿಂಗ್ ಪಠ್ಯಕ್ರಮದ ಗಮನದ ಕೇಂದ್ರವು ಸೈದ್ಧಾಂತಿಕ ವ್ಯಾಸಂಗಕ್ರಮಗಳ ಬದಲಿಗೆ ಔದ್ಯೋಗಿಕ ಕಾಳಜಿಗಳ ಕಡೆಗೆ ತಿರುಗಿತು. ಹಾರ್ವರ್ಡ್ ವಿಶ್ವವಿದ್ಯಾಲಯದ ಅಧ್ಯಕ್ಷನಾದ ಚಾರ್ಲ್ಸ್ ವಿಲಿಯಂ ಎಲಿಯಟ್, ತನ್ನ 30-ವರ್ಷಗಳ ಅಧಿಕಾರಾವಧಿಯಲ್ಲಿ ಹಾರ್ವರ್ಡ್ನ ಲಾರೆನ್ಸ್ ವೈಜ್ಞಾನಿಕ ಶಾಲೆಯೊಂದಿಗೆ MITಯನ್ನು ವಿಲೀನಗೊಳಿಸಲು ಪದೇಪದೇ ಪ್ರಯತ್ನಿಸಿದ: 1869ರಷ್ಟು ಮುಂಚಿತವಾಗಿಯೇ ವಿಧ್ಯುಕ್ತ ಪ್ರಸ್ತಾಪಗಳು ಮಾಡಲ್ಪಟ್ಟವು ಮತ್ತು 1900 ಮತ್ತು 1914ರಲ್ಲಿ ಬಂದ ಇತರ ಪ್ರಸ್ತಾಪಗಳು ಕೊನೆಗೆ ಸೋಲುಕಾಣಬೇಕಾಯಿತು.[19][c]
MITಯ ಬಾಸ್ಟನ್ ಆವರಣದಿಂದ ಅನುಮತಿಸಲ್ಪಟ್ಟ ತರಗತಿಯ ಕೋಣೆ ಮತ್ತು ಪ್ರಯೋಗಾಲಯದ ಪ್ರದೇಶದಿಂದಾಚೆಗೆ MITಯ ನಿರಂತರವಾದ ವಿಸ್ತರಣೆಯಾಗುವುದರೊಂದಿಗೆ ಪ್ರಯತ್ನಿಸಲ್ಪಟ್ಟ ವಿಲೀನಗಳು ಸಮಾನಾಂತರವಾಗಿ ಸಂಭವಿಸಿದವು. ಅಧ್ಯಕ್ಷ ರಿಚರ್ಡ್ ಮಾಕ್ಲೌರಿನ್ 1909ರಲ್ಲಿ ಅಧಿಕಾರವನ್ನು ಸ್ವೀಕರಿಸಿದಾಗ, ಆವರಣವನ್ನು ಹೊಸತೊಂದು ತಾಣಕ್ಕೆ ವರ್ಗಾಯಿಸಲು ಪ್ರಯತ್ನಿಸಿದ.[21] ಚಾರ್ಲ್ಸ್ ನದಿಯ ಕೇಂಬ್ರಿಜ್ ಪಾರ್ಶ್ವದ ಮೇಲಿನ ಜೌಗುಪ್ರದೇಶ ಹಾಗೂ ಕೈಗಾರಿಕಾ ಭೂಮಿಯ ಸುಮಾರು ಒಂದು ಮೈಲು ಉದ್ದದ ವಿಶಾಲ ಪ್ರದೇಶದಲ್ಲಿ ಹೊಸತೊಂದು ಆವರಣವನ್ನು ಕಟ್ಟಲು ಓರ್ವ ಅನಾಮಿಕ ದಾನಿಯು ಧನಸಹಾಯ ಮಾಡಿದ; ಈತನೇ ಜಾರ್ಜ್ ಈಸ್ಟ್ಮನ್ ಎಂದು ನಂತರ ತಿಳಿದುಬಂತು. 1916ರಲ್ಲಿ, ವಿಲಿಯಂ ಡಬ್ಲ್ಯೂ. ಬೋಸ್ವರ್ತ್ನಿಂದ ವಿನ್ಯಾಸಗೊಳಿಸಲ್ಪಟ್ಟ ಸುಂದರವಾದ ಹೊಸ ನವಕ್ಲಾಸಿಕಲ್ ಶೈಲಿಯ ಆವರಣದೊಳಗೆ MITಯು ವರ್ಗಾಯಿಸಲ್ಪಟ್ಟಿತು.ಜಡವಾಗಿದ್ದ ಸ್ನಾತಕಪೂರ್ವ ವಿದ್ಯಾರ್ಥಿ ಪಠ್ಯಕ್ರಮದಲ್ಲಿ ಒಂದಷ್ಟು ಬದಲಾವಣೆಗಳಾಗುವಲ್ಲಿ ಹೊಸ ಆವರಣವು ಪ್ರಚೋದಿಸಿತು. ಆದರೆ, ಅಧ್ಯಕ್ಷ ಕಾರ್ಲ್ ಟೇಲರ್ ಕಾಂಪ್ಟನ್ ಮತ್ತು ಉಪಾಧ್ಯಕ್ಷ (ಸಂಪೂರ್ಣವಾಗಿ ಮುಖ್ಯಾಧಿಕಾರಿ) ವಾನ್ನೆವಾರ್ ಬುಷ್ ಇಬ್ಬರೂ ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರದಂಥ "ಅಪ್ಪಟ" ವಿಜ್ಞಾನಗಳ ಮಹತ್ವಕ್ಕೆ ಪುನಃ ಪ್ರಾಧಾನ್ಯತೆ ನೀಡುವ ಮತ್ತು ಮಳಿಗೆಗಳಲ್ಲಿ ಹಾಗೂ ಕರಡು ತಯಾರಿಸುವಲ್ಲಿ ಅಗತ್ಯವಿರುವ ಕೆಲಸವನ್ನು ತಗ್ಗಿಸುವ ಮೂಲಕ 1930ರ ದಶಕದಲ್ಲಿ ಪಠ್ಯಕ್ರಮವನ್ನು ತೀವ್ರವಾಗಿ ಸುಧಾರಣೆಗೊಳಪಡಿಸಿದರು. ಮಹಾನ್ ಆರ್ಥಿಕ ಮತ್ತು ಕೈಗಾರಿಕಾ ಕುಸಿತದ ಸವಾಲುಗಳ ಹೊರತಾಗಿಯೂ, "ವಿಜ್ಞಾನವಷ್ಟೇ ಅಲ್ಲದೇ ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ನಾಯಕತ್ವವನ್ನು ಬೆಳೆಸುವಲ್ಲಿನ ಸಂಸ್ಥೆಯ ಸಾಮರ್ಥ್ಯದಲ್ಲಿನ ಆತ್ಮವಿಶ್ವಾಸವನ್ನು" ಈ ಸುಧಾರಣೆಗಳು ನವೀಕರಿಸಿದವು.[15] ವಿಸ್ತರಣೆ ಮತ್ತು ಸುಧಾರಣೆಗಳು MITಯ ಶೈಕ್ಷಣಿಕ ಪ್ರತಿಷ್ಠೆಯನ್ನು ಒಂದುಗೂಡಿಸಿದವು ಮತ್ತು 1934ರಲ್ಲಿ ಇದು ಅಸೋಸಿಯೇಷನ್ ಆಫ್ ಅಮೆರಿಕನ್ ಯೂನಿವರ್ಸಿಟೀಸ್ಗೆ ಆಯ್ಕೆಗೊಂಡಿತು.[22] IIನೇ ಜಾಗತಿಕ ಸಮರದ ಅವಧಿಯಲ್ಲಿ ಸೇನಾ ಸಂಶೋಧನೆಯಲ್ಲಿನ ತನ್ನ ತೊಡಗಿಸಿಕೊಳ್ಳುವಿಕೆಯಿಂದಾಗಿ MITಯು ಗಣನೀಯವಾಗಿ ಬದಲಾಯಿತು. ಬೃಹತ್ತಾದ ವೈಜ್ಞಾನಿಕ ಸಂಶೋಧನೆ ಮತ್ತು ಅಭಿವೃದ್ಧಿಯ ಕಚೇರಿಯ ಮುಖ್ಯಸ್ಥನಾಗಿ ಬುಷ್ ನೇಮಕಗೊಂಡ ಮತ್ತು MIT ಸೇರಿದಂತೆ, ವಿಶ್ವವಿದ್ಯಾಲಯಗಳ ಒಂದು ಆಯ್ದ ಗುಂಪೊಂದಕ್ಕೆ ಮಾತ್ರವೇ ಧನಸಹಾಯವನ್ನು ಒದಗಿಸಿದ.[23][24] ಸೂಕ್ಷ್ಮತರಂಗ ರೇಡಾರ್ವೊಂದನ್ನು ಅಭಿವೃದ್ಧಿಪಡಿಸುವಲ್ಲಿನ ಬ್ರಿಟಿಷ್ ಪ್ರಯತ್ನಗಳಿಗೆ ನೆರವಾಗಲು MITಯ ವಿಕಿರಣ ಪ್ರಯೋಗಾಲಯವು 1940ರಲ್ಲಿ ಸ್ಥಾಪಿಸಲ್ಪಟ್ಟಿತು ಮತ್ತು ಮೊದಲ ರಾಶಿ ಉತ್ಪಾದನೆಯ ಘಟಕಗಳನ್ನು ಕೆಲವೇ ತಿಂಗಳೊಳಗಾಗಿ ಮುಂಚೂಣಿಯ ಘಟಕಗಳ ಮೇಲೆ ಅಳವಡಿಸಲಾಯಿತು. ಇತರ ರಕ್ಷಣಾ ಯೋಜನೆಗಳಲ್ಲಿ ಇವು ಸೇರಿದ್ದವು: ಚಾರ್ಲ್ಸ್ ಸ್ಟಾರ್ಕ್ ಡ್ರೇಪರ್ನ ಉಪಕರಣ ವಿಜ್ಞಾನ ಪ್ರಯೋಗಾಲಯದ ಅಡಿಯಲ್ಲಿನ, ಬಂದೂಕು ಮತ್ತು ಬಾಂಬ್ಗುರಿಗಳು ಮತ್ತು ಜಡತ್ವದ ಸಂಚಾರ ನಿರ್ದೇಶನಕ್ಕೆ ಮೀಸಲಾದ ಭ್ರಮಣ ದರ್ಶಕ-ಆಧರಿತ ಮತ್ತು ಇತರ ಸಂಕೀರ್ಣ ನಿಯಂತ್ರಣಾ ವ್ಯವಸ್ಥೆಗಳು; ಪ್ರಾಜೆಕ್ಟ್ ವರ್ಲ್ವಿಂಡ್ ಅಡಿಯಲ್ಲಿನ, ವಿಮಾನಹಾರಾಟ ಅನುಕರಣಗಳಿಗೆ ಮೀಸಲಾದ ಡಿಜಿಟಲ್ ಕಂಪ್ಯೂಟರ್ ಒಂದರ ಅಭಿವೃದ್ಧಿ, ಮತ್ತು ಹೆರಾಲ್ಡ್ ಎಡ್ಗರ್ಟನ್ನ ಅಡಿಯಲ್ಲಿನ, ಅತಿ-ವೇಗಮತ್ತು ಅತಿ-ಎತ್ತರದ ಛಾಯಾಚಿತ್ರಗ್ರಹಣ ಯೋಜನೆ.[25] ಯುದ್ಧದ ಅಂತ್ಯದ ವೇಳೆಗೆ, 4,000ಕ್ಕೂ ಮೀರಿದ ಸಿಬ್ಬಂದಿ ಪಡೆಯೊಂದನ್ನು (ಐದನೇ ಒಂದು ಭಾಗಕ್ಕಿಂತಲೂ ಹೆಚ್ಚಿದ್ದ ರಾಷ್ಟ್ರದ ಭೌತವಿಜ್ಞಾನಿಗಳೂ ಸೇರಿದಂತೆ) MITಯು ನೇಮಿಸಿಕೊಂಡಿತು ಮತ್ತು ಇದು ಯುದ್ಧದ ಅವಧಿಯಲ್ಲಿನ ರಾಷ್ಟ್ರದ ಏಕೈಕ ಅತಿದೊಡ್ಡ R&D ಗುತ್ತಿಗೆದಾರನಾಗಿತ್ತು.[26] ಯುದ್ಧಾನಂತರದ ವರ್ಷಗಳಲ್ಲಿ, SAGE ಮತ್ತು G.I. ಮಸೂದೆಯಡಿಯಲ್ಲಿ ಏರುತ್ತಲೇ ಇದ್ದ ವಿದ್ಯಾರ್ಥಿಗಳ ದಾಖಲಾತಿಗಳೊಂದಿಗೆ ಸಂಯೋಜಿಸಲ್ಪಟ್ಟ ಕ್ಷಿಪ್ತ ಕ್ಷಿಪಣಿಗಳು ಮತ್ತು ಪ್ರಾಜೆಕ್ಟ್ ಅಪೊಲೊಗೆ ಮೀಸಲಾದ ಮಾರ್ಗದರ್ಶನ ವ್ಯವಸ್ಥೆಗಳಂಥ ಸರ್ಕಾರಿ-ಪ್ರಾಯೋಜಿತ ಸಂಶೋಧನೆಯು ಸಂಸ್ಥೆಯ ಸಂಶೋಧನಾ ಸಿಬ್ಬಂದಿಯ ಮತ್ತು ಭೌತಶಾಸ್ತ್ರೀಯ ಸ್ಥಾವರದ ಗಾತ್ರದಲ್ಲಿನ ಒಂದು ಕ್ಷಿಪ್ರ ಬೆಳವಣಿಗೆಗೆ ಕೊಡುಗೆ ನೀಡಿತು ಹಾಗೂ ಪದವೀಧರ ಶಿಕ್ಷಣದ ಮೇಲಿನ ಹೆಚ್ಚಿನ ಪ್ರಮಾಣದ ಒತ್ತುನೀಡಲು ಕಾರಣವಾಯಿತು.[15] ಶೀತಲ ಸಮರ ಮತ್ತು ಬಾಹ್ಯಾಕಾಶದ ಪೈಪೋಟಿಗಳು ತೀವ್ರವಾಗುತ್ತಿದ್ದಂತೆ ಮತ್ತು U.S. ಹಾಗೂ ಸೋವಿಯೆಟ್ ಒಕ್ಕೂಟದ ನಡುವಿನ ತಂತ್ರಜ್ಞಾನ ಅಂತರದ ಕುರಿತಾದ ಕಳವಳಗಳು 1950ರ ದಶಕ ಮತ್ತು 1960ರ ದಶಕದಾದ್ಯಂತ ಹೆಚ್ಚು ವ್ಯಾಪಕವಾಗಿ ಬೆಳೆಯುತ್ತಿದ್ದಂತೆ, ಸೇನಾ-ಕೈಗಾರಿಕಾ ಸಂಕೀರ್ಣದಲ್ಲಿನ MITಯ ತೊಡಗಿಕೊಳ್ಳುವಿಕೆಯು ಆವರಣದಲ್ಲಿ ಒಂದು ಹೆಮ್ಮೆಯ ಮೂಲವಾಗಿ ಪರಿಣಮಿಸಿತ್ತು.[27][28] 1949ರಲ್ಲಿನ ಸ್ನಾತಕಪೂರ್ವ ವಿದ್ಯಾರ್ಥಿ ಪಠ್ಯಕ್ರಮದ ಒಂದು ವ್ಯಾಪಕ ಅವಲೋಕನ ಮತ್ತು 1966 ಮತ್ತು 1980ರ ನಡುವೆ ಹೋವರ್ಡ್ W. ಜಾನ್ಸನ್ ಮತ್ತು ಜೆರೋಮ್ ವೈಸ್ನರ್ರಂಥ ಹೆಚ್ಚು ಮಾನವಿಕವಾದ ಉದ್ದೇಶವನ್ನುಳ್ಳ ಅಧ್ಯಕ್ಷರ ಅನುಕ್ರಮದ ನೇಮಕಾತಿಗಳನ್ನು ಅನುಸರಿಸಿ, ಮಾನವಿಕಗಳು, ಕಲೆಗಳು, ಮತ್ತು ಸಮಾಜ ವಿಜ್ಞಾನಗಳಲ್ಲಿನ ತನ್ನ ಶಿಕ್ಷಣ ಕಾರ್ಯಕ್ರಮಗಳನ್ನು MITಯು ಮಹತ್ತರವಾಗಿ ವಿಸ್ತರಿಸಿತು.[15][29] ಅರ್ಥಶಾಸ್ತ್ರ, ವ್ಯವಸ್ಥಾಪನೆ, ರಾಜ್ಯಶಾಸ್ತ್ರ, ಮತ್ತು ಭಾಷಾಶಾಸ್ತ್ರದ ಕ್ಷೇತ್ರಗಳಲ್ಲಿ ಹಿಂದೆ ಅಷ್ಟೊಂದು ಮುಖ್ಯವಾಗಿ ಪರಿಗಣಿಸಿರದಿದ್ದ ಬೋಧನಾ ವಿಭಾಗಗಳು ಸಂಸಂಜಕ ಮತ್ತು ಸ್ವಸಮರ್ಥನೀಯ ವಿಭಾಗಗಳಾಗಿ ಹೊರಹೊಮ್ಮಿದವು. ಗೌರವಾನ್ವಿತ ಪ್ರಾಧ್ಯಾಪಕರನ್ನು ಆಕರ್ಷಿಸುವ ಮೂಲಕ, ಸ್ಪರ್ಧಾತ್ಮಕ ಪದವೀಧರ ವ್ಯಾಸಂಗಕ್ರಮಗಳನ್ನು ಆರಂಭಿಸುವ ಮೂಲಕ, ಮಾನವಿಕಗಳು, ಕಲೆಗಳು, ಮತ್ತು ಸಮಾಜ ವಿಜ್ಞಾನಗಳ ಶಾಲೆಯಾಗಿ ರೂಪುಗೊಳ್ಳುವ ಮೂಲಕ, ಮತ್ತು ವಿಜ್ಞಾನ ಹಾಗೂ ಎಂಜಿನಿಯರಿಂಗ್ ವಲಯದ ಶಕ್ತಿಶಾಲಿ ಶಾಲೆಗಳೊಂದಿಗೆ ಪೈಪೋಟಿ ನಡೆಸುವ ಸಲುವಾಗಿ 1950ರಲ್ಲಿ ಸೋಲನ್ ಸ್ಕೂಲ್ ಆಫ್ ಮ್ಯಾನೇಜ್ಮೆಂಟ್ನ್ನು ಸ್ಥಾಪಿಸುವ ಮೂಲಕ ಈ ವಿಭಾಗಗಳು ಬಲಗೊಂಡವು.[30][31]
1960ರ ದಶಕದ ಅಂತ್ಯದಲ್ಲಿ ಮತ್ತು 1970ರ ದಶಕದ ಆರಂಭದಲ್ಲಿ, ವಿದ್ಯಾರ್ಥಿ ಮತ್ತು ಬೋಧನಾ ವಿಭಾಗದ ಕ್ರಿಯಾವಾದಿಗಳು ವಿಯೆಟ್ನಾಂ ಯುದ್ಧ ಹಾಗೂ MITಯ ರಕ್ಷಣಾ ಸಂಶೋಧನೆಯ ವಿರುದ್ಧ ಪ್ರತಿಭಟನೆಯನ್ನು ನಡೆಸಿದರು.[32][33] 1969ರ ಮಾರ್ಚ್ 4ರಂದು ಯೂನಿಯನ್ ಆಫ್ ಕನ್ಸರ್ನ್ಡ್ ಸೈಂಟಿಸ್ಟ್ಸ್ ಒಕ್ಕೂಟವು ಸಂಸ್ಥಾಪಿಸಲ್ಪಟ್ಟಿತು. ಪರಿಸರೀಯ ಮತ್ತು ಸಾಮಾಜಿಕ ಸಮಸ್ಯೆಗಳೆಡೆಗಿನ ಸೇನಾ ಸಂಶೋಧನೆಯ ಮೇಲೆ ಒತ್ತುನೀಡುವಿಕೆಯನ್ನು ವರ್ಗಾಯಿಸಲು ಪ್ರಯತ್ನಿಸುತ್ತಿದ್ದ ಬೋಧನಾ ವಿಭಾಗದ ಸದಸ್ಯರು ಹಾಗೂ ವಿದ್ಯಾರ್ಥಿಗಳ ಒಂದು ಸಭೆಯ ಅವಧಿಯಲ್ಲಿ ಈ ಸಂಸ್ಥಾಪನೆ ನೆರವೇರಿತು.[34] ಪ್ರತಿಭಟನೆಗಳಿಗೆ ಪ್ರತಿಕ್ರಿಯೆಯಾಗಿ[35][36] MITಯು ಉಪಕರಣ ವಿಜ್ಞಾನ ಪ್ರಯೋಗಾಲಯದಿಂದ ತನ್ನ ಸಂಪರ್ಕವನ್ನು ಅಂತಿಮವಾಗಿ ಕಡಿದುಕೊಂಡು, 1973ರಲ್ಲಿ ಎಲ್ಲಾ ವರ್ಗೀಕೃತ ಸಂಶೋಧನೆಯನ್ನೂ ಆವರಣದಿಂದಾಚೆಗೆ ಲಿಂಕನ್ ಪ್ರಯೋಗಾಲಯಕ್ಕೆ ಸಾಗಿಸಿತಾದರೂ, ವಿದ್ಯಾರ್ಥಿ ಘಟಕ, ಬೋಧನಾ ವಿಭಾಗ, ಮತ್ತು ಆಡಳಿತ ವ್ಯವಸ್ಥೆಗಳು ಅವ್ಯವಸ್ಥೆಯ ಅವಧಿಯ ಸಮಯದಲ್ಲಿ ತುಲನಾತ್ಮಕವಾಗಿ ಧ್ರುವೀಕರಣಗೊಳ್ಳದೆಯೇ ಉಳಿದವು.[32][37] ಆಧುನಿಕವಾದ ಕಂಪ್ಯೂಟಿಂಗ್ ಮತ್ತು ನೆಟ್ವರ್ಕಿಂಗ್ ತಂತ್ರಜ್ಞಾನಗಳಿಗೆ[38][39] ಪೂರ್ವವರ್ತಿಗಳನ್ನು ಅಭಿವೃದ್ಧಿಪಡಿಸುವುದರ ಜೊತೆಗೆ, ಪ್ರಾಜೆಕ್ಟ್ MAC, ಕೃತಕ ಬುದ್ಧಿಮತ್ತೆಯ ಪ್ರಯೋಗಾಲಯ, ಮತ್ತು ಟೆಕ್ ಮಾಡೆಲ್ ರೈಲ್ರೋಡ್ ಕ್ಲಬ್ ಇವೇ ಮೊದಲಾದವುಗಳ ವಿದ್ಯಾರ್ಥಿಗಳು, ಸಿಬ್ಬಂದಿ, ಮತ್ತು ಬೋಧನಾ ವಿಭಾಗದ ಸದಸ್ಯರು ಸ್ಪೇಸ್ ವಾರ್! ನಂಥ ಆರಂಭಿಕ ಇಂಟರಾಕ್ಟೀವ್ ಕಂಪ್ಯೂಟರ್ ಆಟಗಳನ್ನು ರೂಪಿಸಿದರು ಹಾಗೂ ಆಧುನಿಕವಾದ ಹ್ಯಾಕರ್ ಸಂಕೇತ ಭಾಷೆಯ ಬಹುಪಾಲನ್ನು ಸೃಷ್ಟಿಸಿದರು.[40] ಹಲವಾರು ಪ್ರಮುಖ ಕಂಪ್ಯೂಟರ್-ಸಂಬಂಧಿತ ಸಂಘಟನೆಗಳು 1980ರ ದಶಕದ ನಂತರದಲ್ಲಿ MITಯಲ್ಲಿ ಹುಟ್ಟಿಕೊಂಡಿವೆ; ರಿಚರ್ಡ್ ಸ್ಟಾಲ್ಮನ್ನ GNU ಪ್ರಾಜೆಕ್ಟ್ ಮತ್ತು ತದನಂತರದ ಮುಕ್ತ ತಂತ್ರಾಂಶ ಪ್ರತಿಷ್ಠಾನ (ಫ್ರೀ ಸಾಫ್ಟ್ವೇರ್ ಫೌಂಡೇಷನ್) ಇವು AI ಲ್ಯಾಬ್ನಲ್ಲಿ 1980ರ ದಶಕದ ಮಧ್ಯಭಾಗದಲ್ಲಿ ಸ್ಥಾಪಿಸಲ್ಪಟ್ಟವು, ಕಂಪ್ಯೂಟರ್ ತಂತ್ರಜ್ಞಾನದ[41] ವಿನೂತನ ಬಳಕೆಗಳಿಗೆ ಸಂಬಂಧಿಸಿದ ಸಂಶೋಧನೆಗಳನ್ನು ಉತ್ತೇಜಿಸಲು MIT ಮೀಡಿಯಾ ಲ್ಯಾಬ್ನ್ನು ನಿಕೋಲಾಸ್ ನೆಗ್ರೋಪೋಂಟೆ ಹಾಗೂ ಜೆರೋಮ್ ವೈಸ್ನರ್ ಎಂಬಿಬ್ಬರು 1985ರಲ್ಲಿ ಸ್ಥಾಪಿಸಿದರು, ಟಿಮ್ ಬೆರ್ನರ್ಸ್-ಲೀ[42] ಎಂಬಾತ ಕಂಪ್ಯೂಟರ್ ವಿಜ್ಞಾನಕ್ಕೆ ಮೀಸಲಾದ ಪ್ರಯೋಗಾಲಯದಲ್ಲಿ ವರ್ಲ್ಡ್ ವೈಡ್ ವೆಬ್ ಕನಸೋರ್ಟಿಯಂ ಸ್ಟಾಂಡರ್ಡ್ಸ್ ಆರ್ಗನೈಸೇಷನ್ನ್ನು ಸ್ಥಾಪಿಸಿದ, ಓಪನ್ಕೋರ್ಸ್ವೇರ್ ಯೋಜನೆಯು 2002ರಿಂದಲೂ 1,800ಕ್ಕಿಂತಲೂ ಹೆಚ್ಚಿನ MIT ತರಗತಿಗಳಿಗಾಗಿ ವ್ಯಾಸಂಗ ವಿಷಯದ ಸಾಮಗ್ರಿಗಳನ್ನು ಆನ್ಲೈನ್ ವ್ಯವಸ್ಥೆಯ ಮೂಲಕ ಉಚಿತವಾಗಿ ಒದಗಿಸುತ್ತಾ ಬಂದಿದೆ,[43] ಮತ್ತು ವಿಶ್ವಾದ್ಯಂತದ ಮಕ್ಕಳಿಗೆ ಕಂಪ್ಯೂಟರ್ ಶಿಕ್ಷಣ ಹಾಗೂ ಸಂಪರ್ಕಶೀಲತೆಯನ್ನು ವಿಸ್ತರಿಸುವಲ್ಲಿನ ಆರಂಭಿಕ ಹೆಜ್ಜೆಯಾದ ಪ್ರತಿ ಮಗುವಿಗೆ ಒಂದು ಲ್ಯಾಪ್ಟಾಪ್ ಎಂಬ ಕಾರ್ಯಕ್ರಮವನ್ನು 2005ರಲ್ಲಿ ಪ್ರಾರಂಭಿಸಲಾಯಿತು.