Тӧвся Олимпиада ворсӧмъяс (2014)

Тӧвся Олимпиада ворсӧмъяс (2014) (англичан 2014 Winter Olympics, франсуз Jeux Olympiques d'hiver de 2014, официальнӧй ним 2014 воын Сочиын XXII Тӧвся Олимпиада ворсӧмъяс (2014)) — войтыркостса спорт чукӧртчӧм, коді лоас Сочиын (Россия) 2014 воӧ урасьӧм тӧлысь 7-ӧдзсянь урасьӧм тӧлысь 23-ӧд лунӧдз.

Сочиын XXII Тӧвся Олимпиада ворсӧмъяс. Пошта маркаяс вылын: Гӧрд Полянаын горнолыжнӧй курорт, Сочиын Саридз вокзаллӧн керка, Ахун керӧс, Волконскӧй дольмен. Россияса Пошта блок, 2011

Кар бӧрйӧм

Олимпиада би

Традиция серти, 2013 воӧ Олимпиадалӧн би кытшовтас став Россиянымӧс, волас 83 регионлӧн 2900 овмӧдчанінӧ. Туйыслӧн кузьтаыс 65 сюрс километр, мый Олимпиада историяын кутас лыддьысьны медкузьӧн.

123 лунӧн билы ковмас венны нёль этап. 2013 вося йирым тӧлысь 7 лунӧ Афинъяссянь сійӧ лэбас Москваӧдз. Сэсся машинаӧн волас Шӧр да Рытыв-Войвыв федерал кытшъяслӧн 15 карӧ. Медводдза этапыс шымыртӧ 23 лун да помасьӧ Петыркарын. Мӧд юкӧн дырйи Олипиадалӧн би воас Владивостокӧдз: 30 лунӧн сійӧ кытшовтас 14 кар. Коймӧд кадколастыс лоӧ медся озырӧн: 58 лунӧн биыс волас Россияса 45 карӧ. Бӧръя юкӧн дырйи бисӧ ваясны Элистасянь Сочиӧдз: 12 лунӧн би воӧдчылас 10 карӧ.

Бисӧ нуасны 14 сюрс факелоносец да 30 сюрс сайӧ волонтёр. Таысь кындзи сылы ковмас пуксьывлыны машинаӧ, мунны поездӧн, лэбны самолётӧн, котӧртны вӧвъясӧн да кӧръясӧн. Нӧшта бисӧ лэдзласны Байкал ты пыдӧсӧдз, лэптывласны Эльбрусӧдз, нуласны Войвыв полюсӧ да, мойвиас кӧ, мӧдӧдласны космосӧдз. Россияті кытшовтігӧн би волас уна нималана инӧдз: Яснӧй Полянаӧ, Куршан кӧсаӧдз, Авачин вулканъяс петанінӧ, Кижи музей-заповедникӧ да мукӧдлаӧ.

Факелсӧ вӧчасны Красноярскса машина вӧчан заводын. Ставсӧ вӧчасны 16 сюрс ёрас. Найӧс кутасны нуны нималана спортсменъяс: лызьӧн котралысьяс, биатлонистъяс, хоккеистъяс да уна мукӧд.

Тайӧ биыс ӧтувтас Россияса уна регион, сетас позянлун петкӧдлыны Россияса быд пельӧс, тӧдмӧдас быд регионлӧн аслыспӧлӧслуннас, историянас да татчӧс олысьяскӧд. Би воӧм быдлаын кутасны виччысьны ыджыд гажӧн.

Сыктывкарын Олимпиада би

Файл:Сыктывкар маршрут 2013.11.02 01.jpg

Сыктывкарын Олимпиада билӧн маршрут^[1]

Файл:Сыктывкар маршрут 2013.11.02 02.jpg

Сыктывкарын Олимпиада би нуан расписание

Коми Республикаса юркар Сыктывкарӧ Тӧвся Олимпиада би воис вӧльгым тӧлысь 2-ӧд лунӧ Кардорсянь самолётӧн. Би нуан эстафеталӧн кузьтаыс — 19 километра, би нуисны карлӧн 30 уличаті. Ставнас вӧлі 90 би нуысь, кодъяс вежласисны быд 200 метра мысти.

