Столповский Пётр Митрофанович

Шаблон:Серпасыс абу

Столповский Пётр Митрофанович

Столповский Пётр Митрофанович (1943) — Комиысь роч гижысь, вуджӧдчысь. Пырӧ челядьлы да томуловлы гижысьяслӧн россияса товариществоӧ, Россияса гижысь да журналист котыръясӧ. Коми Республикаса да Россияса культураын нимӧдана уджалысь, Коми Республикаса нимйӧза гижысь.

Олан туй

Пётр Столповский чужӧма 1943 вося косму тӧлысь 10-ӧд лунӧ Красноярск крайса Ачинск карын, кытчӧ сылысь семьясӧ Айму вӧсна Ыджыд тыш кадӧ вӧлі мӧдӧдӧма эвакуацияӧ. Батьыс — М.С. Столповский — журналист, вӧлі репрессируйтӧма. Челядьдырйиыс кольӧма Воронеж обласьтса Улыс Ведуга сиктын – мамыслӧн чужанінас, кытчӧ локтӧмаӧсь немечьясысь сиктсӧ мездӧм бӧрын.

Уджалӧма 15 арӧссянь, босьтӧма стрӧительлысь некымын профессия. Уджавлӧма Сибырын, Шӧр Азияын, Войвылын, Ылі Асыввылын. Журналисталӧма Воронеж обласьтса, Сибырса, Казахстанса, Крымса газетъясын. Куим во служитӧма армияын Байкалсайса степьясын, сынӧд дӧзьӧритан войскаясын, СССР—Китай суйӧрын.

1973 воын локтӧма Сыктывкарӧ, журналисталӧма. 1980 воын помалӧма Коми канмуса педагогика институтысь филология пакультет. Вӧлӧма Коми небӧг лэдзанінын редакторӧн (1983 восянь), директорӧн (1999 восянь).

Гижан удж

Дасьтӧма да йӧзӧдӧма некымын проза небӧг. Роч кыв вылӧ вуджӧдӧма коми литератураысь да фольклорысь гижӧдъяс: В.И. Безносиковӧс, Н.Н. Куратоваӧс, И.И. Белыхӧс. Вуджӧдӧм коми йӧзкостса мойдъяс йӧзӧдӧма «Три стрелы» (1998), «Солнцеликие братья» (2007) да «Доброе слово» (2008) небӧгъясын.

Дасьтывлӧма да редактируйтӧма Коми му йылысь энциклопедияяс, сборникъяс, альманахъяс. «Коми — край далекий и близкий» (2003) сборникысь сылы сетӧма «Моя малая родина» ставроссияса конкурслӧн Диплом да II премия.

«Дай доброты его сердечку» повесьтысь», мый сиӧма войнабӧрся челядьдырйи, Столповскийлы сетӧма челядьлы до томуловлы медбур художествоа гижӧд дасьтӧм вылӧ ставроссияса конкурслысь II премия (1980—1982).

1970 восянь пырӧ СССР-са журналист котырӧ, 1982 восянь — СССР-са гижысь котырӧ.

1999 восянь – наукаяс да искусствояс Петр академияса член-корреспондент.

Редактируйтӧма «Республика Коми» куим тома энциклопедия (1997, 1999, 2000).

Небӧгъяс

Повесьтъяс да висьтъяс

• Про Кешу, рядового князя. — Сыктывкар, 1980.
• Дай доброты его сердечку. — Сыктывкар, 1982.
• Дорога стального цвета. — Сыктывкар, 1984.
• На распутье. Повесть. — М.: Современник, 1985.
• Вдовий клад. — Сыктывкар, 1986.
• Заступник. — Сыктывкар, 1988.
• Саботажники. — Сыктывкар, 1990.
• Одуванчик во Вселенной. — Сыктывкар, 2001.
• Зарубки. — Сыктывкар, 2007.
• Там русский дух (очерки об Усть-Цильме). — Сыктывкар, 2010.
• Повести. — Сыктывкар, 2011.
• Окунь для Вакуля (сборник произведений). 2013.

Научно-популярнӧй уджъяс

• Жеребцов И.Л., Столповский П. М. Рассказы для детей об истории Коми края. — Сыктывкар, 2006.

Вуджӧдчысь

• Коми народные сказки в пересказе на русском Петра Столповского. — Сыктывкар, 1996.
• Три стрелы ( коми народные сказки. — Сыктывкар, 1998.
• Солнцеликие братья (коми народные сказки в литературном изложении на русском Петра Столповского). — Сыктывкар, 2007.
• Доброе слово (коми народные сказки в литературном изложении на русском Петра Столповского). — Сыктывкар, 2008.

Небӧг дасьтысь

• Там, где течет Печора (произведения русских и коми классиков о Коми АССР). — Сыктывкар, 1988.
• Республика Коми. На рубеже веков (фотоальбом). 2001.

Наградаяс

• Коми Республикаса культураын нимӧдана уджалысь (1993)
• Россияса культураын нимӧдана уджалысь
• Коми Республикаса нимйӧза гижысь (2018)^[1]

Ӧшмӧсъяс

• Кулешов А. Сердечная доброта // Москва. 1983. № 6.
• Очирова Т. По-людски // Лит. Россия. 1986, 19 сент.
• Микушев А.К. На таежных просторах. — М., 1986.
• Мирошниченко Н.А. Петр Столповский: [О творчестве писателя] // Молодежь Севера. 1983, 20 февр.
• Демин В. Петр Митрофанович Столповский // Писатели Коми: биоблиографический словарь: В 2 т. — Сыктывкар, 1996. — Т. 2.
• Мартынов В.И. Столповский Петр Митрофанович // Мартынов В.И. Литераторы земли Коми: биобиблиографический словарь-справочник. — Сыктывкар, 2000.
• Коми гижысь котыр
• С.Я. Маршак нима челядьды Коми республикаса небӧгаин