[44] 2004ರಲ್ಲಿ ಅಧಿಕಾರ ವಹಿಸಿಕೊಂಡ ನಂತರ, ಅಧ್ಯಕ್ಷ ಹಾಕ್ಫೀಲ್ಡ್ ಶಕ್ತಿ ಸಂಶೋಧನಾ ಮಂಡಳಿಯೊಂದನ್ನು ಪ್ರಾರಂಭಿಸಿದ. ಹೆಚ್ಚುತ್ತಲೇ ಇರುವ ಜಾಗತಿಕ ಶಕ್ತಿ ಬಳಕೆಯ ಅಂತರ ಸವಾಲುಗಳಿಗೆ MITಯು ಹೇಗೆ ಪ್ರತಿಕ್ರಿಯಿಸಬಹುದು ಎಂಬುದನ್ನು ಕಂಡುಹಿಡಿಯಲು ಈ ಮಂಡಳಿಯು ಸ್ಥಾಪನೆಯಾಯಿತು.[45] ಸಾಗರ ವಿಜ್ಞಾನ ಮತ್ತು ನೌಕಾ ವಿಜ್ಞಾನಗಳಲ್ಲಿನ MITಯ ವ್ಯಾಸಂಗಕ್ರಮಗಳಿಗೆ ಬೆಂಬಲ ನೀಡುವ ಉದ್ದೇಶದಿಂದ ಅದನ್ನೊಂದು ಸಾಗರ ಮಾನ್ಯ ಕಾಲೇಜಾಗಿ 1976ರಲ್ಲಿ ಹೆಸರಿಸಲಾಯಿತು ಮತ್ತು ಅದರ ವಾಯುಯಾನ ವಿಜ್ಞಾನ ಮತ್ತು ಗಗನಯಾನ ಶಾಸ್ತ್ರ ವ್ಯಾಸಂಗಕ್ರಮಗಳಿಗೆ ಬೆಂಬಲ ನೀಡಲು MITಯನ್ನು ಒಂದು ಬಾಹ್ಯಾಕಾಶ ಮಾನ್ಯ ಕಾಲೇಜಾಗಿ 1989ರಲ್ಲಿ ಹೆಸರಿಸಲಾಯಿತು.[46][47] ಕಳೆದ ಕಾಲು ಶತಮಾನದ ಅವಧಿಯಲ್ಲಿ ಸರ್ಕಾರದ ಹಣಕಾಸಿನ ಸಹಾಯದಲ್ಲಿ ಕಂಡುಬಂದ ಕೊರತೆಯ ನಡುವೆಯೂ, ಸಂಸ್ಥೆಯ ಆವರಣವನ್ನು ಗಣನೀಯ ಪ್ರಮಾಣದಲ್ಲಿ ವಿಸ್ತರಿಸುವ ದೃಷ್ಟಿಯಿಂದ MITಯು ಹಲವಾರು ಅಭಿವೃದ್ಧಿ ಕಾರ್ಯಚಟುವಟಿಕೆಗಳನ್ನು ಪ್ರಾರಂಭಿಸಿತು: ಸಂಸ್ಥೆಯ ಪಶ್ಚಿಮ ಆವರಣ ಭಾಗದಲ್ಲಿ ಹೊಸ ವಿದ್ಯಾರ್ಥಿನಿಲಯಗಳು ಮತ್ತು ದೈಹಿಕ-ಕ್ರೀಡೆಗಳ ಕಟ್ಟಡಗಳು, ಟಾಂಗ್ ಸೆಂಟರ್ ಫಾರ್ ಮ್ಯಾನೇಜ್ಮೆಂಟ್ ಎಜುಕೇಷನ್, ಜೀವಶಾಸ್ತ್ರ, ಮಿದುಳು ಮತ್ತು ಜ್ಞಾನಗ್ರಹಣದ ವಿಜ್ಞಾನಗಳು, ಜೀನೋಮಿಕ್ಸ್, ಜೈವಿಕ ತಂತ್ರಜ್ಞಾನ, ಮತ್ತು ಕ್ಯಾನ್ಸರ್ ಸಂಶೋಧನೆಗೆ ಸಂಬಂಧಿಸಿದ ಸಂಶೋಧನೆಗಳಿಗೆ ಬೆಂಬಲ ನೀಡಲು ಸಂಸ್ಥೆಯ ಈಶಾನ್ಯ ಮೂಲೆಯಲ್ಲಿನ ಹಲವಾರು ಕಟ್ಟಡಗಳು, ಮತ್ತು ಸ್ಟಾಟಾ ಸೆಂಟರ್ ಸೇರಿದಂತೆ ವಾಸ್ಸಾರ್ ಸ್ಟ್ರೀಟ್ನಲ್ಲಿ ನಿರ್ಮಿಸಲಾದ ಹಲವಾರು ಹೊಸ "ಬ್ಯಾಕ್ಲಾಟ್" ಕಟ್ಟಡಗಳು ಇವುಗಳಲ್ಲಿ ಸೇರಿದ್ದವು.[48] ಆವರಣ ಪ್ರದೇಶದಲ್ಲಿನ ನಿರ್ಮಾಣ ಕಾರ್ಯಗಳು ಇನ್ನೂ ಮುಂದುವರೆದಿದ್ದು, ಮೀಡಿಯಾ ಲ್ಯಾಬ್, ಸ್ಲೋವಾನ್ನ ಪೂರ್ವದ ಆವರಣ, ಮತ್ತು ಪದವೀಧರ ನಿವಾಸಗಳು ವಾಯವ್ಯ ದಿಕ್ಕಿನ ಭಾಗದಲ್ಲಿ ವಿಸ್ತರಣೆಗೆ ಒಳಗಾಗಲು ಅದು ಕಾರಣವಾಗಿದೆ.[49][50]
ಮೀಡಿಯಾ ಲ್ಯಾಬ್ ಯುರೋಪ್ ಸಂಸ್ಥೆಯು MIT ಮೀಡಿಯಾ ಲ್ಯಾಬ್ನ ಐರೋಪ್ಯ ಪಾಲುದಾರನಾಗಿತ್ತು. ಐರ್ಲೆಂಡ್ನ ಡಬ್ಲಿನ್ನಲ್ಲಿ ಇದು ನೆಲೆಗೊಂಡಿತ್ತು ಮತ್ತು ಜುಲೈ 2000ರ ಜುಲೈಯಿಂದ 2005ರ ಜನವರಿಯವರೆಗೆ ಕಾರ್ಯಾಚರಣೆಯನ್ನು ನಡೆಸಿತು .
MITಗೆ ಒಂದು ಲಾಭ-ನಿರಪೇಕ್ಷ ಸಂಸ್ಥೆಯ ಸವಲತ್ತು ದೊರಕಿದೆ ಮತ್ತು ಇದರ ಮಾಲೀಕತ್ವ ಮತ್ತು ಆಡಳಿತ ನಿರ್ವಹಣೆಯ ಜವಾಬ್ದಾರಿಯನ್ನು MIT ಕಾರ್ಪೊರೇಷನ್ ಎಂದು ಕರೆಯಲ್ಪಡುವ ಖಾಸಗಿಯಾಗಿ ನೇಮಕಗೊಂಡ ಒಂದು ಧರ್ಮದರ್ಶಿಗಳ ಮಂಡಳಿಯು ಹೊಂದಿದೆ.[51] ವೈಜ್ಞಾನಿಕ, ಎಂಜಿನಿಯರಿಂಗ್, ಉದ್ಯಮ, ಶಿಕ್ಷಣದಿಂದ ಸೆಳೆಯಲಾಗಿರುವ 74 ಸದಸ್ಯರು, ಹಾಗೂ ಸಾರ್ವಜನಿಕ ಸೇವಾ ನಾಯಕರನ್ನು ಪ್ರಸಕ್ತ ಮಂಡಳಿಯು ಹೊಂದಿದ್ದು, ಡಾನಾ G. ಮೀಡ್ ಇದರ ಅಧ್ಯಕ್ಷರಾಗಿದ್ದಾರೆ. ಆಯವ್ಯಯ, ಹೊಸ ವ್ಯಾಸಂಗಕ್ರಮಗಳು, ಪದವಿಗಳು, ಮತ್ತು ಬೋಧನಾ ವಿಭಾಗದ ನೇಮಕಾತಿಗಳನ್ನು ಅನುಮೋದಿಸುವುದಷ್ಟೇ ಅಲ್ಲದೇ, ಅಧ್ಯಕ್ಷರನ್ನು ಚುನಾಯಿಸುವುದೂ ಸಹ ಸದರಿ MIT ಕಾರ್ಪೊರೇಷನ್ನ ಕಾರ್ಯವ್ಯಾಪ್ತಿಯಲ್ಲಿ ಸೇರಿದೆ. ಈ ಅಧ್ಯಕ್ಷರು ವಿಶ್ವವಿದ್ಯಾಲಯದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ಮತ್ತು ಸಂಸ್ಥೆಯ ಬೋಧನಾ ವಿಭಾಗದ ಮೇಲ್ವಿಚಾರಕರಾಗಿ ಕಾರ್ಯನಿರ್ವಹಿಸಬೇಕಾಗುತ್ತದೆ.[52][53] ಸುಸಾನ್ ಹಾಕ್ಫೀಲ್ಡ್ 16ನೇ ಅಧ್ಯಕ್ಷರಾಗಿದ್ದು ಡಿಸೆಂಬರ್ 2004ರ ಡಿಸೆಂಬರ್ವರೆಗೆ ಸೇವೆ ಸಲ್ಲಿಸಿದ್ದಾರೆ.[54] MITಯ ದತ್ತಿ ಮತ್ತು ಇತರ ಹಣಕಾಸು ಸ್ವತ್ತುಗಳು MIT ಇನ್ವೆಸ್ಟ್ಮೆಂಟ್ ಮ್ಯಾನೇಜ್ಮೆಂಟ್ ಕಂಪನಿ (MITIMCo) ಎಂಬ ಅಂಗಸಂಸ್ಥೆಯ ಮೂಲಕ ನಿರ್ವಹಿಸಲ್ಪಡುತ್ತವೆ.[55] 2008ರಲ್ಲಿ 10.068 ಶತಕೋಟಿ $ ಮೌಲ್ಯವನ್ನು ಹೊಂದಿದ್ದ MITಯ ದತ್ತಿಯು ಅಮೆರಿಕಾದ ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳ ಪೈಕಿ ಆರನೇ ಅತಿದೊಡ್ಡ ಸ್ಥಾನದಲ್ಲಿದೆ.[56] MITಯು "ವಿಜ್ಞಾನ, ಎಂಜಿನಿಯರಿಂಗ್, ಮತ್ತು ಕಲಾ ವಿಷಯಗಳ ಸುತ್ತ ಧ್ರುವೀಕರಿಸಿರುವ ಒಂದು ವಿಶ್ವವಿದ್ಯಾಲಯ."[57] ಇದು ಐದು ಶಾಲೆಗಳು (ವಿಜ್ಞಾನ, ಎಂಜಿನಿಯರಿಂಗ್, ಶಿಲ್ಪಶಾಸ್ತ್ರ ಮತ್ತು ಯೋಜನೆ, ವ್ಯವಸ್ಥಾಪನೆ, ಮತ್ತು ಮಾನವಿಕಗಳು, ಕಲೆಗಳು, ಮತ್ತು ಸಮಾಜ ವಿಜ್ಞಾನಗಳು) ಹಾಗೂ ಒಂದು ಕಾಲೇಜನ್ನು (ವೈಟೇಕರ್ ಕಾಲೇಜ್ ಆಫ್ ಹೆಲ್ತ್ ಸೈನ್ಸಸ್ ಅಂಡ್ ಟೆಕ್ನಾಲಜಿ) ಹೊಂದಿದೆಯಾದರೂ, ಕಾನೂನು ಅಥವಾ ವೈದ್ಯಕೀಯ ಶಾಸ್ತ್ರದ ಯಾವುದೇ ಶಾಲೆಗಳನ್ನು ಹೊಂದಿಲ್ಲ.[58][e] MITಯ 32 ಶೈಕ್ಷಣಿಕ ವಿಭಾಗಗಳ ಪೈಕಿ ಪ್ರತಿಯೊಂದರ ಮುಖ್ಯಸ್ಥನೂ ಆ ವಿಭಾಗದ ಶಾಲೆಯ ಮುಖ್ಯಾಧಿಕಾರಿಗೆ ಕರ್ತವ್ಯಬದ್ಧನಾಗಿದ್ದು, ಸದರಿ ಮುಖ್ಯಾಧಿಕಾರಿಯು ಅಧ್ಯಕ್ಷರ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಮುಖ್ಯಸ್ಥನಿಗೆ ಕರ್ತವ್ಯಬದ್ಧನಾಗಿರುತ್ತಾನೆ. ಆದಾಗ್ಯೂ, MITಯ ಪಠ್ಯಕ್ರಮ, ಸಂಶೋಧನೆ, ವಿದ್ಯಾರ್ಥಿ ಜೀವನ, ಮತ್ತು ಆಡಳಿತಾತ್ಮಕ ವಿಷಯಗಳ ಅನೇಕ ವಲಯಗಳ ಮೇಲೆ ಗಣನೀಯ ಪ್ರಮಾಣದ ನಿಯಂತ್ರಣವನ್ನು ಬೋಧನಾ ವಿಭಾಗದ ಸಮಿತಿಗಳು ಪ್ರತಿಪಾದಿಸುತ್ತವೆ.[59] ಅಂಕಿಗಳು ಅಥವಾ ಪ್ರಥಮಾಕ್ಷರಿಗಳನ್ನು ಮಾತ್ರವೇ ಬಳಸುವ ಮೂಲಕ MIT ವಿದ್ಯಾರ್ಥಿಗಳು ತಮ್ಮ ಅಧ್ಯಯನದ ಪ್ರಧಾನ ವಿಷಯಗಳು ಹಾಗೂ ತರಗತಿಗಳೆರಡಕ್ಕೂ ಸಂಬಂಧ ಕಲ್ಪಿಸಿಕೊಳ್ಳುತ್ತಾರೆ.[60] ಅಧ್ಯಯನ ವಿಷಯದ ವಿಭಾಗವು ಯಾವಾಗ ಸ್ಥಾಪಿಸಲ್ಪಟ್ಟಿತು ಎಂಬುದರ ಅಂದಾಜು ಅನುಕ್ರಮದಲ್ಲಿ ಅಧ್ಯಯನದ ಪ್ರಧಾನ ವಿಷಯಗಳಿಗೆ ಅಂಕಿಯ ಹಣೆಪಟ್ಟಿಯನ್ನು ನೀಡಲಾಗುತ್ತದೆ; ಉದಾಹರಣೆಗೆ, ಸಿವಿಲ್ ಮತ್ತು ಪರಿಸರೀಯ ಎಂಜಿನಿಯರಿಂಗ್ ವಿಷಯವು ವ್ಯಾಸಂಗ ವಿಷಯ I ಎನಿಸಿಕೊಂಡರೆ, ಪರಮಾಣು ವಿಜ್ಞಾನ & ಎಂಜಿನಿಯರಿಂಗ್ ವಿಷಯವು ವ್ಯಾಸಂಗ ವಿಷಯ XXII ಎನಿಸಿಕೊಳ್ಳುತ್ತದೆ.[61] ಅತ್ಯಂತ ಜನಪ್ರಿಯ ವಿಭಾಗವಾದ ಇಲೆಕ್ಟ್ರಿಕಲ್ ಎಂಜಿನಿಯರಿಂಗ್ ಮತ್ತು ಕಂಪ್ಯೂಟರ್ ವಿಜ್ಞಾನದಲ್ಲಿ ಅಧ್ಯಯನ ಮಾಡುತ್ತಿರುವ ವಿದ್ಯಾರ್ಥಿಗಳು ತಮ್ಮನ್ನು ಒಟ್ಟಾಗಿ "ವ್ಯಾಸಂಗ ವಿಷಯ VI" ಎಂದು ಗುರುತಿಸಿಕೊಳ್ಳುತ್ತಾರೆ. MIT ವಿದ್ಯಾರ್ಥಿಗಳು ತಮ್ಮ ವಿಷಯಗಳನ್ನು ಗುರುತಿಸಿಕೊಳ್ಳಲು ವಿಭಾಗದ ವ್ಯಾಸಂಗ ವಿಷಯದ ಸಂಖ್ಯೆ ಮತ್ತು ತರಗತಿಗೆ ನೀಡಲಾದ ಸಂಖ್ಯೆಯ ಒಂದು ಸಂಯೋಜನೆಯನ್ನು ಬಳಸುತ್ತಾರೆ; "ಭೌತಶಾಸ್ತ್ರ 101" ಎಂಬ ರೀತಿಯಲ್ಲಿ ಅಮೆರಿಕಾದ ಅನೇಕ ವಿಶ್ವವಿದ್ಯಾಲಯಗಳು ಸೂಚಿಸುವ ವ್ಯಾಸಂಗ ವಿಷಯವನ್ನೇ MITಯಲ್ಲಿ ಸರಳವಾಗಿ "8.01" ಎಂದು ಸೂಚಿಸಲಾಗುತ್ತದೆ.[f]
ವಿದ್ವನ್ಮಂಡಲ, ಉದ್ಯಮ, ಮತ್ತು ಸರ್ಕಾರದ ನಡುವಿನ ಸಂಶೋಧನೆ ಮತ್ತು ತರಬೇತಿ ಸಹಯೋಗಗಳನ್ನು ವಿಶ್ವವಿದ್ಯಾಲಯವು ಐತಿಹಾಸಿಕವಾಗಿ ಪ್ರವರ್ತಿಸಿದೆ ಅಥವಾ ಮಾರ್ಗದರ್ಶಕನಾಗಿ ಕಾರ್ಯನಿರ್ವಹಿಸಿದೆ.[62][63] ಆಲ್ಫ್ರೆಡ್ P. ಸೋಲನ್ ಮತ್ತು ಥಾಮಸ್ ಆಲ್ವಾ ಎಡಿಸನ್ರಂಥ ಉದ್ಯಮಿಗಳೊಂದಿಗಿನ ಫಲದಾಯಕ ಸಹಯೋಗಗಳಿಂದಾಗಿ ಅಧ್ಯಕ್ಷನಾದ ಕಾಂಪ್ಟನ್ 1930ರ ದಶಕ ಮತ್ತು 1940ರ ದಶಕಗಳಲ್ಲಿ ಸಾಂಸ್ಥಿಕ ಸಂಬಂಧಗಳ ಒಂದು ಕಚೇರಿ ಹಾಗೂ ಒಂದು ಔದ್ಯಮಿಕ ಸಂಪರ್ಕ ವ್ಯಾಸಂಗಕ್ರಮವನ್ನು ಸ್ಥಾಪಿಸುವುದು ಸಾಧ್ಯವಾಯಿತು. ಇದರ ಪರಿಣಾಮವಾಗಿ MIT ಬೋಧನಾ ವಿಭಾಗ ಮತ್ತು ಸಂಶೋಧಕರೊಂದಿಗೆ ಪರವಾನಗಿ ಸಂಶೋಧನೆ ಮತ್ತು ಸಮಾಲೋಚನೆಯನ್ನು ನಡೆಸಲು 600ಕ್ಕೂ ಹೆಚ್ಚಿನ ಕಂಪನಿಗಳಿಗೆ ಅನುವುಮಾಡಿಕೊಟ್ಟಂತಾಗಿದೆ.[64] 1980ರ ದಶಕದ ಅಂತ್ಯದಾದ್ಯಂತ ಮತ್ತು 1990ರ ದಶಕದ ಆರಂಭದಾದ್ಯಂತ, ಅಮೆರಿಕಾದ ರಾಜಕಾರಣಿಗಳು ಮತ್ತು ಉದ್ದಿಮೆಯ ಅಗ್ರಗಣ್ಯರಿಂದ MIT ಮತ್ತು ಇತರ ವಿಶ್ವವಿದ್ಯಾಲಯಗಳು ಆರೋಪಕ್ಕೊಳಗಾಗಬೇಕಾಗಿ ಬಂದವು. ಅಮೆರಿಕಾದ ವ್ಯವಹಾರ ವಲಯಗಳೊಂದಿಗೆ ನಿರಂತರ ಹೆಣಗಾಡುತ್ತಿರುವ ಅಂತರರಾಷ್ಟ್ರೀಯ ಸಂಸ್ಥೆಗಳಿಗೆ- ಅದರಲ್ಲೂ ಜಪಾನಿಯರ ಸಂಸ್ಥೆಗಳಿಗೆ ತೆರಿಗೆದಾರರ-ಹಣದ ನೆರವಿನಿಂದ ನಡೆಯುತ್ತಿರುವ ಸಂಶೋಧನೆ ಮತ್ತು ತಂತ್ರಜ್ಞಾನವನ್ನು ವರ್ಗಾಯಿಸುವುದರ ಮೂಲಕ ಕುಸಿಯುತ್ತಿರುವ ಆರ್ಥಿಕತೆಗೆ MIT ಮತ್ತು ಇತರ ವಿಶ್ವವಿದ್ಯಾಲಯಗಳು ತಮ್ಮದೇ ಆದ ಕೊಡುಗೆಯನ್ನು ನೀಡುತ್ತಿವೆ ಎಂಬುದೇ ಈ ಪ್ರಮುಖರ ಆರೋಪವಾಗಿತ್ತು.[65][66][67][68] ಸಂಶೋಧನಾ ಯೋಜನೆಗಳ ಕುರಿತಾದ ಒಕ್ಕೂಟದ ಸರ್ಕಾರದೊಂದಿಗಿನ MITಯ ವ್ಯಾಪಕ ಸಹಯೋಗವು ಸಹ 1940ರಿಂದೀಚೆಗೆ ಹಲವಾರು MIT ನಾಯಕರು ಅಧ್ಯಕ್ಷೀಯ ವೈಜ್ಞಾನಿಕ ಸಲಹೆಗಾರರಂತೆ ಸೇವೆ ಸಲ್ಲಿಸುವಲ್ಲಿ ಕಾರಣವಾದವು.[j] ಸಂಶೋಧನೆಗೆ ಬೇಕಾದ ಆರ್ಥಿಕ ಸಹಾಯ ಮತ್ತು ರಾಷ್ಟ್ರೀಯ ವಿಜ್ಞಾನ ಕಾರ್ಯನೀತಿಗೆ ಸಂಬಂಧಿಸಿದಂತೆ ಪ್ರಭಾವ ಬೀರುವುದನ್ನು ಮುಂದುವರೆಸಲು MITಯು 1991ರಲ್ಲಿ ವಾಷಿಂಗ್ಟನ್ನಲ್ಲಿ ಕಚೇರಿಯೊಂದನ್ನು ಸ್ಥಾಪಿಸಿತು.[69][70] MIT, ಎಂಟು ಐವಿ ಲೀಗ್ ಕಾಲೇಜುಗಳು, ಮತ್ತು ಅವಶ್ಯಕತೆ-ಆಧರಿಸಿದ ವಿದ್ಯಾರ್ಥಿ ವೇತನಗಳಿಗಾಗಿ ನಿಧಿಗಳನ್ನು ಬಳಕೆ ಮಾಡಿಕೊಳ್ಳುವುದಕ್ಕೆ ವಿದ್ಯಾರ್ಥಿಗಳಿಗೆ ಭರವಸೆ ನೀಡಿರುವುದರ ಕುರಿತಾಗಿರುವ ಸವಾಲಿನ ಘರ್ಷಣೆಗಳನ್ನು ತಡೆಗಟ್ಟಲು "ಅತಿಕ್ರಮಿಸುವ ಸಭೆಗಳನ್ನು" ಆಯೋಜಿಸುವ ಇತರ 11 ಶಿಕ್ಷಣ ಸಂಸ್ಥೆಗಳ ವಿರುದ್ಧ ನ್ಯಾಯ ಇಲಾಖೆಯು 1989ರಲ್ಲಿ ಒಂದು ದತ್ತಿವಿರೋಧಿ ತನಿಖೆಯನ್ನು ಪ್ರಾರಂಭಿಸಿತು ಹಾಗೂ 1991ರಲ್ಲಿ ಈ ವಿಶ್ವವಿದ್ಯಾಲಯಗಳ ವಿರುದ್ಧ ಒಂದು ದತ್ತಿವಿರೋಧಿ ದಾವೆಯನ್ನು ಹೂಡಿತು.[71][72] ಐವಿ ಲೀಗ್ ಶಿಕ್ಷಣ ಸಂಸ್ಥೆಗಳು ಇತ್ಯರ್ಥಪಡಿಸಿಕೊಂಡರೆ,[73] MITಯು ತನ್ನ ವಿರುದ್ಧದ ಆಪಾದನೆಗಳನ್ನು ವಿರೋಧಿಸಿ ತಕರಾರು ಹೂಡಿತು.