Би нуисны татшӧм маршрут серти: 1. Аэропорт — 2. Сӧветскӧй ул. — 3. И.А. Куратов ул. — 4. Киров ул. — 5. Горький ул. — 6. Сӧветскӧй ул. — 7. Орджоникидзе ул. — 8. В.И. Ленин ул. — 9. Мездлун ул. — 10. Интернациональнӧй ул. — 11. Энгельс ул. — 12. Печора ул. — 13. Петрозаводскӧй ул. — 14. Тентюков ул. — 15. В.И. Лыткин ул. — 16. Малышев ул. — 17. Октябр шӧртуй (Чкалов, Гӧрд партизан, Н. Оплеснин уличаяс, Сыктывкарса канму университет). — 18. Коммунистическӧй ул. (Старовский ул.) — 19. Кӧрттуй вокзал. — 20. Морозов ул. (Димитров, Станционнӧй уличаяс). — 21. Сыктыв шӧртуй (Марков, Гаражнӧй уличаяс). — 22. Октябр шӧртуй (И.А. Куратов ул.). — 23. Коммунистическӧй ул. (Первомай ул.). — 24. Бабушкин ул. — 25. Интернациональнӧй ул. (ЦУМ бокті) — 26. Пушкин ул. — 27. Ленин ул. — 28. Степан изъэрд.^[2]

Медводдзаӧн аэропортын на би ӧзтіс да факелӧн нуис Коми Республикаса юралысь В.М. Гайзер, мӧдӧн — Сыктывкарса мэр И.А. Поздеев. В.М. Гайзер киын медводдзасяньыс биыс эз ӧзйы. Ковмис вайны запаснӧй лампадка да выльысь ӧзтыны факелсӧ.^[3] На кындзи, би нуысьясӧн вӧліны: олимпиадаса кыкысь чемпион Николай Бажуков, таэквондоысь ставмирса чемпион Анатолий Чиканчи, 1988-ӧд вося Олимпиада вылӧ ветлысь Андрей Нутрихин, Лиллехаммерӧ да Наганоӧ Олимпиада ворсӧмъяс вылӧ ветлысь Владимир Леготин, Ставмирса Сурдолимпиада ворсӧмъясын вермысь Наталья Смирнова, самбоысь ставмирса чемпион Константин Лахтионов, лызьӧн котралӧмысь россияса чемпион Антон Зюзев, Паралимпиадаса чемпион Мария Иовлева, Изьва сиктын аэропортса начальник Сергей Сотников, Коми Республикаса спортагентствоӧн веськӧдлысь Николай Гордеев, инвалидъяслӧн Ставроссияса котырӧ пырысь Юрий Волков, «Ингострах» компанияын уджалысь Сергей Холмов да мукӧд. ^[4].

Бӧръяӧн олимпиада би нуис лызьӧн котралысь, олимпиада ворсӧмъясын нёльысь вермысь Раиса Сметанина. Сійӧ ӧзтіс Степан изъэрдын чаша. Эстафета бӧрын чашасӧ пуктісны Коми мулӧн спортивнӧй славаса Жырйӧ.^[1].

Степан изъэрдын вӧлі сувтӧдӧма павильон, кӧні быдӧн вермис фотографируйтчыны Сочиын 2014-ӧд вося Олимпиада да Москваын 1980-ӧд вося Олимпиада факелъясӧн.^[5].

