Чупров Александр Ефимович

Шаблон:Серпасыс абу

Чупров Александр Ефимович
Чужан лун:	1925-ӧд вося кӧч тӧлысь 30-ӧд лун(1925-09-30)
Чужанін:	Кипъёва, Изьва район, Коми Республика, РСФСР, Сӧветскӧй Социалистическӧй Республикаяслӧн Союз
Кулан кад:	1944-ӧд вося кӧч тӧлысь 30-ӧд лун(1944-09-30) (19 арӧс)
Куланін:	Дробета-Турну-Северин[d], Румыния
Канму:	Сӧветскӧй Социалистическӧй Республикаяслӧн Союз
Ошканпасъяс да премияяс:

Чупров Александр Ефимович (1925—1944) — Комиысь Сӧветскӧй Союзса Герой (1944).

Олан туй

Александр Чупров чужӧма Изьва районса Кипъёва сиктын 1925-ӧд вося кӧч тӧлысь 30-ӧд лунӧ. Помалӧма 4 класс, колхозын уджалӧма кӧр видзысьӧн.

Айму вӧсна Ыджыд тыш кадӧ

Гӧрд армияын 1943-ӧд восянь. Айму вӧсна Ыджыд тышын 1944-ӧд вося тӧвшӧр тӧлысьсянь. Радӧвӧй, стрелок. Тышкасьӧма 1-дза да 2-ӧд Украинаса фронтъясын.

Повтӧмлун петкӧдлӧма Днестр ю вуджигӧн Сороки кар дорын (Молдавия): бырӧдӧма дзот да станкӧвӧй пулемёт, противотанкӧвӧй пушка. Пленӧ босьтӧма кык унтер-офицерӧс да 7 салдатӧс. Бура петкӧдчӧмысь 1944-ӧд вося кӧч тӧлысь 13-ӧд лунӧ СССР-са Вылыс Сӧветлӧн Президиум шуӧмӧн сылы сетӧма Сӧветскӧй Союзса Герой ним.

Сьӧкыда ранитчӧмысь кулӧма госпитальын 1944-ӧд воын аслас чужан лунӧ — кӧч тӧлысь 30-ӧд лунӧ. Гуалӧма Румынияын Турну-Северин карсянь неылын.

Наградаяс

• Сӧветскӧй Союзса Герой почёт ним (1944.09.13)
• Ленин орден (1944.09.13)

Паметь

Сылӧн нимӧн шуӧма уличаяс Кипъёваын, Изьва сиктын да Сыктывкарса Эжва районын, Кипъёваса школа. Чужан сиктас А.Чупровлы пуктӧма обелиск (1975-ӧд воын), барельеф (2005-ӧд воын) да бюст (2016-ӧд воын), Сыктывкарын Куслытӧм би дорын — барельеф.

Ӧшмӧсъяс

• «Герои страны» проектын А.Е. Чупров йылысь