ಸದರಿ ಪರಿಪಾಠವು ಬಹುದೊಡ್ಡ ಸಂಖ್ಯೆಯ ವಿದ್ಯಾರ್ಥಿಗಳಿಗಾಗಿರುವ ಸಹಾಯದ ಲಭ್ಯತರೆಯನ್ನು ಖಾತ್ರಿಪಡಿಸಿದ್ದರಿಂದ ಇದು ಸ್ಪರ್ಧಾತ್ಮಕತೆಯ ವಿರೋಧಿಯಾಗಿರಲಿಲ್ಲ ಎಂಬ ಅಂಶದ ಆಧಾರದ ಮೇಲೆ MITಯು ತನ್ನ ವಿರೋಧವನ್ನು ವ್ಯಕ್ತಪಡಿಸಿತು.[74][75] ನ್ಯಾಯ ಇಲಾಖೆಯು ಸದರಿ ಪ್ರಕರಣವನ್ನು 1994ರಲ್ಲಿ ಕೈಬಿಟ್ಟಾಗ, MITಯು ಅಂತಿಮವಾಗಿ ಮೇಲುಗೈ ಸಾಧಿಸಿತು.[76][77]
ಹಾರ್ವರ್ಡ್ ವಿಶ್ವವಿದ್ಯಾಲಯ[i]ದೊಂದಿಗಿನ MITಯ ಸಾಮೀಪ್ಯತೆಯು ಭಾಗಶಃ-ಸ್ನೇಹಪರ ಪೈಪೋಟಿಯನ್ನು ("ಮತ್ತೊಂದು ಶಾಲೆಯು ಸೆರೆಯಲ್ಲಿದೆ") ಸೃಷ್ಟಿಸಿದೆ. ಅಷ್ಟೇ ಅಲ್ಲ, ಹಾರ್ವರ್ಡ್-MIT ಡಿವಿಷನ್ ಆಫ್ ಸೈನ್ಸಸ್ ಅಂಡ್ ಟೆಕ್ನಾಲಜಿ, ಬ್ರಾಡ್ ಇನ್ಸ್ಟಿಟ್ಯೂಟ್, MIT – ಹಾರ್ವರ್ಡ್ ಸೆಂಟರ್ ಫಾರ್ ಅಲ್ಟ್ರಾಕೋಲ್ಡ್ ಆಟಮ್ಸ್, ಮತ್ತು ಹಾರ್ವರ್ಡ್-MIT ಡೇಟಾ ಸೆಂಟರ್ನಂಥ ಗಣನೀಯ ಪ್ರಮಾಣದ ಸಂಶೋಧನೆಯ ಸಹಯೋಗಗಳೊಂದಿಗೂ ಇದರ ಸಂಬಂಧವು ಇದೇ ಸ್ವರೂಪದ್ದಾಗಿದೆ.[78][79][80] ಇದರ ಜೊತೆಗೆ, ಎರಡೂ ಶಾಲೆಗಳಲ್ಲಿನ ವಿದ್ಯಾರ್ಥಿಗಳು ತಮ್ಮದೇ ಸ್ವಂತ ಶಾಲೆಯ ಪದವಿಗಳೆಡೆಗಿನ ಮಾನ್ಯತೆಗಳಿಗಾಗಿ, ಯಾವುದೇ ಹೆಚ್ಚುವರಿ ಶುಲ್ಕಗಳಿಲ್ಲದೆಯೇ ಪಾಟಿ-ನೋಂದಣಿಯನ್ನು ಮಾಡಬಹುದು.[80]
ವೆಲ್ಲೆಸ್ಲಿ ಕಾಲೇಜು ಜೊತೆಗಿನ ಪಾಟಿ-ನೋಂದಣಿ ವ್ಯಾಸಂಗಕ್ರಮವೊಂದು 1969ರಿಂದಲೂ ಅಸ್ತಿತ್ವದಲ್ಲಿದೆ ಮತ್ತು ಕೇಂಬ್ರಿಜ್-MIT ಇನ್ಸ್ಟಿಟ್ಯೂಟ್ ಎಂದು ಹೆಸರಾಗಿರುವ ಕೇಂಬ್ರಿಜ್ ವಿಶ್ವವಿದ್ಯಾಲಯದೊಂದಿಗಿನ ಒಂದು ಗಮನಾರ್ಹವಾದ ಸ್ನಾತಕಪೂರ್ವ ವಿದ್ಯಾರ್ಥಿ ವಿನಿಮಯ ವ್ಯಾಸಂಗಕ್ರಮವೂ ಸಹ 2002ರಲ್ಲಿ ಪ್ರಾರಂಭಿಸಲ್ಪಟ್ಟಿತು.[80] ಬಾಸ್ಟನ್ ವಿಶ್ವವಿದ್ಯಾಲಯ, ಬ್ರಾಂಡೀಸ್ ವಿಶ್ವವಿದ್ಯಾಲಯ, ಟಫ್ಟ್ಸ್ ವಿಶ್ವವಿದ್ಯಾಲಯ, ಮ್ಯಾಸಚೂಸೆಟ್ಸ್ ಕಾಲೇಜ್ ಆಫ್ ಆರ್ಟ್, ಮತ್ತು ಬಾಸ್ಟನ್ನ ದಿ ಸ್ಕೂಲ್ ಆಫ್ ದಿ ಮ್ಯೂಸಿಯಂ ಆಫ್ ಫೈನ್ ಆರ್ಟ್ಸ್- ಇವೇ ಮೊದಲಾದವುಗಳೊಂದಿಗೆ MITಯು ಸೀಮಿತ ಪಾಟಿ-ನೋಂದಣಿ ವ್ಯಾಸಂಗಕ್ರಮಗಳನ್ನು ಹೊಂದಿದೆ.[80] ಬಾಸ್ಟನ್-ಪ್ರದೇಶದಲ್ಲಿರುವ ಚಾರ್ಲ್ಸ್ ಸ್ಟಾರ್ಕ್ ಡ್ರೇಪರ್ ಪ್ರಯೋಗಾಲಯ, ವೈಟ್ಫೀಲ್ಡ್ ಇನ್ಸ್ಟಿಟ್ಯೂಟ್ ಆಫ್ ಬಯೋಮೆಡಿಕಲ್ ರಿಸರ್ಚ್, ಮತ್ತು ವುಡ್ಸ್ ಹೋಲ್ ಓಷನೋಗ್ರಾಫಿಕ್ ಇನ್ಸ್ಟಿಟ್ಯೂಷನ್ನಂಥ ಸ್ವತಂತ್ರ ಸಂಶೋಧನಾ ಸಂಸ್ಥೆಗಳೊಂದಿಗೆ ಸಂಶೋಧನೆ ಮತ್ತು ಬೋಧನಾ ವಿಭಾಗದ ಗಮನಾರ್ಹ ಸಂಬಂಧಗಳನ್ನು MITಯು ನಿರ್ವಹಿಸುತ್ತದೆ. ಅಷ್ಟೇ ಅಲ್ಲ, ಸಿಂಗಪೂರ್-MIT ಒಕ್ಕೂಟ, MIT-ಝರಗೋಝಾ ಇಂಟರ್ನ್ಯಾಷನಲ್ ಲಾಜಿಸ್ಟಿಕ್ಸ್ ಪ್ರೋಗ್ರಾಂ[81] ನ ಮೂಲಕ ಅಂತರರಾಷ್ಟ್ರೀಯ ಸಂಶೋಧನೆ ಮತ್ತು ಸಹಯೋಗಗಳನ್ನು, ಮತ್ತು MIT ಇಂಟರ್ನ್ಯಾಷನಲ್ ಸೈನ್ಸ್ ಅಂಡ್ ಟೆಕ್ನಾಲಜಿ ಇನಿಷಿಯಿಟೀವ್ಸ್ (MISTI) ಪ್ರೋಗ್ರಾಂ ಮೂಲಕ ಇತರ ದೇಶಗಳಲ್ಲಿನ ಸಹಯೋಗಗಳನ್ನು MITಯು ನಿರ್ವಹಿಸುತ್ತದೆ.[80][82] MIT ಮ್ಯೂಸಿಯಂ, ಎಡ್ಗರ್ಟನ್ ಸೆಂಟರ್,[83] ಮತ್ತು MIT ಪಬ್ಲಿಕ್ ಸರ್ವೀಸ್ ಸೆಂಟರ್ ಮೂಲಕ 50ಕ್ಕೂ ಹೆಚ್ಚಿನ ಶೈಕ್ಷಣಿಕ ಪ್ರಭಾವ ಮತ್ತು ಸಾರ್ವಜನಿಕ ಸೇವಾ ವ್ಯಾಸಂಗಕ್ರಮಗಳಲ್ಲಿ ವಿದ್ಯಾರ್ಥಿಗಳು, ಬೋಧನಾ ವಿಭಾಗ, ಮತ್ತು ಸಿಬ್ಬಂದಿ ವರ್ಗದವರು ತೊಡಗಿಸಿಕೊಂಡಿದ್ದಾರೆ.[84][85] MITES[86] ನಂಥ ಬೇಸಿಗೆಯ ವ್ಯಾಸಂಗಕ್ರಮಗಳು ಮತ್ತು ರಿಸರ್ಚ್ ಸೈನ್ಸ್ ಇನ್ಸ್ಟಿಟ್ಯೂಟ್[87] ಕಾಲೇಜಿನಲ್ಲಿ ವಿಜ್ಞಾನ ಮತ್ತು ಎಂಜಿನಿಯರಿಂಗ್ ವಿದ್ಯಾಭ್ಯಾಸವನ್ನು ಮುಂದುವರಿಸಿಕೊಂಡು ಹೋಗುವಲ್ಲಿ ಅಪ್ರಾಪ್ತ ವಯಸ್ಕರು ಮತ್ತು ಪ್ರೌಢಶಾಲಾ ವಿದ್ಯಾರ್ಥಿಗಳನ್ನು ಉತ್ತೇಜಿಸುತ್ತವೆ. ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಆಸಕ್ತಿ ಹೊಂದಿರುವ ಪ್ರೌಢಶಾಲಾ ವಿದ್ಯಾರ್ಥಿಗಳು, MIT ಟೆಕ್ಫೇರ್ ಎಂಬ ವಿದ್ಯಾರ್ಥಿ ಸಮೂಹದಿಂದ ಆಯೋಜಿಸಲ್ಪಡುವ MIT THINK ಸ್ಪರ್ಧೆಯಲ್ಲಿಯೂ ಪ್ರವೇಶಿಸಬಹುದಾಗಿದೆ. MIT ವ್ಯಾಸಂಗಪದ್ಧತಿಗೆ ಸಂಪೂರ್ಣವಾಗಿ ಸಿದ್ಧಗೊಳಿಸಲು ಅಸಮರ್ಥವಾಗಿರುವ ಶೈಕ್ಷಣಿಕ ಹಿನ್ನೆಲೆಗಳನ್ನು ಹೊಂದಿರುವ ಒಳಬರುತ್ತಿರುವ ಹೊಸ ವಿದ್ಯಾರ್ಥಿಗಳನ್ನು ಯೋಜನೆಯ ಅಂತರಮುಖವು ಚುರುಕುಗೊಳಿಸುತ್ತದೆ.[88]ಟೆಕ್ನಾಲಜಿ ರಿವ್ಯೂ ಎಂಬ ಸಮೂಹ-ಮಾರುಕಟ್ಟೆ ನಿಯತಕಾಲಿಕವು ಅಂಗಸಂಸ್ಥೆಯೊಂದರ ಮೂಲಕ MITಯಿಂದ ಪ್ರಕಟಿಸಲ್ಪಡುತ್ತದೆ. ಇದು ಸಂಸ್ಥೆಯ ಒಂದು ವಿಶೇಷ ಆವೃತ್ತಿಯಾಗಿದ್ದು, MITಯ ಹಳೆಯ ವಿದ್ಯಾರ್ಥಿಗಳ ಅಧಿಕೃತ ನಿಯತಕಾಲಿಕವಾಗಿಯೂ ಪಾತ್ರವಹಿಸುತ್ತದೆ. ವಿಶ್ವವಿದ್ಯಾಲಯದ ಒಂದು ಪ್ರಮುಖ ಮುದ್ರಣಾಲಯವಾಗಿರುವ MIT ಪ್ರೆಸ್, ವಿಜ್ಞಾನ ಮತ್ತು ತಂತ್ರಜ್ಞಾನವಷ್ಟೇ ಅಲ್ಲದೇ ಕಲೆಗಳು, ವಾಸ್ತುಶಿಲ್ಪಶಾಸ್ತ್ರ, ಹೊಸ ಮಾಧ್ಯಮ, ಪ್ರಸಕ್ತ ವಿದ್ಯಮಾನಗಳು ಹಾಗೂ ಸಾಮಾಜಿಕ ಸಮಸ್ಯೆಗಳಿಗೆ ಒತ್ತುನೀಡುವ 200ಕ್ಕೂ ಹೆಚ್ಚಿನ ಪುಸ್ತಕಗಳು ಹಾಗೂ 40 ನಿಯತಕಾಲಿಕಗಳನ್ನು ವಾರ್ಷಿಕವಾಗಿ ಪ್ರಕಟಿಸಿಕೊಂಡು ಬಂದಿದೆ.[89]
MITಯ 168-acre (68.0 ha) ಆವರಣವು ಕೇಂಬ್ರಿಜ್ ನಗರದಲ್ಲಿನ ಚಾರ್ಲ್ಸ್ ನದಿಯ ಜಲಾನಯನ ಭೂಮಿಯ ಉತ್ತರ ಭಾಗದ ಸರಿಸುಮಾರು ಒಂದು ಮೈಲು ಪ್ರದೇಶವನ್ನು ವ್ಯಾಪಿಸುತ್ತದೆ. ಮ್ಯಾಸಚೂಸೆಟ್ಸ್ ಮಾರ್ಗವು ಆವರಣವನ್ನು ಸ್ಥೂಲವಾಗಿ ಅರ್ಧರ್ಧ ಭಾಗವಾಗಿ ವಿಭಾಗಿಸುತ್ತದೆ. ಇದರ ಪರಿಣಾಮವಾಗಿ ಬಹುತೇಕ ವಿದ್ಯಾರ್ಥಿನಿಲಯಗಳು ಮತ್ತು ವಿದ್ಯಾರ್ಥಿದೆಸೆಗೆ ಸಂಬಂಧಿಸಿದ ಸೌಕರ್ಯಗಳು ಪಶ್ಚಿಮ ಭಾಗದಲ್ಲಿ ನೆಲೆಕಂಡರೆ, ಬಹುತೇಕ ಶೈಕ್ಷಣಿಕ ಕಟ್ಟಡಗಳು ಪೂರ್ವಭಾಗದಲ್ಲಿ ನೆಲೆಗೊಳ್ಳುವಂತಾಗಿದೆ. MITಗೆ ಅತ್ಯಂತ ಸನಿಹದಲ್ಲಿರುವ ಸೇತುವೆಯು ಹಾರ್ವರ್ಡ್ ಸೇತುವೆ ಎಂದು ಜನಜನಿತವಾಗಿದ್ದು, ಸ್ಮೂಟ್ ಎಂದು ಕರೆಯಲಾಗುವ, ಉದ್ದದ ಅಪ್ರಮಾಣಕ ಏಕಮಾನದಲ್ಲಿ ಇದು ಬೇರ್ಪಡಿಸಲ್ಪಟ್ಟಿದೆ.[90][91] ಕೆಂಡಾಲ್ ಚೌಕದಲ್ಲಿನ ಆವರಣದ ದೂರದ ಈಶಾನ್ಯ ಅಂಚಿನಲ್ಲಿ ಕೆಂಡಾಲ್ MBTA ರೆಡ್ ಲೈನ್ ಕೇಂದ್ರವು ಸ್ಥಿತವಾಗಿದೆ. MITಯನ್ನು ಸುತ್ತುವರೆದಿರುವ ಕೇಂಬ್ರಿಜ್ ನೆರೆಹೊರೆ ಪ್ರದೇಶಗಳು ಆಧುನಿಕ ಕಚೇರಿಗಳು ಮತ್ತು ಪುನರ್-ಸುವ್ಯವಸ್ಥಿತ ಕೈಗಾರಿಕಾ ಕಟ್ಟಡಗಳೆರಡನ್ನೂ ಆಕ್ರಮಿಸಿಕೊಂಡಿರುವ ಹೈಟೆಕ್ ಕಂಪನಿಗಳನ್ನಷ್ಟೇ ಅಲ್ಲದೇ, ಸಮಾಜೋ-ಆರ್ಥಿಕವಾಗಿ ವಿಭಿನ್ನವಾಗಿರುವ ವಾಸಯೋಗ್ಯ ನೆರೆಹೊರೆಗಳನ್ನು ಒಳಗೊಂಡಿರುವ ಒಂದು ಮಿಶ್ರಣವಾಗಿದೆ.[53] MIT ಕಟ್ಟಡಗಳೆಲ್ಲವೂ ಒಂದು ಸಂಖ್ಯೆಯ (ಅಥವಾ ಒಂದು ಸಂಖ್ಯೆ ಮತ್ತು ಒಂದು ಅಕ್ಷರದ) ಅಂಕಿತವನ್ನು ಹೊಂದಿವೆ ಮತ್ತು ಬಹುಪಾಲು ಕಟ್ಟಡಗಳು ಹೆಸರನ್ನೂ ಸಹ ಹೊಂದಿವೆ.[92] ಪ್ರಾತಿನಿಧಿಕವಾಗಿ ಹೇಳುವುದಾದರೆ, ಶೈಕ್ಷಣಿಕ ಮತ್ತು ಕಚೇರಿ ಕಟ್ಟಡಗಳು ಕೇವಲ ಸಂಖ್ಯೆಯಿಂದ ಉಲ್ಲೇಖಿಸಲ್ಪಟ್ಟರೆ, ವಾಸದ ಕಟ್ಟಡಗಳು ಹೆಸರಿನಿಂದ ಉಲ್ಲೇಖಿಸಲ್ಪಡುತ್ತವೆ. ಕಟ್ಟಡಗಳು ಕಟ್ಟಲ್ಪಟ್ಟ ಅನುಕ್ರಮಕ್ಕೆ ಹಾಗೂ ಮ್ಯಾಕ್ಲೌರಿಯನ್ ಬಿಲ್ಡಿಂಗ್ಸ್ನ ಮೂಲ, ಮಧ್ಯದ ಗುಚ್ಛಕ್ಕೆ ಸಂಬಂಧಿಸಿರುವ ಅವುಗಳ ತಾಣಕ್ಕೆ (ಉತ್ತರ, ಪಶ್ಚಿಮ, ಮತ್ತು ಪೂರ್ವ) ಕಟ್ಟಡ ಸಂಖ್ಯೆಗಳ ಸಂಸ್ಥೆಯು ಸ್ಥೂಲವಾಗಿ ಸಂವಾದಿಯಾಗಿರುತ್ತದೆ.[92] ಬಹುಪಾಲು ಕಟ್ಟಡಗಳು ನೆಲದ ಮೇಲ್ಭಾಗದಲ್ಲಷ್ಟೇ ಅಲ್ಲದೇ ಭೂಗರ್ಭ ಸುರಂಗಗಳ ಒಂದು ವ್ಯಾಪಕ ಜಾಲದ ಮೂಲಕ ಸಂಪರ್ಕಿಸಲ್ಪಟ್ಟಿವೆ. ಇದರಿಂದಾಗಿ ಕೇಂಬ್ರಿಜ್ನ ಹವಾಮಾನದಿಂದಷ್ಟೇ ಅಲ್ಲದೇ ಛಾವಣಿ ಮತ್ತು ಸುರಂಗದ ಮೂಲಕ ಅಕ್ರಮವಾಗಿ ಮಾಹಿತಿ ಪಡೆಯುವ ಕಾರ್ಯಕ್ಕಾಗಿರುವ ಒಂದು ತಾಣದಿಂದ ರಕ್ಷಣೆ ಒದಗಿಸಿದಂತಾಗಿದೆ.[93][94]MITಯ ಆವರಣದೊಳಗಿನ ಪರಮಾಣು ರಿಯಾಕ್ಟರ್, ಅಮೆರಿಕಾ ಸಂಯುಕ್ತ ಸಂಸ್ಥಾನಗಳಲ್ಲಿನ ವಿಶ್ವವಿದ್ಯಾಲಯ-ಮೂಲದ ಅತ್ಯಂತ ದೊಡ್ಡ ಪರಮಾಣು ರಿಯಾಕ್ಟರ್ಗಳಲ್ಲಿ ಒಂದಾಗಿದೆ.[95] ಜನಸಂಖ್ಯಾ ದಟ್ಟಣೆಯಿಂದ ತುಂಬಿರುವ ಪ್ರದೇಶದಲ್ಲಿನ ರಿಯಾಕ್ಟರ್ನ ಪ್ರಭಾವ ನಿರೋಧ ಕಟ್ಟಡದ ಅಧಿಕತಮ ಗೋಚರಿಸುವಿಕೆಯು ಆಗಾಗ ವಿವಾದಗಳನ್ನು ಹುಟ್ಟುಹಾಕಿದೆಯಾದರೂ,[96][97] ಇದು ಉತ್ತಮ ರೀತಿಯಲ್ಲಿ ರಕ್ಷಿಸಲ್ಪಟ್ಟಿದೆಯೆಂದು MITಯು ಸಮರ್ಥಿಸುತ್ತದೆ.[98] ಆವರಣದ ಇತರ ಗಮನಾರ್ಹ ಸೌಕರ್ಯಗಳಲ್ಲಿ ಸಾಮಾನ್ಯ ವಾಯುಒತ್ತಡವನ್ನೊಳಗೊಂಡ ಒಂದು ಮಾರುತ ಸುರಂಗ ಮತ್ತು ಹಡಗು ಹಾಗೂ ಸಾಗರ-ಸಂಬಂಧಿ ಸಂರಚನಾ ವಿನ್ಯಾಸಗಳಿಗಾಗಿ ಮೀಸಲಾದ ಒಂದು ಎಳೆಯುವ ಆಯುಧ ಸಜ್ಜಿತ ಟ್ಯಾಂಕ್ ಸೇರಿವೆ.[99][100] MITಯ ಆವರಣದಾದ್ಯಂತವಿರುವ ನಿಸ್ತಂತು ಜಾಲವು 2005ರ ಶರತ್ಕಾಲದಲ್ಲಿ ಸಂಪೂರ್ಣಗೊಂಡಿತು. ಇದು ಆವರಣದಲ್ಲಿ ವ್ಯಾಪಿಸಿರುವ9,400,000 square feet (870,000 m2) ಸುಮಾರು 3,000 ಪ್ರವೇಶ ಬಿಂದುಗಳನ್ನು ಒಳಗೊಂಡಿದೆ.[101] MITಯ ಅಪಾಯಕರ ತ್ಯಾಜ್ಯ ಶೇಖರಣೆ ಮತ್ತು ವಿಲೇವಾರಿ ವಿಧಾನಗಳಿಂದಾಗಿ ಶುದ್ಧ ನೀರಿನ ಕಾಯಿದೆ ಮತ್ತು ಶುದ್ಧ ಗಾಳಿಯ ಕಾಯಿದೆಗಳ ಉಲ್ಲಂಘನೆಯಾಗಿದೆ ಎಂದು ಆರೋಪಿಸಿದ ಪರಿಸರೀಯ ಸಂರಕ್ಷಣಾ ಸಂಸ್ಥೆಯು 2001ರಲ್ಲಿ MITಯ ವಿರುದ್ಧ ದಾವೆ ಹೂಡಿತು.[102] 155,000 $ನಷ್ಟು ದಂಡವನ್ನು ಪಾವತಿಸುವ ಮೂಲಕ ಹಾಗೂ ಮೂರು ಪರಿಸರೀಯ ಯೋಜನೆಗಳನ್ನು ಪ್ರಾರಂಭಿಸುವ ಮೂಲಕ MIT ದಾವೆಯನ್ನು ಇತ್ಯರ್ಥಗೊಳಿಸಿತು.[103] ಸಂಸ್ಥೆಯ ಆವರಣವನ್ನು ವಿಸ್ತರಿಸಲು ಹಮ್ಮಿಕೊಳ್ಳಲಾಗಿದ್ದ ಬಂಡವಾಳ ಸಂಗ್ರಹಣಾ ಚಟುವಟಿಕೆಗಳಿಗೆ ಸಂಬಂಧಿಸಿದಂತೆ, ಅಸ್ತಿತ್ವದಲ್ಲಿರುವ ಕಟ್ಟಡಗಳ ಶಕ್ತಿ ಸಾಮರ್ಥ್ಯವನ್ನು ಸುಧಾರಿಸಲು ಸಂಸ್ಥೆಯು ಅವುಗಳನ್ನು ವ್ಯಾಪಕವಾಗಿ ನವೀಕರಿಸಿದೆ. ಆವರಣದೊಳಗೆ ಪರ್ಯಾಯ ಇಂಧನದ ಬಸ್ಸುಗಳನ್ನು ಓಡಿಸುವ ಮೂಲಕ, ಸಾರ್ವಜನಿಕ ಸಾಗಣೆಯ ಪಾಸುಗಳಿಗೆ ಸಹಾಯಧನ ನೀಡುವ ಮೂಲಕ, ಮತ್ತು ಆವರಣದಲ್ಲಿ ಕಂಡುಬರುವ ವಿದ್ಯುಚ್ಚಕ್ತಿ ಹಾಗೂ ಬಿಸಿಮಾಡುವಿಕೆಯ ಅವಶ್ಯಕತೆಗಳ ಪೈಕಿ ಬಹುಪಾಲನ್ನು ಈಡೇರಿಸುವ ಕಡಿಮೆ-ಮಾಲಿನ್ಯ ಸೂಸುವ ಸಹೋತ್ಪಾದನಾ ಸ್ಥಾವರವೊಂದನ್ನು ಅಳವಡಿಸುವ ಮೂಲಕ MITಯು ತನ್ನ ಪರಿಸರೀಯ ಪ್ರಭಾವವನ್ನು ತಗ್ಗಿಸುವ ಕ್ರಮಗಳನ್ನೂ ಕೈಗೊಂಡಿದೆ.[104]