Эмблема-логотип

Медальяс юклӧм

Страна	Зарни	Эзысь	Ыргӧн	Ставнас
Россия	13	11	9	33
Норвегия	11	5	10	26
Канада	10	10	5	25
АӦШ	9	7	12	28
Нидерландъяс	8	7	9	24
Германия	8	6	5	19
Швейцария	6	3	5	14
Беларусь	5	0	1	6
Австрия	4	8	5	17
Франция	4	4	7	15
Польша	4	1	1	6
Китай	3	4	2	9
Лунвыв Корея	3	3	2	8
Швеция	2	7	6	15
Чехия	2	4	2	8
Словения	2	2	4	8
Япония	1	4	3	8
Финляндия	1	3	1	5
Ыджыд Британия	1	1	2	4
Украина	1	0	1	2
Словакия	1	0	0	1
Италия	0	2	6	8
Латвия	0	2	2	4
Австралия	0	2	1	3
Хорватия	0	1	0	1
Казахстан	0	0	1	1

Россияса медалистъяс

Зарни медаль

Урасьӧм тӧлысь 9-ӧд лун

• РОССИЯСА команда — конькиӧн ислалӧм (командалӧн ӧтувъя петкӧдчӧм)^[6]

Урасьӧм тӧлысь 12-ӧд лун

• Татьяна ВОЛОСОЖАР да Максим ТРАНЬКОВ — конькиӧн гозйӧн ислалӧм (дженьыд ислалӧм — 84.17 син, произвольнӧй ислалӧм — 152.69 син, ставнас — 236.86 син)^[7]

Урасьӧм тӧлысь 15-ӧд лун

• Виктор АН — шорт-трек (1000 м, мужичӧйяс), кад — 1:25.325^[8]
• Александр ТРЕТЬЯКОВ — скелетон (мужичӧйяс), нёльысь исковтӧмлӧн ӧтувъя кад — 3:44.29^[9]

Урасьӧм тӧлысь 17-ӧд лун

• РОССИЯСА команда (Алексей ВОЕВОДА, Александр ЗУБКОВ) — бобслей (кык мортӧн исковтӧм, мужичӧйяс), нёльысь исковтӧмлӧн ӧтувъя кад — 3:45.39^[10]

Урасьӧм тӧлысь 19-ӧд лун

• Вик УАЙЛД — сноуборд (параллельнӧй ыджыд слалом, мужичӧйяс)^[11]

Урасьӧм тӧлысь 20-ӧд лун

• Аделина СОТНИКОВА — конькиӧн фигурнӧя йӧктӧм (дженьыд йӧктӧм — 74.64, произвольнӧй йӧктӧм — 149.95, ставнас — 224.59 син^[12]

Урасьӧм тӧлысь 21-ӧд лун

• Виктор АН — шорт-трек (500 м, мужичӧйяс), кад — 41.312^[13]
• РОССИЯСА команда (Виктор АН, Владимир ГРИГОРЬЕВ, Семён ЕЛИСТРАТОВ, Руслан ЗАХАРОВ) — шорт-трек (эстафета 5000 м, мужичӧйяс), кад — 6:42.100. Россияса команда сувтӧдіс олимпиадаса рекорд^[14]

Урасьӧм тӧлысь 22-ӧд лун

• Вик УАЙЛД — сноуборд (параллельнӧй слалом, мужичӧйяс)^[15]
• РОССИЯСА команда (Алексей ВОЛКОВ, Дмитрий МАЛЫШКО, Евгений УСТЮГОВ, Антон ШИПУЛИН) — биатлон (эстафета 4x7,5 км, мужичӧйяс); кад — 1:12:15.9^[16]

Урасьӧм тӧлысь 23-ӧд лун

• Александр ЛЕГКОВ — лызьӧн котралӧм (масс-старт, 50 км, мужичӧйяс); кад — 1:46:55.2^[17]
• РОССИЯСА команда (Алексей ВОЕВОДА, Александр ЗУБКОВ, Алексей НЕГОДАЙЛО, Дмитрий ТРУНЕНКОВ) — бобслей (нёль мортӧн даддьӧн исковтӧм, мужичӧйяс), нёльысь исковтӧмлӧн ӧтувъя кад — 3:40.60^[18]

Эзысь медаль

Урасьӧм тӧлысь 9-ӧд лун

• Ольга ВИЛУХИНА — биатлон (спринт 7,5 км; нывбабаяс); кад — 21:26.7 (промах абу)^[19]
• Альберт ДЕМЧЕНКО — даддьӧн ислалӧм (ӧтка даддьӧн ислалӧм, мужичӧйяс); нёльысь исковтӧмлӧн ӧтувъя кад — 3:28.002^[20]

