Hans von Aachen
From Wikipedia, the free encyclopedia
From Wikipedia, the free encyclopedia
Hans von Aachen (* 1552 ä Köllö; † 4. Määz 1615 ä Prag), watt op Ripoaresch met Hans va Oche övversatze weed, woch önö Moler. Hä wood ä völl Länder va Europa bökannd, da hä net mä ä Dütschland, sondern och en dr onaavhängige Staat Bayere, ä Italie un de Tschechei läävde. Hä vordeende si Jeld u. a. als Hoffmöler. Övv Hans öns ä Oche jöwää es, weeß mo net.
At als Kengkveel op, dat Hans jood zeechne kutt. Spiir kräät hä ön Usbeldung als Moler van önö Mann us Antwerpe. Wä dat woch, wood net övverlävverd.
Hä woch jöraad met sing Usbeldung vädich, da trock öt häm no Italie. Sing ischde Tuur jäng no Venedich. Do werkde hä ön kotte Zitt, reisde ävver no knapp ö Joohr wiir no Rom. Do liirde hä anger Künstlere kenne, di häm dozo vorholpe, besser z wääde. Hä vong sing eeje Art, Belder z mole un net mä ösu, wi öt angere Moler vörjoove. Bökannde Künstlere könne och Jeld vordeene uns u fluppde öt Hans, Opdräch a Land z träcke un net mä wi önö ärme Söck z lääve. Dörch önö Opdrach va Francesco I. de’ Medici wood hä zm Hoffmöler.
Sing ischde Belder us Italie zeeje noch döck düstere un bösongisch brung Värve. Dat ändernde sisch ävver en d Joohre un hällere zeechnede sing Belder us. Watt ävver d janze Zitt sing Belder uszeechnede, wore lachende Jösechter. Döck veele dobeij d schlääte Zäng op, di d Lüüh in d Zitt hodde.
1588 trock öt Hans no Bayere. Münche wood ön Zitt lang sing Heemöt. Hä werkde vöör d rische Lüüh wi z. B. Wilhelm V. un d Fugger. Ävver och Altarbelder ä Kerche entstänge. Hä verbesserde sing Technik dörch ön Zösammewerke met onger Möler. In di Zitt vong hä och domet a, Kupfersteche z erstelle.
1592 maade dr Kaiser Rudolf II. häm zm Kammermöler, zwei Joohr spiidr, dat heechd 1594 hoff hä Hans en dr Adelsstand. En dat Joohr hiirode Hans un trock kott dono no Prag.
Hans moolde völl ä Prag un völl Lüüh saare, dat en di Zitt sing beitzde Belder entstange send.
Döck scheckde dr Kaiser häm ävver och dörch d Jäjend, wenn öt daröm jäng, ö paar Jömälde vöör d Sammlung aav z stöbbe. Dr Kaiser traude häm dat zo. Sälv als öt doröm jäng, ön Braut z vänge, mood Hans öra. Hä reisde dörch d Hüüser van dr Adel un moolde do paaßende Vraue. Informatiune, watt di op Sack hand, braad hä nävver d Belder och noch met.
Als Rudolf II. storv, bleed Hans ä Prag beij Rudolfs Brooch, Kaiser Matthias.
Hans storv am 4. Määz 1615 ä Prag.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