MITಯ ವಾಸ್ತುಶಿಲ್ಪಶಾಸ್ತ್ರ ಶಾಲೆಯು ಅಮೆರಿಕಾ ಸಂಯುಕ್ತ ಸಂಸ್ಥಾನಗಳಲ್ಲಿ ಮೊಟ್ಟಮೊದಲನೆಯದಾಗಿದ್ದು,[105] ಅನೌಪಚಾರಿಕ (ಅಥವಾ ಪ್ರಗತಿಶೀಲ) ಕಟ್ಟಡಗಳನ್ನು ನಡೆಸುವಲ್ಲಿನ ಒಂದು ಇತಿಹಾಸವನ್ನು ಹೊಂದಿದೆ.[106][107] ಕೇಂಬ್ರಿಜ್ ಆವರಣದಲ್ಲಿ ನಿರ್ಮಿಸಲಾದ ಮತ್ತು 1916ರಲ್ಲಿ ಸಂಪೂರ್ಣಗೊಳಿಸಲಾದ ಮೊಟ್ಟಮೊದಲ ಕಟ್ಟಡಗಳು, ಅವುಗಳ ನಿರ್ಮಾಣದ ಮೇಲ್ವಿಚಾರಣೆಯನ್ನು ನೋಡಿಕೊಂಡ ಸಂಸ್ಥೆಯ ಅಧ್ಯಕ್ಷ ರಿಚರ್ಡ್ ಮಾಕ್ಲೌರಿನ್ನ ನೆನಪಿಗಾಗಿ ಅಧಿಕೃತವಾಗಿ ಮ್ಯಾಕ್ಲೌರಿಯನ್ ಬಿಲ್ಡಿಂಗ್ಸ್ ಎಂದೇ ಹೆಸರಾಗಿವೆ. ವಿಲಿಯಂ ವೆಲ್ಲೆಸ್ ಬೋಸ್ವರ್ತ್ನಿಂದ ವಿನ್ಯಾಸಗೊಳಿಸಲ್ಪಟ್ಟ ಈ ಭವ್ಯವಾದ ಕಟ್ಟಡಗಳು, ಜಲ್ಲಿಗಾರೆಯಿಂದ (ಕಾಂಕ್ರೀಟ್ನಿಂದ) ನಿರ್ಮಿಸಲ್ಪಟ್ಟವು. ಹೀಗಾಗಿ U.S.ನಲ್ಲಿನ ಒಂದು ಉದ್ಯಮೇತರ — ವಿಶ್ವವಿದ್ಯಾಲಯಕ್ಕಿಂತ ಇನ್ನೂ ಕಡಿಮೆಯಿರುವ — ಕಟ್ಟಡಕ್ಕೆ ಸಂಬಂಧಿಸಿದಂತೆ ಇದು ಮೊಟ್ಟಮೊದಲನೆಯದಾಗಿದೆ.[108] ಆದರ್ಶ ಸ್ಥಿತಿಯ ನಗರ ಸೌಂದರ್ಯ ಆಂದೋಲನವು ಬೋಸ್ವರ್ತ್ನ ವಿನ್ಯಾಸದ ಮೇಲೆ ಅತೀವವಾದ ಪ್ರಭಾವ ಬೀರಿದೆ. ಸ್ಮಾರಕ ಭವನದ-ರೀತಿಯಲ್ಲಿರುವ ದೊಡ್ಡ ಗುಮ್ಮಟದಂಥ ಮಹಲನ್ನು ಈ ವಿನ್ಯಾಸವು ಒಳಗೊಂಡಿದೆ. ವಾರ್ಷಿಕ ಪದವಿ ಪ್ರದಾನ ಸಮಾರಂಭಗಳನ್ನು ನಡೆಸಲಾಗುವ ಕಿಲಿಯನ್ ಕೋರ್ಟ್ಗೆ ಮೇಲ್ಮಟ್ಟದಲ್ಲಿರುವ ಬಾರ್ಕರ್ ಎಂಜಿನಿಯರಿಂಗ್ ಲೈಬ್ರರಿಯನ್ನು ಈ ಭವ್ಯ ಮಹಲು ಒಳಗೊಂಡಿದೆ. ಕಿಲಿಯನ್ ಕೋರ್ಟ್ನ ಸುತ್ತಮುತ್ತ ಇರುವ ಸುಣ್ಣದ ಕಲ್ಲಿನ ಹೊದಿಕೆಯ ಕಟ್ಟಡಗಳ ಅಲಂಕರಣಪಟ್ಟಿಗಳ ಮೇಲೆ ಪ್ರಮುಖ ವಿಜ್ಞಾನಿಗಳು ಹಾಗೂ ದಾರ್ಶನಿಕರ ಹೆಸರುಗಳನ್ನು ಕೆತ್ತಲಾಗಿದೆ.[k] ಮ್ಯಾಸಚೂಸೆಟ್ಸ್ ಮಾರ್ಗದ ಉದ್ದಕ್ಕೂ ಇರುವ ಭವ್ಯವಾದ ಕಟ್ಟಡ 7ರ ಒಳಾಂಗಣವು ಮಹತ್ತರವಾದ ಚಾವಡಿದಾರಿಗೆ ಮತ್ತು ಆವರಣದ ಉಳಿದ ಭಾಗಕ್ಕೆ ಪ್ರವೇಶದ್ವಾರ ಎಂದು ಪರಿಗಣಿಸಲ್ಪಟ್ಟಿದೆ.ಆಲ್ವಾರ್ ಆಲ್ಟೋನ ಬೇಕರ್ ಹೌಸ್ (1947), ಈರೋ ಸಾರಿನೆನ್ನ ಚಾಪೆಲ್ ಅಂಡ್ ಆಡಿಟೋರಿಯಂ (1955), ಮತ್ತು I.M. ಪೀಯ ಗ್ರೀನ್, ಡ್ರೇಫಸ್, ಲ್ಯಾಂಡಾ, ಮತ್ತು ವೈಸ್ನರ್ ಕಟ್ಟಡಗಳು ಯುದ್ಧಾನಂತರದ ಆಧುನಿಕ ವಾಸ್ತುಶಿಲ್ಪಶಾಸ್ತ್ರದ ಉನ್ನತ ಸ್ವರೂಪಗಳನ್ನು ಪ್ರತಿನಿಧಿಸುತ್ತವೆ.[109][110][111] ಫ್ರಾಂಕ್ ಗೆಹ್ರಿಯ ಸ್ಟಾಟಾ ಸೆಂಟರ್ (2004), ಸ್ಟೀವನ್ ಹಾಲ್ನ ಸಿಮನ್ಸ್ ಹಾಲ್ (2002), ಚಾರ್ಲ್ಸ್ ಕೊರ್ರಿಯಾದ ಬಿಲ್ಡಿಂಗ್ 46 (2005), ಫಮಿಹಿಕೊ ಮಾಕಿಯ ಮೀಡಿಯಾ ಲ್ಯಾಬ್ ಎಕ್ಸ್ಟೆನ್ಷನ್ (2009) ರೀತಿಯ ತೀರಾ ಇತ್ತೀಚಿನ ಕಟ್ಟಡಗಳು ಬಾಸ್ಟನ್ ಪ್ರದೇಶದ ಸ್ಥಿರಸ್ವರೂಪದ ವಾಸ್ತುಶಿಲ್ಪಶಾಸ್ತ್ರದ[112] ಪೈಕಿ ವಿಭಿನ್ನವಾಗಿದ್ದು, ಆವರಣದ ಸಮಕಾಲೀನ "ತಾರಾವಾಸ್ತುಶಿಲ್ಪ"ದ ಉದಾಹರಣೆಗಳಾಗಿ ನಿಲ್ಲುತ್ತವೆ.[106][113] ಈ ಕಟ್ಟಡಗಳ ಎಲ್ಲ ಕಾಲದಲ್ಲೂ ಜನಪ್ರಿಯ ರೀತಿಯಲ್ಲಿ ಪುರಸ್ಕರಿಸಲ್ಪಟ್ಟಿಲ್ಲ;[114][115] ಪ್ರಿನ್ಸ್ಟನ್ ಅವಲೋಕನವು "ಪುಟ್ಟದಾದ, ನೋಡಲು ಸಹ್ಯವಾಗಿರದ, ಅಥವಾ ಎರಡೂ ಲಕ್ಷಣಗಳನ್ನು" ಒಳಗೊಂಡಿರುವ ಆವರಣಗಳ ಇಪ್ಪತ್ತು ಶಾಲೆಗಳ ಒಂದು ಪಟ್ಟಿಯಲ್ಲಿ MITಯನ್ನು ಸೇರಿಸಿದೆ.[116]
ಸ್ನಾತಕಪೂರ್ವ ವಿದ್ಯಾರ್ಥಿಗಳಿಗೆ ನಾಲ್ಕು-ವರ್ಷ ಅವಧಿಯ ವಿದ್ಯಾರ್ಥಿ ನಿಲಯ ವಸತಿ ವ್ಯವಸ್ಥೆಯ ಖಾತರಿಯನ್ನು ನೀಡಲಾಗುತ್ತದೆ.[117] ಕೆಲಸ ಮಾಡುವ ಕಡೆಯೇ ವಾಸಿಸುವ ಪದವೀಧರ ವಿದ್ಯಾರ್ಥಿ ಬೋಧಕರು ಹಾಗೂ ಬೋಧನಾ ವಿಭಾಗದ ಶಾಲಾಪಾರುಪತ್ಯಗಾರರನ್ನು ಆವರಣದಲ್ಲಿನ ವಸತಿ ವ್ಯವಸ್ಥೆಯು ಒದಗಿಸುತ್ತದೆ. ವಿದ್ಯಾರ್ಥಿಗಳಿಗೆ ನೆರವಾಗುವುದರ ಜೊತೆಗೆ ಅವರಿಗೆ ವೈದ್ಯಕೀಯ ಅಥವಾ ಮಾನಸಿಕ ಆರೋಗ್ಯದ ಸಮಸ್ಯೆಗಳು ತಲೆದೋರಿದಾಗ ಅವರ ಮೇಲ್ವಿಚಾರಣೆ ಮಾಡುವ ಪಾತ್ರವನ್ನೂ ಇವರು ವಹಿಸುತ್ತಾರೆ. ಸಂಸ್ಥೆಯ ಆವರಣವನ್ನು ಪ್ರವೇಶಿಸಿದ ನಂತರ ತಮ್ಮ ವಿಶ್ರಾಂತಿ ಪಡಸಾಲೆ ಹಾಗೂ ಮಹಡಿಯನ್ನು ಆಯ್ದುಕೊಳ್ಳಲು ವಿದ್ಯಾರ್ಥಿಗಳಿಗೆ ಅನುಮತಿ ನೀಡಲಾಗುತ್ತದೆ. ಇಲ್ಲಿರಲು ಬರುವ ಗುಂಪುಗಳಲ್ಲಿ ವೈವಿಧ್ಯಮಯ ಸಮುದಾಯಗಳು ಕಂಡುಬರುತ್ತವೆಯಾದ್ದರಿಂದ, ಮ್ಯಾಸಚೂಸೆಟ್ಸ್ ಮಾರ್ಗದಲ್ಲಿ ಮತ್ತು ಅದರ ಪೂರ್ವಭಾಗದಲ್ಲಿರುವ ವಿಶ್ರಾಂತಿ ಪಡಸಾಲೆಗಳು ಪ್ರತಿಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ತಮ್ಮನ್ನು ವಿಶಿಷ್ಟವಾಗಿ ಹೆಚ್ಚು ತೊಡಗಿಸಿಕೊಂಡಿರುತ್ತವೆ. ಏಕ ಪದವೀಧರ ವಿದ್ಯಾರ್ಥಿಗಳಿಗಾಗಿ ಐದು ವಿದ್ಯಾರ್ಥಿನಿಲಯಗಳನ್ನು, ಹಾಗೂ ಕುಟುಂಬಗಳಿಗಾಗಿ ಆವರಣದಲ್ಲಿ ಎರಡು ವಾಸದ ಮಹಡಿಯ ಕಟ್ಟಡಗಳನ್ನೂ ಸಹ MITಯು ಹೊಂದಿದೆ.[118] MITಯು ಅತ್ಯಂತ ಸಕ್ರಿಯವಾಗಿರುವ ಗ್ರೀಕ್ ಮತ್ತು ಸಹಕಾರಿ ವ್ಯವಸ್ಥೆಯೊಂದನ್ನು ಹೊಂದಿದೆ. MITಯ ಸ್ನಾತಕಪೂರ್ವ ಪುರುಷ ವಿದ್ಯಾರ್ಥಿಗಳ ಪೈಕಿ ಸುಮಾರು ಒಂದರ್ಧಭಾಗ ಮತ್ತು ಸ್ನಾತಕಪೂರ್ವ ಮಹಿಳಾ ವಿದ್ಯಾರ್ಥಿಗಳ ಪೈಕಿ ಮೂರನೇ ಒಂದು ಭಾಗಗಳು[119] MITಯ 36 ಪುರುಷ ವಿದ್ಯಾರ್ಥಿ ಸಂಘಗಳು, ಮಹಿಳಾ ಸಂಘಗಳು, ಮತ್ತು ವಾಸಿಸುವ ಸ್ವತಂತ್ರ ಗುಂಪುಗಳಲ್ಲಿ (FSILGಗಳು) ಒಂದರೊಂದಿಗೆ ಸೇರಿಕೊಂಡಿವೆ.[120] MITಯ ಐತಿಹಾಸಿಕ ತಾಣವು ಬ್ಯಾಕ್ ಬೇಯಲ್ಲಿರುವುದರಿಂದ, ಬಹುತೇಕ FSILGಗಳು ನದಿಯ ಆ ಬದಿಯಲ್ಲಿ ನೆಲೆಗೊಂಡಿವೆ. ಆದರೆ ಎಂಟು ಪುರುಷ ವಿದ್ಯಾರ್ಥಿ ಸಂಘಗಳು MITಯ ಪಶ್ಚಿಮ ಆವರಣ ಮತ್ತು ಕೇಂಬ್ರಿಜ್ನಲ್ಲಿ ನೆಲೆಗೊಂಡಿವೆ. ಫಿ ಗಾಮಾ ಡೆಲ್ಟಾ ಕೂಟಕ್ಕೆ ಸೇರಿದ ಓರ್ವ ಹೊಸ ಸದಸ್ಯನಾದ ಸ್ಕಾಟ್ ಕ್ರುಯೆಗರ್ನ ಮರಣಾನಂತರ, ವಿದ್ಯಾರ್ಥಿ ನಿಲಯದ ವ್ಯವಸ್ಥೆಯಲ್ಲೇ ಎಲ್ಲಾ ಹೊಸಬರೂ ವಾಸಿಸಬೇಕೆಂದು MITಯು ಆದೇಶಿಸಿತು.[121] ಆವರಣದಾಚೆಗಿನ 300ರಷ್ಟು ಹೊಸಬರನ್ನು ಇದಕ್ಕೂ ಮುಂಚಿತವಾಗಿ ಸದರಿ ಕೂಟಗಳು ಹಾಗೂ ಸ್ವತಂತ್ರವಾಗಿ ವಾಸಿಸುವ ಗುಂಪುಗಳು ಒಳಗೊಂಡಿದ್ದರಿಂದಾಗಿ, 2002ರಲ್ಲಿ ಸಿಮನ್ಸ್ ಹಾಲ್ ಪ್ರಾರಂಭವಾಗುವವರೆಗೂ ಹೊಸ ಕಾರ್ಯನೀತಿಯು ಜಾರಿಗೆ ಬರಲಿಲ್ಲ.[122]
ಟೆಂಪ್ಲೇಟು:Infobox US university ranking/Nationalಟೆಂಪ್ಲೇಟು:Infobox US university ranking/Globalಟೆಂಪ್ಲೇಟು:Infobox US university ranking/LiberalArtsಟೆಂಪ್ಲೇಟು:Infobox US university ranking/Baccalaureateಟೆಂಪ್ಲೇಟು:Infobox US university ranking/Regionalಟೆಂಪ್ಲೇಟು:Infobox US university ranking/Masters
University rankings |
---|
MITಯು ಒಂದು ಬೃಹತ್ತಾದ, ಶ್ರೇಷ್ಠಮಟ್ಟದ ವಾಸದ ವ್ಯವಸ್ಥೆಯನ್ನೊಳಗೊಂಡ, ಬಹುಮಟ್ಟಿಗೆ ಪದವೀಧರ/ವೃತ್ತಿಪರ ಸಂಶೋಧನೆಯ ವಿಶ್ವವಿದ್ಯಾಲಯವಾಗಿದೆ.[123] ನಾಲ್ಕು ವರ್ಷದ, ಪೂರ್ಣಾವಧಿಯ ಸ್ನಾತಕಪೂರ್ವ ವಿದ್ಯಾರ್ಥಿ ಬೋಧನಾ ವ್ಯಾಸಂಗಕ್ರಮವು "ಸಂತುಲಿತ ಕಲೆಗಳು & ವಿಜ್ಞಾನಗಳು/ವೃತ್ತಿಗಳು" ಎಂದು ವರ್ಗೀಕರಿಸಲ್ಪಟ್ಟಿದೆ. ಇಲ್ಲಿನ ಒಂದು ಶ್ರೇಷ್ಠಮಟ್ಟದ ಪದವೀಧರ ಸಹಜೀವನ ಮತ್ತು ಪ್ರವೇಶಗಳು "ಹೆಚ್ಚು ಆಯ್ಕೆಯ, ಕಡಿಮೆ ಪ್ರಮಾಣದ ಒಳ ವರ್ಗಾವಣೆಯ" ಸ್ವರೂಪದಲ್ಲಿ ನಿರೂಪಿಸಲ್ಪಟ್ಟಿವೆ.[123] ಪದವೀಧರ ವ್ಯಾಸಂಗಕ್ರಮವು "ವ್ಯಾಪಕವಾದ" ವ್ಯಾಸಂಗಕ್ರಮ ಎಂದು ವರ್ಗೀಕರಿಸಲ್ಪಟ್ಟಿದೆ. ನ್ಯೂ ಇಂಗ್ಲಂಡ್ ಅಸೋಸಿಯೇಷನ್ ಆಫ್ ಸ್ಕೂಲ್ಸ್ ಅಂಡ್ ಕಾಲೇಜಸ್ನಿಂದ ವಿಶ್ವವಿದ್ಯಾಲಯವು ಅಧಿಕೃತ ಮನ್ನಣೆ ಪಡೆದಿದೆ.[124] ಎಂಜಿನಿಯರಿಂಗ್ ಶಾಲೆಯು 1994ರಲ್ಲಿ ಮೊಟ್ಟಮೊದಲ ಬಾರಿಗೆ ಫಲಿತಾಂಶಗಳನ್ನು ಪ್ರಕಟಿಸಿದಾಗಿನಿಂದ, ಪದವೀಧರ ಮತ್ತು ಸ್ನಾತಕಪೂರ್ವ ವಿದ್ಯಾರ್ಥಿ ವ್ಯಾಸಂಗ ಕ್ರಮಗಳ ಪೈಕಿ ಮೊದಲ ಶ್ರೇಯಾಂಕವನ್ನು U.S. ನ್ಯೂಸ್ & ವರ್ಲ್ಡ್ ರಿಪೋರ್ಟ್ ನಿಂದ ಪಡೆದಿದೆ.[125][126][127] ತಂತ್ರಜ್ಞಾನ ಮತ್ತು ನಿಸರ್ಗ ವಿಜ್ಞಾನಗಳ ಕ್ಷೇತ್ರಗಳಲ್ಲಿ, 2009ರ ಟೈಮ್ಸ್ ಹೈಯರ್ ಎಜುಕೇಷನ್-QS ವರ್ಲ್ಡ್ ಯೂನಿವರ್ಸಿಟಿ ರ್ಯಾಂಕಿಂಗ್ಸ್ ವತಿಯಿಂದ MITಯು ಅಂತರರಾಷ್ಟ್ರೀಯ ಮಟ್ಟದಲ್ಲಿ 1ನೇ ಶ್ರೇಯಾಂಕವನ್ನು ಪಡೆಯಿತು.[128] US ಸಂಶೋಧನಾ ವಿಶ್ವವಿದ್ಯಾಲಯಗಳ ಕುರಿತಾಗಿ 1995ರಲ್ಲಿ ಬಂದ ರಾಷ್ಟ್ರೀಯ ಸಂಶೋಧನಾ ಮಂಡಳಿಯ ಒಂದು ಅಧ್ಯಯನವು MITಗೆ "ಪ್ರಖ್ಯಾತಿ"ಗೆ ಸಂಬಂಧಿಸಿ ಮೊದಲ ಸ್ಥಾನವನ್ನೂ, "ಪ್ರಸ್ತುತಿಗಳು ಹಾಗೂ ಬೋಧನಾ ವಿಭಾಗದ ಪ್ರಶಸ್ತಿಗಳಲ್ಲಿ" ನಾಲ್ಕನೇ ಸ್ಥಾನವನ್ನೂ ನೀಡಿದೆ. ಸ್ನಾತಕಪೂರ್ವ ವಿದ್ಯಾರ್ಥಿ ಅರ್ಜಿದಾರರು MITಗೆ 4ನೇ ಅತ್ಯಂತ ಆದ್ಯತಾಪೂರ್ವಕ ಕಾಲೇಜಿನ ಶ್ರೇಯಾಂಕವನ್ನು ನೀಡಿದ್ದಾರೆ ಎಂದು 2005ರ ಒಂದು ಅಧ್ಯಯನವು ಕಂಡುಕೊಂಡಿದೆ.[9][129] Ranking Web Archived 2010-02-09 ವೇಬ್ಯಾಕ್ ಮೆಷಿನ್ ನಲ್ಲಿ. ನ ಪ್ರಕಾರ, MITಯು ಮುಕ್ತ ಪ್ರವೇಶದ ಮತ್ತು ವಿದ್ಯುನ್ಮಾನ ಮಾಧ್ಯಮದಲ್ಲಿನ ಶೈಕ್ಷಣಿಕ ಪ್ರಕಟಣೆಯೊಂದಿಗಿನ (ಓಪನ್ ಆಕ್ಸೆಸ್ ಅಂಡ್ ಇಲೆಕ್ಟ್ರಾನಿಕ್ ಅಕಾಡೆಮಿಕ್ ಪಬ್ಲಿಕೇಷನ್) ತನ್ನ ಬದ್ಧತೆಗಾಗಿ ವಿಶ್ವದಲ್ಲೇ ಮೊದಲ ಸ್ಥಾನವನ್ನು (ಜನವರಿ 2009) ಗಳಿಸಿದೆ.