Урасьӧм тӧлысь 11-ӧд лун

• Ольга ФАТКУЛИНА — конькиӧн ӧдйӧ котралӧм (500 м)^[21]

Урасьӧм тӧлысь 12-ӧд лун

• Ксения СТОЛБОВА да Фёдор КЛИМОВ — конькиӧн гозйӧн ислалӧм (дженьыд ислалӧм — 75.21 син, произвольнӧй ислалӧм — 143.47 син, ставнас — 218.68 син)^[7]

Урасьӧм тӧлысь 13-ӧд лун

• РОССИЯСА команда (Владислав АНТОНОВ, Альберт ДЕМЧЕНКО, Александр ДЕНИСЬЕВ, Татьяна ИВАНОВА) — даддьӧн ислалӧм (эстафета); ӧтувъя кад — 2:46.679^[22]

Урасьӧм тӧлысь 15-ӧд лун

• Владимир ГРИГОРЬЕВ — шорт-трек (1000 м, мужичӧйяс), кад — 1:25.399^[8]

Урасьӧм тӧлысь 16-ӧд лун

• РОССИЯСА команда (Дмитрий ЯРАПОВ, Александр БЕССМЕРТНЫХ, Александр ЛЕГКОВ, Максим ВЫЛЕГЖАНИН) — лызьӧн котралӧм (эстафета 4x10 км, мужичӧйяс); ӧтувъя кад — 1:29:09.3 (кольччисны Швеция командаысь +27.3)^[23]

Урасьӧм тӧлысь 18-ӧд лун

• Николай ОЛЮНИН — Сноуборд-кросс (мужичӧйяс)^[24]

Урасьӧм тӧлысь 19-ӧд лун

• РОССИЯСА команда (Максим ВЫЛЕГЖАНИН, Никита КРЮКОВ) — лызьӧн котралӧм (командаса спринт классикаӧн, мужичӧйяс); ӧтувъя кад — 23:15.86 (кольччисны Финляндия командаысь +0.97)^[25]

Урасьӧм тӧлысь 21-ӧд лун

• РОССИЯСА команда (Яна РОМАНОВА, Ольга ЗАЙЦЕВА, Екатерина ШУМИЛОВА, Ольга ВИЛУХИНА) — биатлон (эстафета, 4x6 км, нывбабаяс); ӧтувъя кад — 1:10:28.9 (кольччисны Украина командаысь +26.4)^[26]

Урасьӧм тӧлысь 23-ӧд лун

• Максим ВЫЛЕГЖАНИН — лызьӧн котралӧм (масс-старт, 50 км, мужичӧйяс); кад — 1:46:55.9 (кольччис Александр Легковысь+0.7)^[17]

Ыргӧн медаль

Урасьӧм тӧлысь 9-ӧд лун

• Ольга ГРАФ — конькиӧн ӧдйӧ котралӧм (3000 м; нывбабаяс); кад — 4:03.47^[27]

Урасьӧм тӧлысь 10-ӧд лун

• Александр СМЫШЛЯЕВ — фристайл (могул; мужичӧйяс); 24.34 син^[28]
• Виктор АН — шорт-трек (1500 м; мужичӧйяс); кад — 2:15.062^[29]

Урасьӧм тӧлысь 13-ӧд лун

• Евгений ГАРАНИЧЕВ — биатлон (торъя ордйысьӧм, 20 км; мужичӧйяс); кад — 50:06.2 (1 промах)^[30]

Урасьӧм тӧлысь 14-ӧд лун

• Елена НИКИТИНА — скелетон (нывбабаяс); ӧтувъя кад — 3:54.30^[31]

Урасьӧм тӧлысь 17-ӧд лун

• Елена ИЛЬИНЫХ да Никита КАЦАЛАПОВ — конькиӧн йи вылын йӧктӧм (гозйӧн); дженьыд йӧктӧм — 73.04 син, произвольнӧй йӧктӧм — 110.44 син, ӧтувъя — 183.48 син^[32]

