Азербайджан

Азербайджан Республика (азер. Azərbaycan Respublikası) — Къыбыла Кавказны кюнчыгъыш кесегинде, Каспий тенгизни къыбыла-кюнбатыш джагъасында орналгъан къралды.

Азербайджан Республика

Azərbaycan Respublikası

Азербайджанны байрагъы

Азербайджанны герби

Азербайджанны картасы

Девиз	Odlar Yurdu («Отланы Джурту»)
Гимн	Azərbaycan Marşı («Азербайджанны маршы»)

Административ билги

Оноу формасы	Республика
Президент Премьер-министр	Ильхам Алиев Артур Расизаде
Тил(лер)и	Азербайджан тил
Ара шахары	Баку 40.383333, 49.83333340°23′ N 49°50′ E40.383333° N 49.833333° E (G) (O)

География билги

Уллу шахар(лар)ы	Баку, Гянджа, Сумгаит, Ленкорань
Бютеу территориясы	86 600 км2 (дунияда 111-чи)
Сууну юсю	1,6 %
Сагъат бёлгеси	+4

Тарих билги

Эркинлиги	28 май 1918 (СССР-ден: 18 октябрь 1991)

Демография билги

Бютеу халкъы (2011)	9 164 600[1] адам (дунияда 89-чи)
Къалынлыгъы	105,8 адам/км2

Экономика билги

БИП (номинал) (2011)	$ 94,318 млрд.[2] (76-чи)
БИП (ном.) адам башына	$ 10.340[2]
Валютасы	Азербайджан манат (AZN, код 944)

Башха билги

Домен(лер)и	.az
Телефон коду	+994

тюрлендириу

Къралны ара шахары — Баку. 1918 джылда эки-юч айны ичинде ара шахары Гянджа болгъанды. Азербайджанны территориясында буруннгу (тарихли) къралланы ара шахарлары да бардыла, ала: Габала, Барда, Шемаха эм Нахичевань.

Географиясы

Азербайджанны чеклери барды — Россия (Дагъыстан) эм Гюрджю бла шималда, Эрмения бла кюнбатышда эмда Иран бла къыбылада. Нахичевань Автоном Республиканы — Азербайджанны эксклавыны чеклери барды — Эрмения бла шимал-кюнчыгъышда, Иран бла къыбылада, Тюрк бла кюнбатышда.

Азербайджан Эрменияны кесек территриясын кючлеб турады (Арцвашен эксклав).

Азербайджанны джарым территориясы таула алыб туралла. Шималда — Кавказ таула, орта кесегинде — Кура-Арак алаша джер, къыбыла-кюнчыгъышда — Талыш таула эмда Ленкоран алаша джер, кюнбатышда — Эрмен таула.

Азербайджан Къыбыла Кавказны къралладан майданы бла эм уллу къралды — 86,6 минг км². Шималдан къыбылагъа Азербайджанны узунлугъу 400 км, кюнбатышдан кюнчыгъышгъа — 500 км къатында.

Къралны эм мийик джер - Базардюзю тау (4466 м), эм алаша джер Каспий тенгизде орналады (-28 м). Дуньяда болгъан балчыкъ вулканладан джарымы Азербайджанда орналадыла.

Климаты

Кёппени климат классификациясында 11 климатладан 9-чу Азербайджанда барды.