ಜನರಲ್ ಇನ್ಸ್ಟಿಟ್ಯೂಟ್ ರಿಕ್ವೈರ್ಮೆಂಟ್ಸ್ (GIRಗಳು) ಎಂದು ಕರೆಯಲಾದ ಒಂದು ವ್ಯಾಪಕವಾದ ಸಾರ-ಪಠ್ಯಕ್ರಮವನ್ನು ಸ್ನಾತಕಪೂರ್ವ ವಿದ್ಯಾರ್ಥಿಗಳು ಸಂಪೂರ್ಣಗೊಳಿಸುವುದು ಅತ್ಯಗತ್ಯ. ವಿಜ್ಞಾನ ಮತ್ತು ಎಂಜಿನಿಯರಿಂಗ್ ಪ್ರಧಾನ ಪಠ್ಯವಿಷಯಗಳಲ್ಲಿನ ತರಗತಿಗಳಿಗಾಗಿರುವ ಪೂರ್ವಾಪೇಕ್ಷಿತಗಳಾಗಿ ಅಥವಾ ಪೂರ್ವಾರ್ಹತಾ ವಿಷಯಗಳಾಗಿ ಹೊಸ ವಿದ್ಯಾರ್ಥಿಯ ವರ್ಷದ ಅವಧಿಯಲ್ಲಿ ವಿಜ್ಞಾನದ ಅವಶ್ಯಕತೆಯು ಸಾಮಾನ್ಯವಾಗಿ ಸಂಪೂರ್ಣಗೊಳಿಸಲ್ಪಟ್ಟಿರುತ್ತದೆ. ಇದು ಸಾಂಪ್ರದಾಯಿಕ ಯಂತ್ರಶಾಸ್ತ್ರ ಮತ್ತು ವಿದ್ಯುತ್ತು ಮತ್ತು ಕಾಂತತ್ವ ವಿಷಯವನ್ನು ಒಳಗೊಳ್ಳುವ ಭೌತಶಾಸ್ತ್ರ ತರಗತಿಗಳ ಎರಡು ಅರ್ಧವಾರ್ಷಿಕ ವ್ಯಾಸಂಗಾವಧಿಗಳು; ಸಿಂಗಲ್ ವೇರಿಯಬಲ್ ಕ್ಯಾಲ್ಕ್ಯುಲಸ್ ಮತ್ತು ಮಲ್ಟಿ ವೇರಿಯಬಲ್ ಕ್ಯಾಲ್ಕ್ಯುಲಸ್ ವಿಷಯವನ್ನು ಒಳಗೊಳ್ಳುವ ಗಣಿತದ ಎರಡು ಅರ್ಧವಾರ್ಷಿಕ ವ್ಯಾಸಂಗಾವಧಿಗಳು; ರಸಾಯನಶಾಸ್ತ್ರದ ಒಂದು ಅರ್ಧವಾರ್ಷಿಕ ವ್ಯಾಸಂಗಾವಧಿ, ಮತ್ತು ಜೀವಶಾಸ್ತ್ರದ ಒಂದು ಅರ್ಧವಾರ್ಷಿಕ ವ್ಯಾಸಂಗಾವಧಿ- ಇಷ್ಟನ್ನು ಒಳಗೊಳ್ಳುತ್ತದೆ. ಸ್ನಾತಕಪೂರ್ವ ವಿದ್ಯಾರ್ಥಿಗಳು ತಮ್ಮ ಪ್ರಧಾನ ಪಠ್ಯವಿಷಯದಲ್ಲಿ ಒಂದು ಪ್ರಯೋಗಾಲಯ ತರಗತಿ, ಎಂಟು ಮಾನವಿಕಗಳು, ಕಲೆಗಳು, ಮತ್ತು ಸಮಾಜ ವಿಜ್ಞಾನಗಳನ್ನು (HASS) ತರಗತಿಗಳು (ಕೇಂದ್ರೀಕರಣದ ವಿಷಯವೊಂದರಲ್ಲಿ ಕಡೇ ಪಕ್ಷ ಮೂರು ಮತ್ತು ಸಂಬಂಧಪಡದ ವಿಷಯಗಳಲ್ಲಿ ಮತ್ತೆ ನಾಲ್ಕು) ತೆಗೆದುಕೊಳ್ಳುವುದು ಅತ್ಯಗತ್ಯ, ಮತ್ತು ವಿಶ್ವವಿದ್ಯಾಲಯದ ಕ್ರೀಡಾತಂಡಕ್ಕೆ ಸೇರದ ಕ್ರೀಡಾಪಟುಗಳು ಕೂಡಾ ನಾಲ್ಕು ದೈಹಿಕ ಶಿಕ್ಷಣ ತರಗತಿಗಳನ್ನು ತೆಗೆದುಕೊಳ್ಳುವುದು ಕಡ್ಡಾಯವಾಗಿರುತ್ತದೆ. ವಿಜ್ಞಾನ, HASS, ಮತ್ತು ಇನ್ಸ್ಟಿಟ್ಯೂಟ್ ಲ್ಯಾಬ್ನ ಅಗತ್ಯಗಳಿಗೆ ಬದಲಾವಣೆಯನ್ನು ತರುವುದರೊಂದಿಗೆ ಪ್ರಸಕ್ತ GIR ವ್ಯವಸ್ಥೆಯನ್ನು ಸರಳೀಕರಿಸಬಹುದು ಎಂದು ಬೋಧನಾ ವಿಭಾಗದ ವಿಶೇಷ ಕಾರ್ಯಪಡೆಯೊಂದು 2006ರ ಮೇ ತಿಂಗಳಲ್ಲಿ ಶಿಫಾರಸು ಮಾಡಿತು.[130]
MIT ವ್ಯಾಸಂಗಪದ್ಧತಿಯ ಕ್ಲಿಷ್ಟತೆಯು "ಅಗ್ನಿಶಾಮಕ ಕೊಳಾಯಿಯಿಂದ ಕುಡಿಯುವುದು"[131] ಎಂಬ ರೀತಿಯಲ್ಲಿ ಚಿತ್ರಿಸಲ್ಪಟ್ಟಿದ್ದರೂ ಸಹ, MITಯಲ್ಲಿನ ವೈಫಲ್ಯದ ಪ್ರಮಾಣ ಹಾಗೂ ಹೊಸವಿದ್ಯಾರ್ಥಿಗಳನ್ನು ಉಳಿಸಿಕೊಳ್ಳುವುದರ ಪ್ರಮಾಣವು ಇತರ ಬೃಹತ್ ಸಂಶೋಧನಾ ವಿಶ್ವವಿದ್ಯಾಲಯಗಳಿಗೆ ಹೋಲುವಂತಿದೆ.[132] "ಉತ್ತೀರ್ಣ/ದಾಖಲೆ-ರಹಿತ" ಶ್ರೇಯಾಂಕ ಪದ್ಧತಿಯ ಅಸ್ತಿತ್ವದಿಂದಾಗಿ ಮೊದಲ ವರ್ಷದ ಸ್ನಾತಕಪೂರ್ವ ವಿದ್ಯಾರ್ಥಿಗಳಿಗಾಗಿರುವ ಒತ್ತಡದ ಕೆಲಭಾಗವು ಕುಗ್ಗಿದೆ. ಮೊದಲ (ಶರತ್ಕಾಲದ) ಅವಧಿಯಲ್ಲಿ, ತರಗತಿಯೊಂದರಲ್ಲಿ ಉತ್ತೀರ್ಣರಾದಾಗ ಮಾತ್ರವೇ ಹೊಸವಿದ್ಯಾರ್ಥಿಗಳ ಪ್ರತಿಲೇಖನಗಳು ದಾಖಲಿಸಲ್ಪಡುತ್ತವೆ. ಒಂದು ವೇಳೆ ತರಗತಿಯೊಂದರಲ್ಲಿ ಉತ್ತೀರ್ಣರಾಗದಿದ್ದಲ್ಲಿ ಯಾವುದೇ ಬಾಹ್ಯ ದಾಖಲೆಯೂ ಅಸ್ತಿತ್ವದಲ್ಲಿರುವುದಿಲ್ಲ. ಎರಡನೇ (ವಸಂತ ಋತುವಿನ) ಅವಧಿಯಲ್ಲಿ, ಪ್ರತಿಲೇಖನದಲ್ಲಿ ಉತ್ತೀರ್ಣದ ಶ್ರೇಯಾಂಕಗಳು (ABC) ಕಾಣಿಸಿಕೊಳ್ಳುತ್ತವೆ. ಒಂದು ವೇಳೆ ಉತ್ತೀರ್ಣವಾಗದಿದ್ದರೆ ಅದರ ಶ್ರೇಯಾಂಕಗಳನ್ನು ಮತ್ತೆ "ದಾಖಲೆ-ರಹಿತ" ಎಂದೇ ನಮೂದಿಸಲಾಗುತ್ತದೆ.[133] ಬೋಧನಾ ವಿಭಾಗದ ನೇತೃತ್ವದ ಉಪನ್ಯಾಸಗಳು, ಪದವೀಧರ ವಿದ್ಯಾರ್ಥಿ ನೇತೃತ್ವದ ವಾಚನಗಳು, ಸಾಪ್ತಾಹಿಕ ಸಮಸ್ಯಾ ಸಂಚಯಗಳು (p-ಸೆಟ್ಗಳು), ಪ್ರಾಯೋಗಿಕ ಅಧ್ಯಯನ ತಂಡ, ಜನಸಮುದಾಯ, ಮತ್ತು ಟೆರ್ರಾಸ್ಕೋಪ್ನಂಥ ಪರ್ಯಾಯ ಪಠ್ಯಕ್ರಮಗಳ ಅಸ್ತಿತ್ವದ ಮೂಲಕ ವಿಷಯವನ್ನು ಬೋಧಿಸುವ ಪರೀಕ್ಷೆಗಳ ಒಂದು ಸಂಯೋಜನೆಯ ಮೇಲೆ ಬಹುತೇಕ ತರಗತಿಗಳು ಭರವಸೆಯಿಡುತ್ತವೆ.[134][135] ಕಾಲಾನಂತರದಲ್ಲಿ, ವಿದ್ಯಾರ್ಥಿಗಳು "ಪ್ರಮಾಣಗ್ರಂಥಗಳನ್ನು" ಸಂಕಲಿಸುತ್ತಾರೆ. ಇದು ಸಮಸ್ಯೆಯ ಸಂಚಯ ಮತ್ತು ಪರೀಕ್ಷಾ ಪ್ರಶ್ನೆಗಳು ಹಾಗೂ ಉತ್ತರಗಳ ಸಂಗ್ರಹಗಳಾಗಿದ್ದು, ನಂತರದ ವಿದ್ಯಾರ್ಥಿಗಳಿಗಾಗಿ ಇವು ಪರಾಮರ್ಶನ ಗ್ರಂಥಗಳಂತೆ ಬಳಸಲ್ಪಡುತ್ತವೆ. 1970ರಲ್ಲಿ, ಇನ್ಸ್ಟಿಟ್ಯೂಟ್ ರಿಲೇಷನ್ಸ್ ವಿಭಾಗದ ಅಂದಿನ-ಮುಖ್ಯಾಧಿಕಾರಿಯಾಗಿದ್ದ ಬೆನ್ಸನ್ R. ಸ್ನೈಡರ್ ಎಂಬಾತ ದಿ ಹಿಡನ್ ಕರಿಕ್ಯುಲಮ್ ಎಂಬ ಕೃತಿಯನ್ನು ಪ್ರಕಟಿಸಿದ. ಪ್ರಕರಣ ಗ್ರಂಥಗಳ ಅಂತರ್ಗತ ಅಥವಾ ಸೂಚ್ಯ ಪಠ್ಯಕ್ರಮಗಳ ರೀತಿಯಲ್ಲಿನ ಅಲಿಖಿತ ಕಟ್ಟುಪಾಡುಗಳು ವಿರುದ್ಧ-ಪರಿಣಾಮಕಗಳಾಗಿವೆ; ತಮ್ಮ ಬೋಧನೆಯು ಪರಿಣಾಮಕಾರಿಯಾಗಿದೆ ಎಂದು ಪ್ರಾಧ್ಯಾಪಕರು ನಂಬುವ ರೀತಿಯಲ್ಲಿ ಮತ್ತು ವಿಷಯವನ್ನು ತಾವು ಕಲಿತುಕೊಂಡಿರುವುದಾಗಿ ವಿದ್ಯಾರ್ಥಿಗಳು ನಂಬುವ ರೀತಿಯಲ್ಲಿ ಅವು ಮರುಳುಗೊಳಿಸುತ್ತವೆ ಎಂಬುದು ಈ ಕೃತಿಯಲ್ಲಿ ಬಿಂಬಿತವಾಗಿದ್ದ ಆತನ ವಾದವಾಗಿತ್ತು.1969ರಲ್ಲಿ, ಸ್ನಾತಕಪೂರ್ವ ವಿದ್ಯಾರ್ಥಿ ಸಂಶೋಧನಾ ಅವಕಾಶಗಳ ವ್ಯಾಸಂಗಕ್ರಮವನ್ನು (ಅಂಡರ್ಗ್ರಾಜುಯೇಟ್ ರಿಸರ್ಚ್ ಆಪರ್ಚುನಿಟೀಸ್ ಪ್ರೋಗ್ರಾಂ-UROP) MITಯು ಪ್ರಾರಂಭಿಸಿತು. ಬೋಧನಾ ವಿಭಾಗದ ಸದಸ್ಯರು ಹಾಗೂ ಸಂಶೋಧಕರೊಂದಿಗೆ ಸ್ನಾತಕಪೂರ್ವ ವಿದ್ಯಾರ್ಥಿಗಳು ನೇರವಾಗಿ ಒಟ್ಟುಗೂಡಿ ಕೆಲಸಮಾಡಲು ಅನುವು ಮಾಡಿಕೊಡುವ ಉದ್ದೇಶ ಇದರದಾಗಿತ್ತು. ಮಾರ್ಗರೇಟ್ ಮ್ಯಾಕ್ವಿಕರ್ರಿಂದ ಸ್ಥಾಪಿಸಲ್ಪಟ್ಟ ಈ ವ್ಯಾಸಂಗಕ್ರಮವು, MITಯ "ಮಾಡುವುದರ ಮೂಲಕ ಕಲಿಯುವುದರ" ಸಿದ್ಧಾಂತದ ಮೇಲೆ ನಿರ್ಮಿತವಾಗಿದೆ. ಆಡುಮಾತಿನಲ್ಲಿ "UROPಗಳು" ಎಂದು ಕರೆಯಲ್ಪಡುವ ಸಂಶೋಧನಾ ಯೋಜನೆಗಳನ್ನು, UROP ವೆಬ್ಸೈಟ್ನಲ್ಲಿ ಕಂಡುಬರುವ ಪ್ರಕಟಣೆಗಳ ಮೂಲಕ ಅಥವಾ ಬೋಧನಾ ವಿಭಾಗದ ಸದಸ್ಯರನ್ನು ನೇರವಾಗಿ ಸಂಪರ್ಕಿಸುವ ಮೂಲಕ ವಿದ್ಯಾರ್ಥಿಗಳು ಪಡೆಯುತ್ತಾರೆ.[136] 2,800ಕ್ಕೂ ಹೆಚ್ಚಿನ ಸ್ನಾತಕಪೂರ್ವ ವಿದ್ಯಾರ್ಥಿಗಳು, ಅಂದರೆ ವಿದ್ಯಾರ್ಥಿ ಸಮುದಾಯದ 70%ನಷ್ಟು ಭಾಗವು, ಶೈಕ್ಷಣಿಕ ಮಾನ್ಯತೆ, ವೇತನಕ್ಕಾಗಿ, ಅಥವಾ ಒಂದು ಸ್ವಯಂಸೇವಕ ಪರಿಕಲ್ಪನೆಯ ಆಧಾರದ ಮೇಲೆ ಪ್ರತಿವರ್ಷವೂ ಪಾಲ್ಗೊಳ್ಳುತ್ತದೆ.[137] UROPಗಳಲ್ಲಿನ ತಮ್ಮ ಅನುಭವದ ಆಧಾರದ ಮೇಲೆ ವಿದ್ಯಾರ್ಥಿಗಳು ಪ್ರಸಿದ್ಧರಾಗುತ್ತಾರೆ, ಸ್ವಾಮ್ಯದ ಹಕ್ಕುಪತ್ರ ಅರ್ಜಿಗಳನ್ನು ಸಲ್ಲಿಸುತ್ತಾರೆ, ಮತ್ತು/ಅಥವಾ ಪ್ರಾರಂಭಾನುಕೂಲದ-ಕಂಪನಿಗಳನ್ನು ಪ್ರಾರಂಭಿಸುತ್ತಾರೆ.[138][139] 2000ರಲ್ಲಿ ಆರಂಭಿಸಿ, MITಯು ಹೊಸ ತಂತ್ರಜ್ಞಾನ ವರ್ಧಿತ ಸಕ್ರಿಯ ಕಲಿಕೆಯ (ಟೆಕ್ನಾಲಜಿ ಎನ್ಹಾನ್ಸ್ಡ್ ಆಕ್ಟಿವ್ ಲರ್ನಿಂಗ್ - TEAL) ಪಾಠದ ಕೊಠಡಿಗಳನ್ನು ರೂಪಿಸಿತು. ದೊಡ್ಡ ಉಪನ್ಯಾಸ ಕೋಣೆಗಳಲ್ಲಿನ ಅಡೆತಡೆಗಳನ್ನು ನಿವಾರಿಸಲು ಈ ಪ್ರಯತ್ನವನ್ನು ಮಾಡಲಾಯಿತು.[140][141] ಓರ್ವ ಹಳೆಯ ವಿದ್ಯಾರ್ಥಿ ಹಾಗೂ ಟೆರಾಡೈನ್ ಎಂಬ ಹೈಟೆಕ್ ಕಂಪನಿಯ ಸಹ-ಸಂಸ್ಥಾಪಕನಾದ ದಿವಂಗತ ಅಲೆಕ್ಸ್ ಡಿ'ಆರ್ಬೆಲಾಫ್ ಎಂಬಾತನಿಂದ ದೊರೆತ 10 ದಶಲಕ್ಷ $ ದೇಣಿಗೆಯ ಒಂದು ಭಾಗದಲ್ಲಿ ಇದನ್ನು ಕೈಗೊಳ್ಳಲಾಯಿತು .[142]
2007ರಲ್ಲಿ, ಆವರಣದೊಳಗಿನ ಸಂಶೋಧನೆಗಾಗಿ MITಯು 598.3 ದಶಲಕ್ಷ $ ಹಣವನ್ನು ಖರ್ಚುಮಾಡಿತು.[123][143] ಒಕ್ಕೂಟ ಸರ್ಕಾರದ ಪ್ರಾಯೋಜಿತ ಸಂಶೋಧನೆಯ ಅತಿದೊಡ್ಡ ಮೂಲವಾಗಿತ್ತು. ಆರೋಗ್ಯ ಮತ್ತು ಮಾನವಸೇವೆಗಳ ಇಲಾಖೆಯು 201.6 ದಶಲಕ್ಷ $ ಹಣವನ್ನು ಮಂಜೂರು ಮಾಡಿದರೆ, ರಕ್ಷಣಾ ಇಲಾಖೆಯು 90.6 ದಶಲಕ್ಷ $, ಇಂಧನ ಇಲಾಖೆಯು 64.9 ದಶಲಕ್ಷ $, ರಾಷ್ಟ್ರೀಯ ವಿಜ್ಞಾನ ಪ್ರತಿಷ್ಠಾನವು 65.1 ದಶಲಕ್ಷ $, ಮತ್ತು ನಾಸಾ 27.9 ದಶಲಕ್ಷ $ ಹಣವನ್ನು ಮಂಜೂರು ಮಾಡಿದವು.[143] ಬೋಧನಾ ವಿಭಾಗದ ಜೊತೆಗೆ MITಯು ಸರಿಸುಮಾರು 3,500 ಸಂಶೋಧಕರನ್ನು ನೇಮಿಸಿಕೊಂಡಿದೆ. 2006ರ ಶೈಕ್ಷಣಿಕ ವರ್ಷದಲ್ಲಿ, MIT ಬೋಧನಾ ವಿಭಾಗದ ಸದಸ್ಯರು ಮತ್ತು ಸಂಶೋಧಕರು ಆವಿಷ್ಕರಣಗಳನ್ನು ಪ್ರಕಟಿಸಿದರು, 314 ಸ್ವಾಮ್ಯದ ಹಕ್ಕುಪತ್ರ ಅರ್ಜಿಗಳನ್ನು ಸಲ್ಲಿಸಿದರು, 149 ಸ್ವಾಮ್ಯದ ಹಕ್ಕುಪತ್ರಗಳನ್ನು ಸ್ವೀಕರಿಸಿದರು, ಮತ್ತು ರಾಯಧನಗಳು ಹಾಗೂ ಇತರ ಆದಾಯದ ಮೂಲಕ 129.2 ದಶಲಕ್ಷ $ ಹಣವನ್ನು ಗಳಿಸಿದರು.[144]
In ಇಲೆಕ್ಟ್ರಾನಿಕ್ ಶಾಸ್ತ್ರದಲ್ಲಿ, ಕಾಂತೀಯ ದಿಂಡಿನ ಸ್ಮೃತಿ (ಮ್ಯಾಗ್ನೆಟಿಕ್ ಕೋರ್ ಮೆಮರಿ), ರೇಡಾರ್, ಏಕ ಇಲೆಕ್ಟ್ರಾನು ಟ್ರಾನ್ಸಿಟ್ಸರ್ಗಳು, ಮತ್ತು ಜಡತ್ವಕ್ಕೆ ಸಂಬಂಧಿಸಿದ ಮಾರ್ಗದರ್ಶನ ನಿಯಂತ್ರಕಗಳು MITಯ ಸಂಶೋಧಕರಿಂದ ಆವಿಷ್ಕರಿಸಲ್ಪಟ್ಟವು ಇಲ್ಲವೇ ಗಣನೀಯ ಪ್ರಮಾಣದಲ್ಲಿ ಅಭಿವೃದ್ಧಿಪಡಿಸಲ್ಪಟ್ಟವು.[145][146] ಹೆರಾಲ್ಡ್ ಯೂಜೀನ್ ಎಡ್ಗರ್ಟನ್ ಎಂಬಾತ ಅತಿ ವೇಗದ ಛಾಯಾಗ್ರಹಣ ಕ್ಷೇತ್ರದಲ್ಲಿನ ಓರ್ವ ಪ್ರಥಮಾನ್ವೇಷಕನಾಗಿದ್ದ.[147] ಆಧುನಿಕ ಮಾಹಿತಿ ಸಿದ್ಧಾಂತದ ಬಹುಪಾಲನ್ನು ಕ್ಲಾಡ್ E.ಶನ್ನೊನ್ ಅಭಿವೃದ್ಧಿಪಡಿಸಿದ ಮತ್ತು ಅಂಕೀಯ-ಮಂಡಲ (ಡಿಜಿಟಲ್ ಸರ್ಕಿಟ್) ವಿನ್ಯಾಸ ಸಿದ್ಧಾಂತಕ್ಕೆ ಬೂಲಿಯನ್ ತರ್ಕವನ್ನು ಅನ್ವಯಿಸಬಹುದೆಂಬುದನ್ನು ಕಂಡುಹಿಡಿದ. ಕಂಪ್ಯೂಟರ್ ವಿಜ್ಞಾನದ ಕ್ಷೇತ್ರದಲ್ಲಿ, MIT ಬೋಧನಾ ವಿಭಾಗದ ಸದಸ್ಯರು ಹಾಗೂ ಸಂಶೋಧಕರು ಸೈಬರ್ನೆಟಿಕ್ಸ್, ಕೃತಕ ಬುದ್ಧಿಮತ್ತೆ, ಕಂಪ್ಯೂಟರ್ ಭಾಷೆಗಳು, ಯಂತ್ರ ಕಲಿಕೆ, ರೊಬಾಟಿಕ್ಸ್, ಮತ್ತು ಸಾರ್ವಜನಿಕ-ಮಹತ್ವದ ಗೂಢಲಿಪಿಶಾಸ್ತ್ರ ಇವೇ ಮೊದಲಾದ ವಿಷಯಗಳಿಗೆ ಮೂಲಭೂತ ಕೊಡುಗೆಗಳನ್ನು ನೀಡಿದರು.[146][148] ಪ್ರಸಕ್ತ ಮತ್ತು ಹಿಂದಿನ ಭೌತಶಾಸ್ತ್ರ ಬೋಧನಾ ವಿಭಾಗವು ಎಂಟು ನೊಬೆಲ್ ಪ್ರಶಸ್ತಿಗಳು,[149] ನಾಲ್ಕು ದಿರಾಕ್ ಪದಕಗಳು,[150] ಮತ್ತು ಮೂರು ವೊಲ್ಫ್ ಬಹುಮಾನಗಳನ್ನು ಗೆದ್ದಿದೆ. ಪ್ರಧಾನವಾಗಿ ಉಪಪರಮಾಣು ಮತ್ತು ಕ್ವಾಂಟಂ ಸಿದ್ಧಾಂತಕ್ಕೆ ಸಂಬಂಧಿಸಿದಂತೆ ಅವರು ನೀಡಿದ ಕೊಡುಗೆಗಳಿಗಾಗಿ ಈ ಪುರಸ್ಕಾರಗಳು ಸಂದಿವೆ ಎಂಬುದು ಗಮನಾರ್ಹ. ವಿನೂತನ ಸಂಶ್ಲೇಷಣೆ ಮತ್ತು ವಿಧಾನಗಳ ಆವಿಷ್ಕಾರಕ್ಕಾಗಿ ರಸಾಯನಶಾಸ್ತ್ರ ವಿಭಾಗದ ಸದಸ್ಯರು ಮೂರು ನೊಬೆಲ್ ಪ್ರಶಸ್ತಿಗಳು ಹಾಗೂ ಒಂದು ವೊಲ್ಫ್ ಬಹುಮಾನಕ್ಕೆ ಪಾತ್ರರಾಗಿದ್ದಾರೆ.[149] ತಳಿಶಾಸ್ತ್ರ, ರೋಗರಕ್ಷಾಶಾಸ್ತ್ರ, ಗ್ರಂಥಿಶಾಸ್ತ್ರ, ಮತ್ತು ಅಣು ಜೀವವಿಜ್ಞಾನ ಕ್ಷೇತ್ರಗಳಿಗೆ ಸಂಬಂಧಿಸಿ ನೀಡಿದ ಕೊಡುಗೆಗಳಿಗಾಗಿ MIT ಜೀವವಿಜ್ಞಾನಿಗಳಿಗೆ ಆರು ನೊಬೆಲ್ ಪ್ರಶಸ್ತಿಗಳು ದಕ್ಕಿವೆ.[149] ಎರಿಕ್ ಲ್ಯಾಂಡರ್ ಎಂಬ ಓರ್ವ ಪ್ರಾಧ್ಯಾಪಕ, ಮಾನವ ಜೀನೋಮ್ ಯೋಜನೆಯ ಪ್ರಮುಖ ನಾಯಕರಲ್ಲಿ ಒಬ್ಬನಾಗಿದ್ದ.[151][152] ಪಾಸಿಟ್ರೋನಿಯಂ ಪರಮಾಣುಗಳು,[153] ಸಂಶ್ಲೇಷಿತ ಪೆನಿಸಿಲಿನ್,[154] ಸಂಶ್ಲೇಷಿತ ಸ್ವಯಂ-ನಕಲೀಕರಣಗೊಳ್ಳುವ ಕಣಗಳು,[155] ಮತ್ತು ಲೌ ಗೆಹ್ರಿಗ್ನ ಕಾಯಿಲೆ ಮತ್ತು ಹಂಟಿಂಗ್ಟನ್ನ ಕಾಯಿಲೆಗಳಿಗಾಗಿರುವ ತಳೀಯ ಆಧಾರಗಳು MITಯಲ್ಲಿ ಮೊಟ್ಟಮೊದಲಬಾರಿಗೆ ಆವಿಷ್ಕರಿಸಲ್ಪಟ್ಟವು.[156] ಮಾನವಿಕಗಳು, ಕಲೆಗಳು, ಮತ್ತು ಸಮಾಜ ವಿಜ್ಞಾನಗಳ ಕ್ಷೇತ್ರಗಳಲ್ಲಿ, MIT ಅರ್ಥಶಾಸ್ತ್ರಜ್ಞರಿಗೆ ಐದು ನೊಬೆಲ್ ಪ್ರಶಸ್ತಿಗಳು ಮತ್ತು ಒಂಬತ್ತು ಜಾನ್ ಬೇಟ್ಸ್ ಕ್ಲಾರ್ಕ್ ಪದಕಗಳು ಲಭಿಸಿವೆ.[149][157] ನೊವಾಮ್ ಚಾಮ್ಸ್ಕಿ ಮತ್ತು ಮೋರಿಸ್ ಹ್ಯಾಲ್ಲೆ ಎಂಬ ಭಾಷಾಶಾಸ್ತ್ರಜ್ಞರು ಉತ್ಪಾದಕ ವ್ಯಾಕರಣ ಮತ್ತು ಧ್ವನಿವಿಜ್ಞಾನದ ಕುರಿತು ಮೂಲಭೂತ ಲೇಖನಗಳನ್ನು ಬರೆದಿದ್ದಾರೆ.[158][159] 1985ರಲ್ಲಿ ಸ್ಥಾಪನೆಗೊಂಡ ಮತ್ತು ತನ್ನ ಸಂಪ್ರದಾಯಬದ್ಧವಲ್ಲದ ಸಂಶೋಧನೆಗಾಗಿ[347][349] ಪ್ರಸಿದ್ಧಿ ಪಡೆದಿರುವ MIT ಮೀಡಿಯಾ ಲ್ಯಾಬ್, ರಾಚನಿಕವಾದಿ ಶಿಕ್ಷಣವೇತ್ತ ಹಾಗೂ ಲಾಂಛನ ಸೃಷ್ಟಿಕರ್ತ ಸೆಮೌರ್ ಪ್ಯಾಪರ್ಟ್,[351] ಲೆಗೋ ಮೈಂಡ್ಸ್ಟಾರ್ಮ್ಸ್ ಮತ್ತು ಸ್ಕ್ರ್ಯಾಚ್ ಸೃಷ್ಟಿಕರ್ತ ಮಿಚೆಲ್ ರೆಸ್ನಿಕ್,[353] ಕಿಸ್ಮೆಟ್ ಸೃಷ್ಟಿಕರ್ತೆ ಸಿಂಥಿಯಾ ಬ್ರೀಝೀಲ್,[355] ಭಾವಸೂಚಕ ಗಣಿಸುವಿಕೆಯ ಪಥನಿರ್ಮಾಪಕ ರೋಸಲಿಂಡ್ ಪಿಕಾರ್ಡ್,[357] ಮತ್ತು ಮಹಾಉಪಕರಣ ತಜ್ಞ ಟಾಡ್ ಮ್ಯಾಕೊವರ್[359] ಇವರೇ ಮೊದಲಾದವರಿಗೆ ನೆಲೆಯಾಗಿತ್ತು.