Урасьӧм тӧлысь 19-ӧд лун

• Алена ЗАВАРЗИНА — сноуборд^[33]

Урасьӧм тӧлысь 22-ӧд лун

• РОССИЯСА команда (Ольга ГРАФ, Екатерина ЛОБЫШЕВА, Юлия СКОКОВА, Екатерина ШИХОВА) — конькиӧн ӧдйӧ котралӧм (нывбабаяс); кад — 2:59.73^[34]

Урасьӧм тӧлысь 23-ӧд лун

• Илья ЧЕРНОУСОВ — лызьӧн котралӧм (масс-старт, 50 км, мужичӧйяс); кад — 1:46:56.0 (кольччис Александр Легковысь +0.8)^[17]

Олимпиадаын Комиысь спортсменъяс

2014 вося тӧвся Олимпиадаын Комиысь петкӧдчисны куим спортсмен: лызьӧн котралысьяс Юлия Иванова да Станислав Волженцев. На кыдзи вермасис Иван Бабиков, коді ордйысис Канада нимсянь.

Юлия Иванова

Юлия ИВАНОВА урасьӧм тӧлысь 13-ӧд лунӧ котӧртіс 10 км классикаӧн да воис 17-ӧн (кад — 29:59.4)^[35]

Урасьӧм тӧлысь 15-ӧд лунӧ Юлия ИВАНОВА котӧртіс 1-дзаӧн 4x5 км эстафетаын. Россияса командаын сідзжӧ котӧртісны: мӧдӧн — Ольга КУЗЮКОВА, коймӧдӧн — Наталья ЖУКОВА, бӧръяӧн — Юлия ЧЕКАЛЕВА. Ю. Иванова котӧртіс классикаӧн да аслас 5 км бӧрын локтіс медводдзаӧн (кад — 14:05.5). Но россияса мукӧд котралысьыс пыр кольччисны вермысьясысь. Россияса команда тайӧ панъясьӧмын лоис квайтӧдӧн (кад — 54:06.3; кольччӧмыс +1:03.6).^[36]

Коймӧдысь Юлия Иванова сочиса олимпиада дырйи сувтіс лызь вылӧ вермасьны урасьӧм тӧлысь 19-ӧд лунӧ да котӧртіс Анастасия Доценкокӧд командаса спринтын классикаӧн. Ю. Иванова финишируйтіс квайтӧдӧн, кад —16:44.91 (кольччисны Норвегия командаысь +40.86)^[37]

Урасьӧм тӧлысь 22-ӧд лунӧ 30 км котӧртігӧн Ю. Иванова воис 30-ӧдӧн, кад —1:15:22.1 (кольччис масс-старт вермысь Норвегияысь Марит БЬЕРГЕНысь +4:16.9)^[38]

Станислав Волженцев

Станислав ВОЛЖЕНЦЕВ котӧртіс 15 км классикаӧн урасьӧм тӧлысь 14-ӧд лунӧ да воис 19-ӧн (кад — 40:15.0) ^[39]

Иван Бабиков

Иван БАБИКОВ лызь вылӧ сочиса олимпиада дырйи сувтліс нёльысь. Скиатлонын (15 км классика да 15 км ас кӧсйӧс серти стиль) лои 25-ӧд мортӧн (кад — 1:10:14.6; кольччис +1:59.2). 15 км классикаӧн котӧртігӧн И.Бабиков воис 39-ӧдӧн (кад — 41:49.2; кольччис +3:19.5). 4x10 км эстафетаын Канада команда, кӧні котӧртіс Иван Бабиков, лои 12 местаын (кад — 1:33:19.0; кольччисны +4:37.0). Медся кузь дистанция вылын (50 км масс-стартын) И.Бабиков воис сӧмын 20 мортӧн (кад — 1:47:41.8; кольччис +46.6). ^[40]

Ӧшмӧсъяс

• 2014 воын Сочиын XXII Тӧвся Олимпиада ворсӧмъяслӧн официальнӧй сайт
• Зимняя Олимпиада в субтропиках (критика)