Siebursch eßß en Stadt em Rhingland. Et eßß de Kreijßstadt vum Rhing-Siesch-Kreijß em Südde vun Noodrhing-Weßßfaale. Mer schwaadt heä et Sieburjer Platt.
Jeografische Laach
Siebursch befingk sich op d'r räschte Sigck vum Rhing (och schäl Sigck jenannt), 26km vun Kölle un 10km vun Bonn entfäänt, aan der Ufere vun Agger un Siesch. Siebursch jilt als traditionsbewusste un trotzdämm moderne Stadt. Siebursch hät_e_ne ICE-Bahnhoff (Bahnhof Siegburg/Bonn) aan d'r neuen Iiesebahnstreck Köln–Frankfurt am Main, aan dämm och Regionalzöch un S-Bahne vun d'r ahlen Sieschstreck haale. Siebursch es_en Stadt zom Enkoofe met 'ner besonderen Atmosphär. Dä Stadtkään met singem historische Maatplatz un Jebäude ka_me jot öwerschaue. Bekannt is Siebursch och durch singe mittelalterliche Weihnachtsmaat, beij dämm vür allem mittelalterliche Handwerkskuns zor Schau jestellt witt.
Landschaff
Et Jebiet vun Sieschbursch befingk sich op_e_nem südössliche Ausläufer vun d'r Kölsche Bucht un jrenz em Oste aan die Usslöfer vum Berjische Land, em Südde aan die vum Westerwald und die vum Sibbejebirsch.
Jewässer
Et Stadtjebiet vun Siebursch weed vun d'r Siesch, d'r Agger un dem Wahnbach umflosse. Am Sieschwehr fließt d'r Mühlejrave vun d'r Siesch av, durch de Stadt durch, un op d'r Zang widder in die Siesch zerögg.
D'r Wahnbach speißt zoeets die Wahnbachtalsperr, bevor hä wie die Agger in de Siesch mündet.
Äädkund
Siebursch lit in d'r Niederrheinische Bucht, enem Becke im Norde vum Rheinische Schieferjebirsch. Em drette Äädzickalder hät sich d'r Boddem jesetz, wodurch de Bucht endstande es. Im Oberoligozän hieß et Land unger em Auelgau, et Meer hät bes hinger Bonn jereicht. Im Oligozän sinn die Scheechte vun helljraue bes dunkeljääle Ton entstande, die et für allem in d'r Jäjend öm de Aulgass jit, un die im Meddelalder dat Fundament dozu lääschten, dat Siebursch zu ener bekannte Döppesmächerstadt weede kunnt. Nohdem et Meer dann widder fott wor, han sich he och noch Sand jemengt met Brungkollflötze drop avjelagert. Dat kann mer och janz jot in de Rhing-Terasse (und denne vun de angrenzende Flüss wie Siesch un Agger) sinn.
1000-500 v. Chr. hät et Seedlunge am Rand vum heutije Stadtjebeet jejävve; om Brückberg un em Seidenberg, hät m'r Reste usjejrave.
500 n. Chr. de Franke kumme bes en de Jäjend vun Siebursch.
1060ErzbischofAnno II. von Kölle verdriev dä Pfalzgraf Heinrich vum Siegberg.
1064Anno jründet de Abtei.
1069 Siebursch kritt Maat-, Zoll- un Münzräächte vum KünningHeinrich IV..
1128 Siebursch kritt et Stadtrecht.
1588Kölscher Kreeg: Spanische Truppe belagere Siebursch, han ävver kei Jlöck dobei.
1636 bes 1638Hexeverfolgunge in Siebursch durch Franz Buirmann. (Et jitt 19 vollständje Protokolle vun Hexeprozesse un Prozesfragmente em Nordrhing-Westfälischen Hoopstaatsarchiv en Düsseldorp und em Stadtarchiv Siegburg.
1803 De Benediktiner wäde vum Michelsberg verdrieve.
1816 Siebursch weed Kreisstadt vum neue Kreis Siebursch.
1825 De Kreis Siebursch weed met em Kreis Uckerath zesammejelaat un en Siegkreis ömjenannt.
1829 Mer süht en: am Michelsberg Wing anzebaue ze welle mäht keine Senn.
1862 Eröffnung vun der ieschte Schmalspurbahn Deutschlands, der Bröltalbahn. Nohdäm weggere Sträcke en den Johre bes 1902 jebaut wurden, verbung se zahlreiche Ortschafte zwische Hennef (Sieg), Waldbröl, Beuel, Siebursch un Asbach (Westerwald).
1884 Eröffnung vun der Aggertalbahn, die Siebursch mit däm Bärjische Land verbengk.
1892 kütt et zor Ansiedlung vun staatliche Rüstungsbetriebe en Siebursch, vun der Könichliche Jeschossfabrik Brückberg un däm Könichliche Fürwärkslaboratorium, wo bes zo 20000 Mänsche arbede.
2. Juli1915 De Abtei om Michelsberg witt wedder besiedelt.
1941 Zweite Vertreibung vun dän Benediktinern, desmol durch de Nationalsozialiste.
Zwangsarbeiter wäden em zweite Wältkreech durch de Rheinische Zellwolle AG, Siegburg beschäftich.
Am 10. Aprel1945 witt Siebursch von Soldate der 97. Infanteriedivision der US-Streitkräfte noh zom Deeil hatte Kämfe besätz. Als Bürjermeester witt von den Amerikaner der Deutschamerikaner Eugen Vogel us Siebursch enjesätz.
1945 De Benediktiner kommen us Exil un Kriegsjefangenschaft zeröck.
1957 Et Wachbataillon beim Bundesverteidigungsministerium un et Stabsmusikkorps von der Bundeswehr wäden en der Brückberg-Kaserne en Siebursch stationiert.
Et Siegburger Sommerrendezvous (Mai bes September)
Gymnasie
Gymnasium Alleestroß
Anno-Gymnasium
Realschulen
Humboldt-Realschull
Hauptschulen
Haupschull im Haufeld
Haupschull im Neuenhof
Grundschullen
Kolping-Schull
Grundschull Deichhaus
Grundschull Humperdinckstraße
Nord-Schull
Grundschull Kaldauen
Grundschull Stallberg
Grundschull Wolsdorf
Grundschull op d'r Zang
Anno II. von Kölle (och: Hanno von Kölle, Hanno II. etc.), (* um 1010, † 4. Dezember 1075 in Siegburg), Ääzbischhof von Kölle 1056-1075, Heiliger der katholischen Kirche