MITಯ ಸಾಧನೆ ಅಥವಾ ನೈಪುಣ್ಯತೆಯ ಪ್ರಮಾಣ ಹಾಗೂ ಪ್ರಸಿದ್ಧಿಯು ತಿಳಿದಿರುವ ಸಂದರ್ಭದಲ್ಲಿ, ಸಂಶೋಧನೆಯ ತಪ್ಪು ನಿರ್ವಹಣೆಯ ಅಥವಾ ಅನೌಚಿತ್ಯಗಳ ಆರೋಪಗಳು ಮುದ್ರಣ ಮಾಧ್ಯಮದಲ್ಲಿ ಗಣನೀಯ ಪ್ರಮಾಣದಲ್ಲಿ ಕಾಣಿಸಿಕೊಂಡಿವೆ. ನೊಬೆಲ್ ಪ್ರಶಸ್ತಿ ವಿಜೇತನಾದ ಡೇವಿಡ್ ಬಾಲ್ಟಿಮೋರ್ ಎಂಬ ಓರ್ವ ಪ್ರಾಧ್ಯಾಪಕ, ತಪ್ಪು ನಿರ್ವಹಣೆಯ ಬಗೆಗಿನ ಒಂದು ತನಿಖೆಯಲ್ಲಿ ಸಿಲುಕಿಕೊಂಡ. 1986ರಲ್ಲಿ ಪ್ರಾರಂಭವಾದ ಈ ತನಿಖೆಯು 1991ರಲ್ಲಿನ ಔಪಚಾರಿಕ ಸಭೆಯ ವಿಚಾರಣೆಗಳಿಗೆ ಎಡೆಮಾಡಿಕೊಟ್ಟಿತು.[160][161][162] ಕ್ಷಿಪ್ತ ಕ್ಷಿಪಣಿ ರಕ್ಷಣಾ ಪರೀಕ್ಷಾ ಪ್ರಯೋಗವೊಂದನ್ನು ಒಳಗೊಂಡ ಲಿಂಕನ್ ಲ್ಯಾಬ್ ಸೌಕರ್ಯದಲ್ಲಿನ ಗುಪ್ತವಾದ ಸಂಶೋಧನಾ ತಪ್ಪು ನಿರ್ವಹಣೆಯನ್ನು ಮುಚ್ಚಿಡಲು ಪ್ರಯತ್ನ ಮಾಡಿದ್ದಕ್ಕಾಗಿ ಟೆಡ್ ಪಾಸ್ಟಲ್ ಎಂಬ ಪ್ರಾಧ್ಯಾಪಕ MIT ಆಡಳಿತದ ಮೇಲೆ 2000ದ ಇಸವಿಯಿಂದಲೂ ಆರೋಪ ಹೊರಿಸಿದ್ದಾನೆ.[163][164] ವೈಜ್ಞಾನಿಕ ತಪ್ಪು ನಿರ್ವಹಣೆಯ ಆಪಾದನೆಗಳ ಹಿನ್ನೆಲೆಯಲ್ಲಿ ಲುಕ್ ವಾನ್ ಪರ್ಜಿಸ್ ಎಂಬ ಸಹಾಯಕ ಪ್ರಾಧ್ಯಾಪಕನನ್ನು 2005ರಲ್ಲಿ ವಜಾಗೊಳಿಸಲಾಯಿತು ಮತ್ತು ಇದೇ ಕಾರಣಕ್ಕೆ ಆತನನ್ನು ತಪ್ಪಿತಸ್ಥನೆಂದು ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ಸಂಶೋಧನೆ ಸಮಗ್ರತೆಯ ಕಚೇರಿಯು 2009ರಲ್ಲಿ ತೀರ್ಮಾನಿಸಿತು.[165][166]
ಟೆಂಪ್ಲೇಟು:Sound sample box align left
ಟೆಂಪ್ಲೇಟು:Sample box end ಬೋಧನಾ ವಿಭಾಗ ಮತ್ತು ವಿದ್ಯಾರ್ಥಿ ಸಮುದಾಯವು ಯೋಗ್ಯತಾಶಾಹಿ ಮತ್ತು ತಾಂತ್ರಿಕ ತಜ್ಞತೆಯನ್ನು ಹೆಚ್ಚಿನ ರೀತಿಯಲ್ಲಿ ಗೌರವಿಸುತ್ತವೆ.[167][168] ಪದವಿ ಸ್ವೀಕಾರದ ಆಧಾರದ ಮೇಲೆ MITಯು ಎಂದಿಗೂ ಒಂದು ಗೌರವಾರ್ಥ ಪದವಿಯನ್ನು ಪ್ರದಾನ ಮಾಡಿಲ್ಲ ಅಥವಾ ಕ್ರೀಡೆಗೆ ಸಂಬಂಧಿಸಿದ ವಿದ್ಯಾರ್ಥಿ ವೇತನಗಳನ್ನು, ಅದೇ ಪದವಿಗಾಗಿರುವ ಪದವಿಗಳನ್ನು (ಆಡ್ ಇಯಾಂಡಮ್ ಡಿಗ್ರಿ), ಅಥವಾ ಲ್ಯಾಟಿನ್ ಗೌರವಗಳನ್ನು ಇದು ಎಂದಿಗೂ ನೀಡುವುದಿಲ್ಲ.[169] ಆದಾಗ್ಯೂ, MITಯು ಎರಡು ಬಾರಿ ಗೌರವ ಪ್ರಾಧ್ಯಾಪಕ ಸ್ಥಾನಗಳನ್ನು ನೀಡಿದ್ದು, ವಿನ್ಸ್ಟನ್ ಚರ್ಚಿಲ್ರಿಗೆ 1949ರಲ್ಲಿ ಮತ್ತು ಸಲ್ಮಾನ್ ರಷ್ದಿಗೆ 1993ರಲ್ಲಿ ಪ್ರದಾನ ಮಾಡಿದ ಗೌರವಾರ್ಥ ಪದವಿಗಳ ಉದಾಹರಣೆಗಳು ಇದರಲ್ಲಿ ಸೇರಿವೆ.[170]
ಪ್ರಸಕ್ತ ವಿದ್ಯಾರ್ಥಿಗಳು ಮತ್ತು ಹಳೆಯ ವಿದ್ಯಾರ್ಥಿಗಳು ಒಂದು ದೊಡ್ಡದಾದ, ಭಾರವಾಗಿರುವ, ವಿಶಿಷ್ಟತೆಯ ಲಕ್ಷಣವಾದ, "ಬ್ರಾಸ್ ರ್ಯಾಟ್" ಎಂದು ಕರೆಯಲಾಗುವ ತರಗತಿ ಉಂಗುರವನ್ನು ಧರಿಸುತ್ತಾರೆ.[171] ಮೂಲತಃ 1929ರಲ್ಲಿ ಸೃಷ್ಟಿಸಲ್ಪಟ್ಟ ಈ ಉಂಗುರದ ಅಧಿಕೃತ ಹೆಸರು, "ಪ್ರಮಾಣಕ ತಂತ್ರಜ್ಞಾನದ ಉಂಗುರ" ಎಂದಾಗಿದೆ.[172] ಸ್ನಾತಕಪೂರ್ವ ವಿದ್ಯಾರ್ಥಿಯ ಉಂಗುರದ ವಿನ್ಯಾಸವು (ಪದವೀಧರ ವಿದ್ಯಾರ್ಥಿಯ ಒಂದು ಪ್ರತ್ಯೇಕ ಆವೃತ್ತಿಯೂ ಅಸ್ತಿತ್ವದಲ್ಲಿದೆ) ಅ ತರಗತಿಗೆ ಸಂಬಂಧಿಸಿದಂತಿರುವ MIT ಅನುಭವದ ಅನನ್ಯ ಲಕ್ಷಣವನ್ನು ಪ್ರತಿಬಿಂಬಿಸಲು ವರ್ಷದಿಂದ ವರ್ಷಕ್ಕೆ ಸ್ವಲ್ಪವೇ ಬದಲಾಗುತ್ತಾ ಹೋಗುತ್ತದೆಯಾದರೂ, ಮೂರು-ತುಣುಕಿನ ಒಂದು ವಿನ್ಯಾಸವನ್ನು ಯಾವಾಗಲೂ ಹೊಂದಿರುತ್ತದೆ. ಬೀವರ್ ಪ್ರಾಣಿಯೊಂದರ ಚಿತ್ರವೊಂದನ್ನು ಹೊಂದಿರುವ ಒಂದು ದೊಡ್ಡ ಆಯತಾಕಾರದ ಪಟ್ಟಿಯೊಂದನ್ನು ಪಾರ್ಶ್ವದಿಂದ ಸುತ್ತುವರೆದಿರುವ MIT ಮೊಹರು ಹಾಗೂ ತರಗತಿಯ ವರ್ಷವು ಪ್ರತ್ಯೇಕವಾದ ಮುಖಗಳ ಮೇಲೆ ಕಾಣುವಂತೆ ಈ ವಿನ್ಯಾಸವಿರುತ್ತದೆ.[171] ಶಾಲೆಯ ಅನೌಪಚಾರಿಕ ಉದ್ಧೃತವಾಕ್ಯವಾದ "I hate this fucking place" ಮತ್ತು ಅದನ್ನೇ ಪರಿಹಾಸ್ಯದ ರೂಪದಲ್ಲಿ ಸೌಮ್ಯೋಕ್ತಿಯಲ್ಲಿ ಬಳಸಲಾಗುವ "I have truly found paradise," "Institute has the finest professors", ಮತ್ತು ಇತರ ಮಾರ್ಪಾಡುಗಳನ್ನು ಪ್ರತಿನಿಧಿಸುವ ಮೊದಲಕ್ಷರದ ಗುಚ್ಛವಾದ IHTFP ಎಂಬುದನ್ನು, ವಿದ್ಯಾರ್ಥಿ ಸಂಸ್ಕೃತಿಯಲ್ಲಿನ ಅದರ ಐತಿಹಾಸಿಕ ಪ್ರಾಮುಖ್ಯತೆಯ ಗೊತ್ತಾದ ಪರಿಸ್ಥಿತಿಯಲ್ಲಿ ಉಂಗುರದ ಮೇಲೆ ತೋರಿಸಲಾಗಿದೆ.[173]
380ಕ್ಕೂ ಹೆಚ್ಚಿನ ಮಾನ್ಯತೆ ಪಡೆದ ವಿದ್ಯಾರ್ಥಿ ಚಟುವಟಿಕೆ ಗುಂಪುಗಳನ್ನು[174] MITಯು ಹೊಂದಿದ್ದು, ಒಂದು ಆವರಣದ ರೇಡಿಯೋ ಕೇಂದ್ರ, ದಿ ಟೆಕ್ ಎಂಬ ವಿದ್ಯಾರ್ಥಿ ವೃತ್ತಪತ್ರಿಕೆ, ಒಂದು ವಾರ್ಷಿಕ ವಾಣಿಜ್ಯೋದ್ಯಮದ ಸ್ಪರ್ಧೆ, ಮತ್ತು ಉಪನ್ಯಾಸ ಸರಣಿ ಸಮಿತಿಯಿಂದ ಆಯೋಜಿಸಲಾಗುವ ಜನಪ್ರಿಯ ಚಲನಚಿತ್ರಗಳ ಸಾಪ್ತಾಹಿಕ ಪ್ರದರ್ಶನಗಳು ಸದರಿ ಚಟುವಟಿಕೆಗಳಲ್ಲಿ ಸೇರಿವೆ. ಇಂಗ್ಲಿಷ್ನಲ್ಲಿರುವ "ವಿಶ್ವದ ಅತಿದೊಡ್ಡ ಮುಕ್ತ-ಗ್ರಂಥಾಲಯ ಸ್ವರೂಪದ ವೈಜ್ಞಾನಿಕ ಕಾದಂಬರಿಗಳ ಸಂಗ್ರಹ", ಮಾಡೆಲ್ ರೇಲ್ರೋಡ್ ಕ್ಲಬ್ ಮತ್ತು ರೋಮಾಂಚಕ ಜಾನಪದ ನೃತ್ಯ ದೃಶ್ಯ- ಇವೇ ಮೊದಲಾದವು ಕಡಿಮೆ ಸಾಂಪ್ರದಾಯಿಕ ಚಟುವಟಿಕೆಗಳಲ್ಲಿ ಸೇರಿವೆ.
ಸ್ವತಂತ್ರ ಚಟುವಟಿಕೆಗಳ ಅವಧಿಯು (ಇಂಡಿಪೆಂಡೆಂಟ್ ಆಕ್ಟಿವಿಟೀಸ್ ಪೀರಿಯಡ್-IAP) ನಾಲ್ಕು-ವಾರದಷ್ಟು ಉದ್ದದ ಒಂದು "ವ್ಯಾಸಂಗಾವಧಿ"ಯಾಗಿದ್ದು, ನೂರಾರು ಐಚ್ಛಿಕ ತರಗತಿಗಳು, ಉಪನ್ಯಾಸಗಳು, ಪ್ರದರ್ಶಕ ಬೋಧನೆಗಳು, ಮತ್ತು ಇತರ ಚಟುವಟಿಕೆಗಳನ್ನು ಅದು ನೀಡುತ್ತದೆ. ಶರತ್ಕಾಲ ಮತ್ತು ವಸಂತಕಾಲದ ಅರ್ಧವಾರ್ಷಿಕ ವ್ಯಾಸಂಗಾವಧಿಗಳ ನಡುವಿನ ಜನವರಿ ತಿಂಗಳಾದ್ಯಂತ ಈ ಚಟುವಟಿಕೆಗಳು ನಡೆಯುತ್ತವೆ. ಪುನರಾವರ್ತನೆಯಾಗುವ ಕೆಲವೊಂದು ಅತ್ಯಂತ ಜನಪ್ರಿಯ IAP ಚಟುವಟಿಕೆಗಳೆಂದರೆ, 6.270, 6.370, ಮತ್ತು ಮಾಸ್ಲ್ಯಾಬ್ ಸ್ಪರ್ಧೆಗಳು,[175] ವಾರ್ಷಿಕವಾಗಿ ಬರುವ "ಮಿಸ್ಟರಿ ಹಂಟ್",[176] ಮತ್ತು ಚಾರ್ಮ್ ಸ್ಕೂಲ್.[177] U.S. ಮತ್ತು ಹೊರದೇಶಗಳಲ್ಲಿನ ಕಂಪನಿಗಳಲ್ಲಿ ಎಕ್ಸ್ಟರ್ನ್ಷಿಪ್ಗಳನ್ನು ಮುಂದುವರಿಸುವ ಅವಕಾಶವೂ ವಿದ್ಯಾರ್ಥಿಗಳಿಗಿರುತ್ತದೆ.ಅನೇಕ MIT ವಿದ್ಯಾರ್ಥಿಗಳು "ಹ್ಯಾಕಿಂಗ್"ನಲ್ಲಿಯೂ ತೊಡಗಿಸಿಕೊಳ್ಳುತ್ತಾರೆ. ಸಾಮಾನ್ಯವಾಗಿ ಮಿತಿಯಿಂದ ಆಚೆಗಿರುವ (ಚಾವಣಿಯ ಹೊರ ಮೇಲ್ಮೈಗಳು ಮತ್ತು ಆವಿ ಸುರಂಗಗಳಂಥವು) ಪ್ರದೇಶಗಳ ಭೌತಿಕ ಪರಿಶೋಧನೆಯಷ್ಟೇ ಅಲ್ಲದೇ ಅತ್ಯುತ್ತಮವಾಗಿ ಪರಿಷ್ಕರಿಸಿದ ಕುಚೋದ್ಯಗಳನ್ನು ಕೂಡಾ ಈ ಚಟುವಟಿಕೆಯು ಒಳಗೊಳ್ಳುತ್ತದೆ.[178][179]
ಕ್ಯಾಲ್ಟೆಕ್ನ ಬಂಡಿತೋಪಿನ[180] ಕಳ್ಳತನ, ದೊಡ್ಡ ಗುಮ್ಮಟದಂಥ ಮಹಲಿನ ಮೇಲ್ಭಾಗದಲ್ಲಿ ರೈಟ್ ಫ್ಲೈಯರ್ ಒಂದರ ಮರುನಿರ್ಮಾಣ ಮಾಡುವಿಕೆ,[181] ಮತ್ತು ಜಾನ್ ಹಾರ್ವರ್ಡ್ ಪ್ರತಿಮೆಯನ್ನು ಮಾಸ್ಟರ್ ಚೆಫ್ನ ಸ್ಪಾರ್ಟಾದ ಶಿರಸ್ತ್ರಾಣದಿಂದ ಸಿಂಗರಿಸುವಿಕೆ ಇವೆಲ್ಲವೂ ಇತ್ತೀಚಿನ ಹ್ಯಾಕ್ಗಳಲ್ಲಿ ಸೇರಿಕೊಂಡಿವೆ.[182]
ವಿದ್ಯಾರ್ಥಿ ದೈಹಿಕ-ಕ್ರೀಡೆಗಳ ವ್ಯಾಸಂಗಕ್ರಮವು ವಿಶ್ವವಿದ್ಯಾಲಯ ಮಟ್ಟದ 41 ಕ್ರೀಡೆಗಳನ್ನು ನೀಡುತ್ತಿದ್ದು, ಇದು U.S.ನಲ್ಲಿನ ಅತಿದೊಡ್ಡ ವ್ಯಾಸಂಗಕ್ರಮವಾಗಿದೆ.[183][184] NCAAಯ ವಿಭಾಗ III, ನ್ಯೂ ಇಂಗ್ಲಂಡ್ ವಿಮೆನ್ಸ್ ಅಂಡ್ ಮೆನ್ಸ್ ಅಥ್ಲೆಟಿಕ್ ಕಾನ್ಫರೆನ್ಸ್, ನ್ಯೂ ಇಂಗ್ಲಂಡ್ ಫುಟ್ಬಾಲ್ ಕಾನ್ಫರೆನ್ಸ್, ಮತ್ತು NCAAಯ ವಿಭಾಗ I ಹಾಗೂ ಸಿಬ್ಬಂದಿವರ್ಗಕ್ಕಾಗಿ ಮೀಸಲಾಗಿರುವ ಈಸ್ಟರ್ನ್ ಅಸೋಸಿಯೇಷನ್ ಆಫ್ ರೋಯಿಂಗ್ ಕಾಲೇಜಸ್ (EARC)- ಇವೇ ಮೊದಲಾದವುಗಳಲ್ಲಿ MITಯು ಭಾಗವಹಿಸುತ್ತದೆ.
1914ರಿಂದಲೂ ಸಂಸ್ಥೆಯ ಕ್ರೀಡಾ ತಂಡಗಳ ಅದೃಷ್ಟದಾಯಕ ಪ್ರಾಣಿಯು "ಪ್ರಕೃತಿಯ ಶಿಲ್ಪಿ" ಎಂದೇ ಕರೆಯಲ್ಪಡುವ ಒಂದು ಬೀವರ್ ಪ್ರಾಣಿಯಾಗಿರುವುದರಿಂದ, ಸದರಿ ತಂಡಗಳು 'ಎಂಜಿನೀರ್ಸ್' ಎಂದು ಕರೆಯಲ್ಪಡುತ್ತವೆ. 1898ರ ತರಗತಿಯ ಓರ್ವ ಸದಸ್ಯನಾದ ಲೆಸ್ಟರ್ ಗಾರ್ಡ್ನರ್, ಈ ಕೆಳಕಂಡ ಸಮರ್ಥನೆಯನ್ನು ನೀಡಿದ್ದಾನೆ:
The beaver not only typifies the Tech, but his habits are particularly our own. The beaver is noted for his engineering and mechanical skills and habits of industry. His habits are nocturnal. He does his best work in the dark.[185]
1980ರಾದ್ಯಂತ ಹಲವಾರು ಅಂತರಕಾಲೇಜು ಪ್ರಬಲ ಟಿಡ್ಲಿವಿಂಕ್ಸ್ ತಂಡಗಳನ್ನು MITಯು ಕಣಕ್ಕಿಳಿಸಿದ್ದು, ಅವು ರಾಷ್ಟ್ರೀಯ ಮತ್ತು ವಿಶ್ವ ಚ್ಯಾಂಪಿಯನ್ಗಿರಿಗಳನ್ನು ಗೆದ್ದುಕೊಂಡಿವೆ.[186] ಬಂದೂಕು, ಟೇಕ್ವಾಂಡೊ, ಪಥ ಮತ್ತು ಮೈದಾನದ ಆಟಗಳು, ಈಜುಗಾರಿಕೆ ಮತ್ತು ನೀರಲ್ಲಿ ಧುಮುಕುವಿಕೆ, ಹಳ್ಳಿಗಾಡು ಓಟ, ದೋಣಿಪಂದ್ಯ, ಕತ್ತಿವರಸೆ, ಮತ್ತು ನೀರಿನ ಪೋಲೋ- ಇವೇ ಮೊದಲಾದ ವೈವಿಧ್ಯಮಯ ಕ್ರೀಡೆಗಳಲ್ಲಿನ ರಾಷ್ಟ್ರೀಯ ಚ್ಯಾಂಪಿಯನ್ಗಿರಿಯಲ್ಲಿ MIT ಎಂಜಿನಿಯರ್ಗಳು ಗೆದ್ದಿದ್ದಾರೆ ಇಲ್ಲವೇ ಉನ್ನತ ಸ್ಥಾನಮಾನವನ್ನು ದಕ್ಕಿಸಿಕೊಂಡಿದ್ದಾರೆ. MITಯು 128 ಅಕೆಡೆಮಿಕ್ ಆಲ್-ಅಮೆರಿಕನ್ಸ್ ಕೂಟಗಳನ್ನು ಹುಟ್ಟುಹಾಕಿದೆ. ಯಾವುದೇ ವಿಭಾಗಕ್ಕೆ ಸಂಬಂಧಿಸಿದಂತೆ ಇದು ದೇಶದಲ್ಲಿನ ಮೂರನೇ ಅತಿದೊಡ್ಡ ಸದಸ್ಯತ್ವ ವ್ಯವಸ್ಥೆಯಾಗಿದೆ ಮತ್ತು ವಿಭಾಗ IIIಕ್ಕೆ ಸಂಬಂಧಿಸಿದ ಸದಸ್ಯರ ಅತಿದೊಡ್ಡ ಸಂಖ್ಯೆಯಾಗಿದೆ.[183] 2002ರಲ್ಲಿ ಪ್ರಾರಂಭವಾದ ಝೆಸೈಯರ್ ಸ್ಪೋರ್ಟ್ಸ್ ಅಂಡ್ ಫಿಟ್ನೆಸ್ ಸೆಂಟರ್ (Z-ಸೆಂಟರ್), MITಯ ದೈಹಿಕ-ಕ್ರೀಡೆಗಳು, ದೈಹಿಕ ಶಿಕ್ಷಣ, ಮತ್ತು ವಿನೋದ-ವಿಹಾರಗಳ ವ್ಯವಸ್ಥೆಗಳ ಸಾಮರ್ಥ್ಯ ಮತ್ತು ಗುಣಮಟ್ಟವನ್ನು 10 ಕಟ್ಟಡಗಳು ಮತ್ತು 26 acres (110,000 m2) ಆಟದ ಮೈದಾನಗಳಿಗೆ ಗಣನೀಯವಾಗಿ ವಿಸ್ತರಿಸಿತು. ಸದರಿ 124,000-square-foot (11,500 m2) ಸೌಕರ್ಯವು ಒಂದು ಒಲಿಂಪಿಕ್-ವರ್ಗದ ಈಜುಕೊಳ, ಅಂತರರಾಷ್ಟ್ರೀಯ-ಮಟ್ಟದ ಸ್ಕ್ವಾಶ್ ಅಂಕಣಗಳು, ಮತ್ತು ಎರಡು-ಮಹಡಿಯ ಒಂದು ದೇಹಧಾರ್ಢ್ಯತೆಯ ಕೇಂದ್ರವನ್ನು ಒಳಗೊಂಡಿದೆ.[183] 2009ರ ಏಪ್ರಿಲ್ನಲ್ಲಿ, MITಯು ಒಂದು ಪ್ರಕಟಣೆಯನ್ನು ನೀಡಿ, ತನ್ನ ನಲವತ್ತೊಂದು ಕ್ರೀಡೆಗಳ ಪೈಕಿ ಎಂಟನ್ನು ಹೊರಹಾಕಲಿರುವುದಾಗಿ ತಿಳಿಸಿತು. ಉನ್ನತ ಪರ್ವತ ಪ್ರದೇಶದಲ್ಲಿನ ಹಿಮಜಾರಾಟ ಮತ್ತು ಬಂದೂಕು ಸ್ಪರ್ಧೆಯಲ್ಲಿನ ಪುರುಷರ ಮತ್ತು ಮಹಿಳೆಯರ ಮಿಶ್ರತಂಡಗಳು; ಹಿಮದ ಬಯಲಿನ ಹಾಕಿ ಮತ್ತು ಕಸರತ್ತುಗಳಲ್ಲಿನ (ಜಿಮ್ನಾಸ್ಟಿಕ್ಸ್) ಪುರುಷರು ಮತ್ತು ಮಹಿಳೆಯರಿಗೆ ಮೀಸಲಾದ ಪ್ರತ್ಯೇಕ ತಂಡಗಳು; ಮತ್ತು ಗಾಲ್ಫ್ ಹಾಗೂ ಕುಸ್ತಿಯಲ್ಲಿನ ಪುರುಷರ ವ್ಯಾಸಂಗಕ್ರಮಗಳನ್ನು ಅವು ಒಳಗೊಂಡಿದ್ದವು.[187][188][189]
4,232 ಸ್ನಾತಕಪೂರ್ವ ವಿದ್ಯಾರ್ಥಿಗಳನ್ನು MITಯು ದಾಖಲಿಸಿಕೊಂಡಿದೆ. 2009–2010ರ ಶೈಕ್ಷಣಿಕ ವರ್ಷದ ಶರತ್ಕಾಲದ ವ್ಯಾಸಂಗಾವಧಿಗಾಗಿ MITಯು 6,152 ಪದವೀಧರ ವಿದ್ಯಾರ್ಥಿಗಳಿಗೆ ಆಶ್ರಯ ನೀಡಿದೆ.[4] ಮಹಿಳೆಯರು ಸ್ನಾತಕಪೂರ್ವ ವಿದ್ಯಾರ್ಥಿಗಳ ಪೈಕಿ ಶೇಕಡಾ 45.3ರಷ್ಟಿದ್ದರೆ, ಪದವೀಧರ ವಿದ್ಯಾರ್ಥಿಗಳ ಪೈಕಿ ಶೇಕಡಾ 31.1ರಷ್ಟಿದ್ದರು.[4][191] 2008–2009ರ ಶೈಕ್ಷಣಿಕ ವರ್ಷದಲ್ಲಿ ಹೊಸವಿದ್ಯಾರ್ಥಿ ಅರ್ಜಿದಾರರಿಗಾಗಿದ್ದ ಪ್ರವೇಶಗಳ ಪ್ರಮಾಣವು 11.9%ನಷ್ಟಿತ್ತು; ಪ್ರವೇಶ ದೊರಕಿದ ಅರ್ಜಿದಾರರ ಪೈಕಿ 66%ನಷ್ಟು ಮಂದಿ ಸೇರಿಕೊಳ್ಳಲು ನಿರ್ಧರಿಸಿದರು. ಪದವೀಧರ ಅರ್ಜಿದಾರರಿಗಾಗಿದ್ದ ಪ್ರವೇಶಗಳ ಪ್ರಮಾಣವು (ಅಲ್ಲ ವಿಭಾಗಗಳು) 21.3%ನಷ್ಟಿತ್ತು; 63%ನಷ್ಟು ಮಂದಿ ಸೇರಿಕೊಳ್ಳಲು ನಿರ್ಧರಿಸಿದರು.[192] ಹೊಸವಿದ್ಯಾರ್ಥಿಗಳ ತರಗತಿಯ ಪೈಕಿ 98%ನಷ್ಟು ಭಾಗವು ವರ್ಷವನ್ನು ಉತ್ತಮ ಸ್ಥಾನಮಾನದೊಂದಿಗೆ ಮುಗಿಸಿತು ಮತ್ತು ಇದು ಮರುವರ್ಷದಲ್ಲೂ ಮರುಕಳಿಸಿತು; 82%ನಷ್ಟು ಮಂದಿ 4 ವರ್ಷಗಳೊಳಗೆ ಪದವೀಧರರಾದರು, ಮತ್ತು 94%ನಷ್ಟು ಮಂದಿ (92%ನಷ್ಟು ಪುರುಷರು ಮತ್ತು 96%ನಷ್ಟು ಮಹಿಳೆಯರು) 6 ವರ್ಷಗಳೊಳಗೆ ಪದವೀಧರರಾದರು.[193] ಬೋಧನೆ ಮತ್ತು ಒಂಬತ್ತು ತಿಂಗಳುಗಳಿಗಾಗಿರುವ ಶುಲ್ಕಗಳ ಮೊತ್ತವು 36,390 $ನಷ್ಟಿತ್ತು. ಸ್ನಾತಕಪೂರ್ವ ವಿದ್ಯಾರ್ಥಿಯ ಕೋಣೆ ಮತ್ತು ಊಟದ ವ್ಯವಸ್ಥೆಗೆ ಸರಿಸುಮಾರು 10,860 $ನಷ್ಟು ವೆಚ್ಚವಾದರೆ; “ಪುಸ್ತಕಗಳು ಮತ್ತು ವೈಯಕ್ತಿಕ ವೆಚ್ಚಗಳ” ಮೊತ್ತವು 2,850 $ನಷ್ಟಿತ್ತು. ಸರಾಸರಿಯಾಗಿ ಒಟ್ಟು ವೆಚ್ಚಗಳು (ಲೆಕ್ಕಾಚಾರ): 50,100 $ನಷ್ಟಿದ್ದವು. ಬಹುಪಾಲು ಸ್ನಾತಕಪೂರ್ವ ವಿದ್ಯಾರ್ಥಿಗಳು (62%) MIT ವಿದ್ಯಾರ್ಥಿ ವೇತನಗಳ ಸ್ವರೂಪದಲ್ಲಿ ಅವಶ್ಯಕತೆ-ಆಧರಿತ ಹಣಕಾಸು ಸಹಾಯವನ್ನು ಸ್ವೀಕರಿಸಿದರು. ಸರಾಸರಿ ಅವಶ್ಯಕತೆ-ಆಧರಿತ ವಿದ್ಯಾರ್ಥಿ ವೇತನದ ಪ್ಯಾಕೇಜು: 33,950 $ನಷ್ಟಿತ್ತು.[194] 1870ರಲ್ಲಿ ಎಲೆನ್ ಸ್ವಾಲೋ ರಿಚರ್ಡ್ಸ್ರ ಪ್ರವೇಶವಾದ ನಂತರ MITಗೆ ಸಹಶಿಕ್ಷಣದ ಹೆಣೆಪಟ್ಟಿಯೂ ಲಭಿಸಿದೆ. MITಯ ಬೋಧನಾ ವಿಭಾಗದ ಮೊಟ್ಟಮೊದಲ ಮಹಿಳಾ ಸದಸ್ಯೆ ಎಂಬ ಅಭಿದಾನಕ್ಕೆ ಪಾತ್ರರಾದ ರಿಚರ್ಡ್ಸ್, ನೈರ್ಮಲ್ಯದ ರಸಾಯನಶಾಸ್ತ್ರದ ವಿಷಯದಲ್ಲಿ ಪರಿಣತಿಯನ್ನು ಪಡೆದಿದ್ದರು.[195] ಮೆಕ್ಕಾರ್ಮಿಕ್ ಹಾಲ್ ಎಂಬ ಹೆಸರಿನ, ಮಹಿಳೆಯರ ವಿದ್ಯಾರ್ಥಿ ನಿಲಯದ ಮೊದಲ ಪಾರ್ಶ್ವವು 1962ರಲ್ಲಿ ಸಂಪೂರ್ಣವಾಗುವುದಕ್ಕೆ ಮುಂಚಿತವಾಗಿ, ವಿದ್ಯಾರ್ಥಿನಿಯರ ಸಂಖ್ಯೆಯು ತೀರಾ ಅಲ್ಪಪ್ರಮಾಣದಲ್ಲಿತ್ತು (ಶೇಕಡಾ 3ಕ್ಕಿಂತ ಕಡಿಮೆ).[196][197][198] 1993 ಮತ್ತು 2009ರ ನಡುವೆ, ಮಹಿಳೆಯರ ಅನುಪಾತವು ಸ್ನಾತಕಪೂರ್ವ ವಿದ್ಯಾರ್ಥಿಗಳ ಪೈಕಿ ಶೇಕಡಾ 34ರಿಂದ ಶೇಕಡಾ 45ಕ್ಕೂ ಮತ್ತು ಪದವೀಧರ ವಿದ್ಯಾರ್ಥಿಗಳ ಪೈಕಿ ಶೇಕಡಾ 20ರಿಂದ ಶೇಕಡಾ 31ಕ್ಕೂ ಏರಿಕೆ ಕಂಡಿತು.[4][191][199][200] ಪ್ರಸ್ತುತ ಮಹಿಳೆಯರು ಜೀವಶಾಸ್ತ್ರ, ಮಿದುಳು & ಅರಿವಿನ ವಿಜ್ಞಾನಗಳು, ವಾಸ್ತುಶಿಲ್ಪಶಾಸ್ತ್ರ, ನಗರ ಯೋಜನೆ, ಮತ್ತು ಜೈವಿಕ ಎಂಜಿನಿಯರಿಂಗ್ ವಿಷಯಗಳಲ್ಲಿ ಪುರುಷರಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ.[4] 1990ರ ದಶಕದ ಅಂತ್ಯದಲ್ಲಿ ಹಾಗೂ 2000ದ ದಶಕದ ಆರಂಭದಲ್ಲಿ ಕಂಡು ಬಂದ ಹಲವು ವಿದ್ಯಾರ್ಥಿಗಳ ಸಾವುಗಳು MITಯ ಸಂಸ್ಕೃತಿ ಹಾಗೂ ವಿದ್ಯಾರ್ಥಿ ಜೀವನದ ಕಡೆಗೆ ಮಾಧ್ಯಮಗಳು ಗಣನೀಯವಾದ ಗಮನಹರಿಸಲು ಕಾರಣವಾದವು.[201][202] ಫಿ ಗಾಮಾ ಡೆಲ್ಟಾ ಪುರುಷ ವಿದ್ಯಾರ್ಥಿ ಸಂಘದಲ್ಲಿ[203] ಓರ್ವ ಹೊಸ ಸದಸ್ಯನಾಗಿ ಸೇರಿಕೊಂಡಿದ್ದ ಸ್ಕಾಟ್ ಕ್ರುಯೆಗರ್ ಎಂಬಾತನ ಮದ್ಯವ್ಯಸನ-ಸಂಬಂಧಿತ ಸಾವು 1997ರ ಸೆಪ್ಟೆಂಬರ್ನಲ್ಲಿ ಸಂಭವಿಸಿದ ನಂತರ, ಎಲ್ಲಾ ಹೊಸ ವಿದ್ಯಾರ್ಥಿಗಳೂ ವಿದ್ಯಾರ್ಥಿ ನಿಲಯದ ವ್ಯವಸ್ಥೆಯಲ್ಲೇ ಉಳಿಯುವುದು ಕಡ್ಡಾಯವೆಂದು MITಯು ಆದೇಶಿಸಲು ಪ್ರಾರಂಭಿಸಿತು.[203][204] 2000ರಲ್ಲಿ ಸಂಭವಿಸಿದ ಎಲಿಝಬೆತ್ ಷಿನ್ ಎಂಬ MIT ಸ್ನಾತಕಪೂರ್ವ ವಿದ್ಯಾರ್ಥಿಯ ಸಾವು , MITಯಲ್ಲಿನ ಆತ್ಮಹತ್ಯಾ ಪ್ರಕರಣಗಳೆಡೆಗೆ ಗಮನಸೆಳೆಯಿತು ಮತ್ತು MITಯು ಅಸಾಮಾನ್ಯವಾಗಿ ಹೆಚ್ಚಿರುವ ಆತ್ಮಹತ್ಯಾ ಪ್ರಮಾಣವನ್ನೇನಾದರೂ ಹೊಂದಿತ್ತೇ ಎಂಬ ಬಗ್ಗೆ ಒಂದು ವಿವಾದವನ್ನೇ ಸೃಷ್ಟಿಸಿತು.[205][206] 2001ರ ಅಂತ್ಯದ ವೇಳೆಗೆ ವಿದ್ಯಾರ್ಥಿ ಮಾನಸಿಕ ಆರೋಗ್ಯ ಸೇವೆಗಳಲ್ಲಿನ ವಿಶೇಷ ಕಾರ್ಯತಂಡದ ಶಿಫಾರಿತ ಸುಧಾರಣೆಗಳು ಅನುಷ್ಠಾನಗೊಳಿಸಲ್ಪಟ್ಟವು;[207][208] ಮಾನಸಿಕ ಆರೋಗ್ಯ ಕೇಂದ್ರದಲ್ಲಿ ಸಿಬ್ಬಂದಿ ಮತ್ತು ಕಾರ್ಯನಿರ್ವಹಣಾ ಅವಧಿಗಳನ್ನು ವಿಸ್ತರಿಸುವ ಅಂಶವೂ ಇದರಲ್ಲಿ ಸೇರಿತ್ತು.[209] ಇವು ಮತ್ತು ನಂತರದ ಸಂದರ್ಭಗಳು ಹೆಚ್ಚಿನ ಪ್ರಾಮುಖ್ಯತೆಯನ್ನೂ ಗಳಿಸಿದ್ದವು. ಏಕೆಂದರೆ ಹೆತ್ತವರ ಸ್ಥಾನದಲ್ಲಿ ರುವ (ಇನ್ ಲೋಕೋ ಪೇರೆಂಟಿಸ್) ವಿಶ್ವವಿದ್ಯಾಲಯದ ಆಡಳಿತಗಾರರ ಉದಾಸೀನತೆ ಮತ್ತು ಹೊಣೆಗಾರಿಕೆಯನ್ನು ಸಾಬೀತುಮಾಡಲು ಅವು ಪ್ರಯತ್ನಿಸುತ್ತಿದ್ದವು.[205]
ಬೋಧನಾ ವಿಭಾಗದಲ್ಲಿ MITಯು 1,009 ಸದಸ್ಯರನ್ನು ಹೊಂದಿದ್ದು ಅವರ ಪೈಕಿ 198 ಮಹಿಳೆಯರಿದ್ದಾರೆ.[3] ತರಗತಿಗಳಲ್ಲಿ ಉಪನ್ಯಾಸ ನೀಡುವುದು, ಪದವೀಧರ ಮತ್ತು ಸ್ನಾತಕಪೂರ್ವ ವಿದ್ಯಾರ್ಥಿಗಳಿಬ್ಬರಿಗೂ ಸಲಹೆ-ಸೂಚನೆಗಳನ್ನು ನೀಡುವುದು, ಮತ್ತು ಶೈಕ್ಷಣಿಕ ಸಮಿತಿಗಳಲ್ಲಿ ತೊಡಗಿಸಿಕೊಳ್ಳುವುದಷ್ಟೇ ಅಲ್ಲದೇ, ಮೂಲಭೂತ ಸಂಶೋಧನೆಗಳನ್ನು ಕೈಗೆತ್ತಿಕೊಳ್ಳುವುದು- ಇವೇ ಮೊದಲಾದ ಕಾರ್ಯಚಟುವಟಿಕೆಗಳಿಗೆ ಬೋಧನಾ ವಿಭಾಗದ ಸದಸ್ಯರು ಜವಾಬ್ದಾರರಾಗಿರುತ್ತಾರೆ. 1964 ಮತ್ತು 2009ರ ನಡುವೆ, MITಯೊಂದಿಗೆ ಗುರುತಿಸಿಕೊಂಡಿದ್ದ ಬೋಧನಾ ವಿಭಾಗ ಮತ್ತು ಸಿಬ್ಬಂದಿ ವಿಭಾಗದ ಒಟ್ಟು 17 ಸದಸ್ಯರು ನೊಬೆಲ್ ಪ್ರಶಸ್ತಿಗಳಿಗೆ ಪಾತ್ರರಾದರು (ಅವುಗಳ ಪೈಕಿ 14 ಪ್ರಶಸ್ತಿಗಳು ಕಳೆದ ಕಾಲು ಶತಮಾನದ ಅವಧಿಯಲ್ಲಿ ಲಭಿಸಿವೆ).[210] ಹಿಂದಿದ್ದ ಅಥವಾ ಈಗಿರುವ MIT ಬೋಧನಾ ವಿಭಾಗದ ಸದಸ್ಯರು ಒಟ್ಟಾರೆಯಾಗಿ 27 ನೊಬೆಲ್ ಪ್ರಶಸ್ತಿಗಳನ್ನು ಗೆದ್ದಿದ್ದು, ಅವುಗಳಲ್ಲಿ ಬಹುಪಾಲು ಅರ್ಥಶಾಸ್ತ್ರ ಅಥವಾ ಭೌತಶಾಸ್ತ್ರಕ್ಕೆ ಸಂಬಂಧಿಸಿದವಾಗಿವೆ.[211] ಪ್ರಸಕ್ತ ಬೋಧನಾ ವಿಭಾಗ ಮತ್ತು ಶಿಕ್ಷಕ ಸಿಬ್ಬಂದಿ ವರ್ಗದ ಪೈಕಿ, 80 ಗಗೆನ್ಹೇಮ್ ಫೆಲೋಗಳು, 6 ಫುಲ್ಬ್ರೈಟ್ ವಿದ್ವಾಂಸರು, ಮತ್ತು 29 ಮ್ಯಾಕ್ಅರ್ಥರ್ ಫೆಲೊಗಳಿದ್ದಾರೆ.[3] ತಮ್ಮ ಸಂಶೋಧನಾ ಕ್ಷೇತ್ರಕ್ಕಷ್ಟೇ ಅಲ್ಲದೇ MIT ಸಮುದಾಯಕ್ಕೂ ಅಸಾಮಾನ್ಯವಾದ ಕೊಡುಗೆಗಳನ್ನು ಸಲ್ಲಿಸಿರುವ ಬೋಧನಾ ವಿಭಾಗದ ಸದಸ್ಯರು, ತಮ್ಮ ಸೇವಾವಧಿಗಳ ಉಳಿದ ಭಾಗಕ್ಕಾಗಿ ಅಲ್ಪಾವಧಿ ತರಬೇತಿಯ ಪ್ರಾಧ್ಯಾಪಕರೆಂಬ ನೇಮಕಾತಿಗಳನ್ನು ಪಡೆದುಕೊಂಡಿದ್ದಾರೆ. ಸಂಸ್ಥೆಯ ವಿಜ್ಞಾನದ ಕಾಲೇಜಿನಲ್ಲಿ, ಮಹಿಳಾ ಬೋಧನಾ ವಿಭಾಗಕ್ಕೆ ಪ್ರತಿಯಾಗಿ ಒಂದು ವ್ಯಾಪಕವಾದ ಪೂರ್ವಾಗ್ರಹವು ಅಸ್ತಿತ್ವದಲ್ಲಿದೆ ಎಂದು 1998ರಲ್ಲಿ ನಡೆಸಲಾದ MITಯ ಅಧ್ಯಯನವೊಂದು ತೀರ್ಮಾನಕ್ಕೆ ಬಂದಿತಾದರೂ,[212] ಸದರಿ ಅಧ್ಯಯನದ ವಿಧಾನಗಳು ವಿವಾದಾತ್ಮಕವಾಗಿದ್ದವು (ಸ್ವತಃ ತನ್ನ ವಿರುದ್ಧವೇ ಪೂರ್ವಾಗ್ರಹವು ವ್ಯಕ್ತವಾಗಿದೆ ಎಂದು ಸಮರ್ಥಿಸಿದ್ದ ಓರ್ವ ಸದಸ್ಯೆಯಿಂದ ಈ ಅಧ್ಯಯನವು ನಡೆಸಲ್ಪಟ್ಟಿತ್ತು; ಈ ಅಧ್ಯಯನವು ಸಮಾನ ಸ್ಕಂಧರಿಂದ ಮಾಡಲ್ಪಟ್ಟಿರಲಿಲ್ಲ, ಮತ್ತು ನಂತರದ ಅಧ್ಯಯನಗಳಿಂದ ಇದಕ್ಕೆ ಬೆಂಬಲ ಸಿಗಲಿಲ್ಲ).[g] ಅಧ್ಯಯನವು ಬಂದಾಗಿನಿಂದ, ವಿಜ್ಞಾನ ಮತ್ತು ಎಂಜಿನಿಯರಿಂಗ್ ಶಾಲೆಗಳೊಳಗಿನ ವಿಭಾಗಗಳ ನೇತೃತ್ವವನ್ನು ಮಹಿಳೆಯರು ವಹಿಸಿದ್ದರಾದರೂ, ಮತ್ತು ಐದು ಮಹಿಳಾ ಉಪಾಧ್ಯಕ್ಷರನ್ನು[199] MITಯು ನೇಮಿಸಿದೆಯಾದರೂ ಲಿಂಗ ಭೇದಭಾವ ಅಥವಾ ಸ್ತ್ರೀಯರ ವಿರುದ್ಧ ತೋರುವ ಪೂರ್ವಾಗ್ರಹದ ಕುರಿತಾದ ಆರೋಪಗಳು ಕಂಡುಬರುತ್ತಲೇ ಇವೆ.[213] ಸುಸಾನ್ ಹಾಕ್ಫೀಲ್ಡ್ ಎಂಬ ಓರ್ವ ಆಣ್ವಿಕ ನರಜೀವವಿಜ್ಞಾನಿಯು 2004ರಲ್ಲಿ MITಯ 16ನೇ ಅಧ್ಯಕ್ಷರಾಗುವ ಮೂಲಕ ಆ ಹುದ್ದೆಯನ್ನು ಅಲಂಕರಿಸಿದ ಮೊದಲ ಮಹಿಳೆ ಎನಿಸಿಕೊಂಡಿದ್ದಾರೆ. ಅಧಿಕಾರಾವಧಿಯಲ್ಲಿನ ಫಲಿತಾಂಶಗಳಿಂದಾಗಿ MITಯು ಹಲವಾರು ಸಂದರ್ಭಗಳಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ವ್ಯಾಪಕ ಪ್ರಚಾರವನ್ನು ಗಿಟ್ಟಿಸಿಕೊಂಡಿದೆ. ಡೇವಿಡ್ F. ನೋಬಲ್ ಎಂಬ ತಂತ್ರಜ್ಞಾನದ ಚರಿತ್ರಕಾರನೊಬ್ಬನನ್ನು 1984ರಲ್ಲಿ ವಜಾಗೊಳಿಸಿದ್ದು, ಒಂದು ವ್ಯಾಪಕ ಪ್ರಚಾರದ ಕಾರಣ ವಾಗಿ (ಕಾಸ್ ಸೆಲೆಬ್ರೆ-cause célèbre) ಮಾರ್ಪಟ್ಟಿತು. ಇದರ ಪ್ರಭಾವ ಎಷ್ಟಿತ್ತೆಂದರೆ, ಸಂಸ್ಥೆಗಳು ಮತ್ತು ಸೇನೆಯಿಂದ ಬರುವ ಹಣಕಾಸಿನ ಬೆಂಬಲವನ್ನು ನೆಚ್ಚಿಕೊಂಡಿರುವ MITಯ ಮತ್ತು ಇತರ ಸಂಶೋಧನೆ ವಿಶ್ವವಿದ್ಯಾಲಯಗಳ ತಪ್ಪುಹುಡುಕುವುದನ್ನು ಒಳಗೊಂಡ ಹಲವಾರು ಪುಸ್ತಕಗಳು ಮತ್ತು ವರದಿಗಳನ್ನು ಆತ ಪ್ರಕಟಿಸಿದ ನಂತರ ವಿದ್ವಾಂಸರಿಗೆ ವಾಕ್ಸ್ವಾತಂತ್ರ್ಯವನ್ನು ನೀಡುವಷ್ಟರ ಮಟ್ಟಿಗೆ ಇದು ತಲುಪಿತು.[214] ಲಿಂಗತಾರತಮ್ಯದ ಕಾರಣದಿಂದಾಗಿ ತನಗೆ ಸೇವಾವಧಿಯನ್ನು ನಿರಾಕರಿಸಲಾಯಿತು ಎಂದು ಆಪಾದಿಸಿದ ಗ್ರೆಚೆನ್ ಕಲೊಂಜಿ ಎಂಬ ವಸ್ತುಕಗಳ ವಿಜ್ಞಾನ ವಿಭಾಗದ ಹಿಂದಿನ ಪ್ರಾಧ್ಯಾಪಕಿಯು, 1994ರಲ್ಲಿ MITಯ ವಿರುದ್ಧ ದಾವೆ ಹೂಡಿದಳು.[213][215] 1997ರಲ್ಲಿ, ಮ್ಯಾಸಚೂಸೆಟ್ಸ್ ಕಮೀಷನ್ ಎಗೇನ್ಸ್ಟ್ ಡಿಸ್ಕ್ರಿಮಿನೇಷನ್ ಘಟಕವು ಲಿಂಗತಾರತಮ್ಯದ ಕುರಿತಾಗಿ ಜೇಮ್ಸ್ ಜೆನ್ನಿಂಗ್ಸ್ ಮಾಡಿದ ಆರೋಪಗಳನ್ನು ಬೆಂಬಲಿಸುವ ಒಂದು ಸಂಭವನೀಯ ಸಮರ್ಥನೆಯನ್ನು ನೀಡಿತು. ನಗರ ಪ್ರದೇಶದ ಅಧ್ಯಯನಗಳು ಹಾಗೂ ಯೋಜನಾ ಇಲಾಖೆಯಲ್ಲಿನ ಹಿರಿಯ ಬೋಧನಾ ವಿಭಾಗದ ಪರಿಶೋಧನಾ ಸಮಿತಿಯು ಆತನಿಗೆ ಬದಲಿ ಸೇವಾವಧಿಯನ್ನು ನೀಡದಿರುವುದು ಗಮನಕ್ಕೆ ಬಂದ ನಂತರ ಅದು ಈ ಸಮರ್ಥನೆಯನ್ನು ನೀಡಿತು.[216] 2006–2007ರಲ್ಲಿ, ಅಮೆರಿಕಾದ ನೀಗ್ರೋ ಸಮುದಾಯದಕ್ಕೆ ಸೇರಿದ ಜೇಮ್ಸ್ ಷೆರ್ಲಿ ಎಂಬ ಜೈವಿಕ ಎಂಜಿನಿಯರಿಂಗ್ ಪ್ರಾಧ್ಯಾಪಕನೊಬ್ಬನಿಗೆ MITಯು ಸೇವಾವಧಿಯನ್ನು ನಿರಾಕರಿಸಿದ್ದು ಅಧಿಕಾರಾವಧಿಯ ಪ್ರಕ್ರಿಯೆಯಲ್ಲಿನ ವರ್ಣಭೇದ ನೀತಿಯ ಆರೋಪಗಳನ್ನು ಮತ್ತೊಮ್ಮೆ ಪ್ರಚೋದಿಸಿತು. ಅಂತಿಮವಾಗಿ ಇದು ಆಡಳಿತವರ್ಗದೊಂದಿಗಿನ ಒಂದು ಸುದೀರ್ಘ ಸಾರ್ವಜನಿಕ ವಿವಾದ, ಒಂದು ಸಂಕ್ಷಿಪ್ತ ಉಪವಾಸ ಮುಷ್ಕರ, ಮತ್ತು ಪ್ರಾಧ್ಯಾಪಕ ಫ್ರಾಂಕ್ L. ಡೊಗ್ಲಸ್ರ ರಾಜೀನಾಮೆ ಇವೇ ಮೊದಲಾದ ವಿದ್ಯಮಾನಗಳಿಗೆ ಕಾರಣವಾಯಿತು.[217][218] MIT ಬೋಧನಾ ವಿಭಾಗದ ಸದಸ್ಯರು ಇತರ ಕಾಲೇಜುಗಳು ಮತ್ತು ವಿಶ್ವವಿದ್ಯಾಲಯಗಳ ನೇತೃತ್ವವನ್ನು ವಹಿಸಲು ಹಲವು ಸಂದರ್ಭಗಳಲ್ಲಿ ನೇಮಕಗೊಂಡಿದ್ದಾರೆ; ಹಿಂದಿನ ಮುಖ್ಯಾಧಿಕಾರಿಯಾದ ರಾಬರ್ಟ್ A. ಬ್ರೌನ್ ಬಾಸ್ಟನ್ ವಿಶ್ವವಿದ್ಯಾಲಯದ ಅಧ್ಯಕ್ಷರಾಗಿದ್ದಾರೆ, ಹಿಂದಿನ ಮುಖ್ಯಾಧಿಕಾರಿಯಾದ ಮಾರ್ಕ್ ರೈಟನ್ ಸೇಂಟ್ ಲೂಯೀಸ್ನಲ್ಲಿನ ವಾಷಿಂಗ್ಟನ್ ವಿಶ್ವವಿದ್ಯಾಲಯದ ಕುಲಪತಿಯಾಗಿದ್ದಾರೆ, ಹಿಂದಿನ ಸಹಾಯಕ ಮುಖ್ಯಾಧಿಕಾರಿ ಅಲೈಸ್ ಗಾಸ್ಟ್ ಲೀಹೈ ವಿಶ್ವವಿದ್ಯಾಲಯದ ಅಧ್ಯಕ್ಷರಾಗಿದ್ದಾರೆ, ಸ್ಕೂಲ್ ಆಫ್ ಸೈನ್ಸ್ನ ಹಿಂದಿನ ಮುಖ್ಯಾಧಿಕಾರಿ ರಾಬರ್ಟ್ J. ಬರ್ಗಿನ್ಯೂ ಬರ್ಕ್ಲೀಯಲ್ಲಿನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದ ಕುಲಪತಿಯಾಗಿದ್ದಾರೆ, ಮತ್ತು ಹಿಂದಿನ ಪ್ರಾಧ್ಯಾಪಕ ಡೇವಿಡ್ ಬಾಲ್ಟಿಮೋರ್ಕ್ಯಾಲ್ಟೆಕ್ನ ಅಧ್ಯಕ್ಷರಾಗಿದ್ದರು. ಇದರ ಜೊತೆಗೆ, ಬೋಧನಾ ವಿಭಾಗದ ಸದಸ್ಯರು ಸರ್ಕಾರಿ ಸಂಸ್ಥೆಗಳ ನೇತೃತ್ವವನ್ನು ವಹಿಸಲು ನೇಮಕಗೊಂಡಿದ್ದಾರೆ; ಉದಾಹರಣೆಗೆ, ಹಿಂದಿನ ಪ್ರಾಧ್ಯಾಪಕ ಮಾರ್ಸಿಯಾ ಮೆಕ್ನಟ್ ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ಭೂವೈಜ್ಞಾನಿಕ ಸಮೀಕ್ಷೆಯ ನಿರ್ದೇಶಕರಾಗಿದ್ದಾರೆ.[219]
MITಯ 110,000ಕ್ಕೂ ಹೆಚ್ಚಿನ ಹಳೆಯ ವಿದ್ಯಾರ್ಥಿಗಳು ಹಾಗೂ ಹಳೆಯ ವಿದ್ಯಾರ್ಥಿನಿಯರಲ್ಲಿ ಅನೇಕರು ವೈಜ್ಞಾನಿಕ ಸಂಶೋಧನೆ, ಸಾರ್ವಜನಿಕ ಸೇವೆ, ಶಿಕ್ಷಣ, ಮತ್ತು ವ್ಯಾಪಾರ-ವ್ಯವಹಾರ ಕ್ಷೇತ್ರದಲ್ಲಿ ಗಮನಾರ್ಹವಾದ ಯಶಸ್ಸನ್ನು ಪಡೆದಿದ್ದಾರೆ. MITಯ ಇಪ್ಪತ್ತೈದು ಹಳೆಯ ವಿದ್ಯಾರ್ಥಿಗಳು ನೊಬೆಲ್ ಪ್ರಶಸ್ತಿಗಳನ್ನು ಗೆದ್ದಿದ್ದು, ನಲವತ್ನಾಲ್ಕು ಮಂದಿ ರೋಡ್ಸ್ ಸ್ಕಾಲರ್ಗಳೆಂದು ಆಯ್ಕೆಯಾಗಿದ್ದಾರೆ, ಮತ್ತು ಐವತ್ತೈದಿ ಮಂದಿ ಮಾರ್ಷಲ್ ವಿದ್ವಾಂಸರೆಂದು ಆಯ್ಕೆಯಾಗಿದ್ದಾರೆ.[220] ಪ್ರಸಕ್ತವಾಗಿ, ಅಮೆರಿಕಾದ ರಾಜಕೀಯ ಕ್ಷೇತ್ರ ಹಾಗೂ ಸಾರ್ವಜನಿಕ ಸೇವೆಯಲ್ಲಿರುವ ಹಳೆಯ ವಿದ್ಯಾರ್ಥಿಗಳಲ್ಲಿ ಈ ಕೆಳಗಿನವರು ಸೇರಿದ್ದಾರೆ: ಫೆಡರಲ್ ಸರ್ವೀಸ್ನ ಅಧ್ಯಕ್ಷ ಬೆನ್ ಬೆರ್ನಾನ್ಕೆ, MA-1 ಪ್ರತಿನಿಧಿ ಜಾನ್ ಓಲ್ವರ್, CA-13 ಪ್ರತಿನಿಧಿ ಪೀಟ್ ಸ್ಟಾರ್ಕ್, ರಾಷ್ಟ್ರೀಯ ಆರ್ಥಿಕ ಮಂಡಲಿಯ ಅಧ್ಯಕ್ಷ ಲಾರೆನ್ಸ್ H. ಸಮ್ಮರ್ಸ್, ಅರ್ಥಿಕ ಸಲಹೆಗಾರರ ಮಂಡಲಿಯ ಅಧ್ಯಕ್ಷೆ ಕ್ರಿಸ್ಟಿನಾ ರೋಮರ್, ಶ್ವೇತಭವನದ ಆಡಳಿತ ಮತ್ತು ಆಯವ್ಯಯ ಕಚೇರಿಯ ಸಹಾಯಕ ನಿರ್ದೇಶಕ ಕ್ಸೇವಿಯರ್ ಡಿ ಸೌಜಾ ಬ್ರಿಗ್ಸ್, ಮತ್ತು ವಿಜ್ಞಾನ ಮತ್ತು ತಂತ್ರಜ್ಞಾನದ ಕುರಿತಾದ ಅಧ್ಯಕ್ಷರ ಸಲಹೆಗಾರರ ಮಂಡಲಿಯ ಉಪಾಧ್ಯಕ್ಷ ಎರಿಕ್ ಲ್ಯಾಂಡರ್. ಅಂತರರಾಷ್ಟ್ರೀಯ ರಾಜಕೀಯ ಕ್ಷೇತ್ರದಲ್ಲಿರುವ MIT ಹಳೆಯ ವಿದ್ಯಾರ್ಥಿಗಳಲ್ಲಿ ಈ ಕೆಳಗಿನವರು ಸೇರಿದ್ದಾರೆ: ಬ್ರಿಟಿಷ್ ವಿದೇಶಾಂಗ ಸಚಿವ ಡೇವಿಡ್ ಮಿಲಿಬ್ಯಾಂಡ್, ಹಿಂದಿನ U.N. ಪ್ರಧಾನ ಕಾರ್ಯದರ್ಶಿ ಕೋಫಿ ಅನ್ನಾನ್, ಹಿಂದಿನ ಇರಾಕಿನ ಉಪ-ಪ್ರಧಾನಮಂತ್ರಿ ಅಹ್ಮದ್ ಚಲಾಬಿ, ಮತ್ತು ಇಸ್ರೇಲಿ ಪ್ರಧಾನ ಮಂತ್ರಿ ಬೆಂಜಮಿನ್ ನೇತನ್ಯಾಹು.MIT ಹಳೆಯ ವಿದ್ಯಾರ್ಥಿಗಳು ಅನೇಕ ಸುಪ್ರಸಿದ್ಧ ಕಂಪನಿಗಳನ್ನು ಸ್ಥಾಪಿಸಿದ್ದಾರೆ ಅಥವಾ ಅವುಗಳ ಸಹ-ಸಂಸ್ಥಾಪಕರಾಗಿದ್ದಾರೆ. ಅಂಥ ಕೆಲವು ಕಂಪನಿಗಳೆಂದರೆ: ಇಂಟೆಲ್, ಮೆಕ್ಡೊನ್ನೆಲ್ ಡೋಗ್ಲಸ್, ಟೆಕ್ಸಾಸ್ ಇನ್ಸ್ಟ್ರುಮೆಂಟ್ಸ್, 3ಕಾಮ್, ಕ್ವಾಲ್ಕಾಮ್, ಬೋಸ್, ರೇಥಿಯಾನ್, ಕೋಚ್ ಇಂಡಸ್ಟ್ರೀಸ್, ರಾಕ್ವೆಲ್ ಇಂಟರ್ನ್ಯಾಷನಲ್, ಜೀನ್ಟೆಕ್, ಮತ್ತು ಕ್ಯಾಂಪ್ಬೆಲ್ ಸೂಪ್. ವಾರ್ಷಿಕ ವಾಣಿಜ್ಯೋದ್ಯಮದ ಸ್ಪರ್ಧೆಯು 85ಕ್ಕೂ ಹೆಚ್ಚಿನ ಕಂಪನಿಗಳು ಹುಟ್ಟಿಕೊಳ್ಳುವುದಕ್ಕೆ ಕಾರಣವಾಗಿದ್ದು, ಈ ಕಂಪನಿಗಳು ಒಟ್ಟಾರೆಯಾಗಿ 2,500 ಉದ್ಯೋಗಾವಕಾಶಗಳನ್ನು ಸೃಷ್ಟಿಸಿವೆ, 600 ದಶಲಕ್ಷ $ನಷ್ಟು ಹಣವನ್ನು ಸಾಹಸೋದ್ಯಮ ಬಂಡವಾಳದ ಹೂಡಿಕೆಯಲ್ಲಿ ಸ್ವೀಕರಿಸಿದೆ, ಮತ್ತು 10 ಶತಕೋಟಿ $ಗೂ ಹೆಚ್ಚಿನ ಒಂದು ಮಾರುಕಟ್ಟೆ ಬಂಡವಾಳೀಕರಣವನ್ನು ಹೊಂದಿವೆ.[221] A 2009ರ ಅಧ್ಯಯನವೊಂದು ಪ್ರತಿಪಾದಿಸಿರುವ ಪ್ರಕಾರ, MIT ಅಂಗಸಂಸ್ಥೆಗಳಿಂದ ಸ್ಥಾಪಿಸಲ್ಪಟ್ಟಿರುವ ಕಂಪನಿಗಳ ಸಂಯೋಜಿತ ಆದಾಯಗಳು ಅವನ್ನು ವಿಶ್ವದಲ್ಲಿನ ಹದಿನೇಳನೇ ಅತಿದೊಡ್ಡ ಆರ್ಥಿಕ ವ್ಯವಸ್ಥೆಯನ್ನಾಗಿಸಿದೆ.[11] MITಯ ಹಳೆಯ ವಿದ್ಯಾರ್ಥಿಗಳ ನೇತೃತ್ವದಲ್ಲಿ ನಡೆಸಲ್ಪಡುತ್ತಿರುವ ಪ್ರಖ್ಯಾತ ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ಈ ಕೆಳಗಿನವು ಸೇರಿವೆ:ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ ವ್ಯವಸ್ಥೆ, ಹಾರ್ವರ್ಡ್ ವಿಶ್ವವಿದ್ಯಾಲಯ, ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯ, ಕಾರ್ನೆಗಿ ಮೆಲ್ಲನ್ ವಿಶ್ವವಿದ್ಯಾಲಯ, ಟಫ್ಟ್ಸ್ ವಿಶ್ವವಿದ್ಯಾಲಯ, ರೋಚೆಸ್ಟರ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ, ಈಶಾನ್ಯ ವಿಶ್ವವಿದ್ಯಾಲಯ, ರೆನ್ಸ್ಸೀಲೇರ್ ಪಾಲಿಟೆಕ್ನಿಕ್ ಇನ್ಸ್ಟಿಟ್ಯೂಟ್, ಟೆಕ್ನೊಲೊಜಿಕೊ ಡಿ ಮಾಂಟೆರ್ರೆ, ಪರ್ಡ್ಯೂ ವಿಶ್ವವಿದ್ಯಾಲಯ, ಮತ್ತು ವರ್ಜೀನಿಯಾ ಟೆಕ್.ಅಮೆರಿಕಾ ಸಂಯುಕ್ತ ಸಂಸ್ಥಾನಗಳ ಮಾನವ ಚಾಲಿತ ಅಂತರಿಕ್ಷ ಯಾನಗಳ ಪೈಕಿ ಮೂರನೇ ಒಂದಕ್ಕಿಂತ ಹೆಚ್ಚು ಭಾಗವು MITಯಲ್ಲಿ ಶಿಕ್ಷಣ ಪಡೆದ ಗಗನಯಾತ್ರಿಗಳನ್ನು (ಅವರ ಪೈಕಿ ಅಪೊಲೊ 11 ಚಂದ್ರ-ಸಂಪುಟದ ವಿಮಾನಚಾಲಕ ಬಝ್ ಆಲ್ಡ್ರಿನ್ ಸೇರಿದ್ದಾನೆ) ಒಳಗೊಂಡಿದೆ. ಇದು ಯುನೈಟೆಡ್ ಸ್ಟೇಟ್ಸ್ ಸರ್ವೀಸ್ ಅಕೆಡೆಮೀಸ್ನ್ನು ಹೊರತುಪಡಿಸಿ ಬೇರಾವುದೇ ವಿಶ್ವವಿದ್ಯಾಲಯಕ್ಕಿಂತ ಹೆಚ್ಚಿನ ಪ್ರಮಾಣದ್ದು ಎನ್ನಬಹುದು.[222] ವಿಜ್ಞಾನೇತರ ಕ್ಷೇತ್ರಗಳಲ್ಲಿನ ಪ್ರಖ್ಯಾತ ಹಳೆಯ ವಿದ್ಯಾರ್ಥಿಗಳಲ್ಲಿ ಈ ಕೆಳಗಿನವರು ಸೇರಿದ್ದಾರೆ: ಡಾಕ್ಟರ್ ಡೋಲಿಟ್ಲ್ ಲೇಖಕ ಹ್ಯೂಜ್ ಲೋಫ್ಟಿಂಗ್,[515] ಬಾಸ್ಟನ್ ಗಿಟಾರ್ ವಾದಕ ಟಾಮ್ ಸ್ಕೊಲ್ಝ್, ದಿ ನ್ಯೂಯಾರ್ಕ್ ಟೈಮ್ಸ್ ಅಂಕಣಕಾರ ಪಾಲ್ ಕ್ರಗ್ಮನ್, ದಿ ಬೆಲ್ ಕರ್ವ್ ಲೇಖಕ ಚಾರ್ಲ್ಸ್ ಮರ್ರೆ, ಅಮೆರಿಕ ಸಂಯುಕ್ತ ಸಂಸ್ಥಾನಗಳ ಸರ್ವೋಚ್ಚ ನ್ಯಾಯಾಲಯ ಕಟ್ಟಡದ ವಾಸ್ತುಶಿಲ್ಪಿ ಕ್ಯಾಸ್ ಗಿಲ್ಬರ್ಟ್, ಮತ್ತು ಪ್ರಿಟ್ಜ್ಕರ್ ಬಹುಮಾನ-ಗೆದ್ದ ವಾಸ್ತುಶಿಲ್ಪಿ I.M. ಪೀ ಮತ್ತು ಗೋರ್ಡಾನ್ ಬನ್ಶಾಫ್ಟ್.
'ಕಡುಗೆಂಪು ಮತ್ತು ಉಕ್ಕಿನ ಬೂದುಬಣ್ಣ'ವನ್ನು ನಾವು ಶಿಫಾರಸು ಮಾಡಿದೆವು." (ಆಲ್ಫ್ರೆಡ್ T. ವೈಟ್, ಶಾಲೆಯ ಬಣ್ಣದ ಸಮಿತಿಯ ಅಧ್ಯಕ್ಷ, 1879ರ ತರಗತಿ) [223]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.