Ярасов Борис Степанович

Шаблон:Серпасыс абу

Ярасов Борис Степанович
Чужан лун:	моз 1908
Чужанін:	Зӧвсьӧрт, Яренск уезд, Вӧлӧгда губерния, Россияса империя[d] Яренск уезд, Вӧлӧгда губерния, Россияса империя[d]
Кулан кад:	тӧвшӧр 1942 (33 арӧс)
Канму:	Сӧветскӧй Социалистическӧй Республикаяслӧн Союз
Мыйся уджыс:	поэт, коми гижысь, фольклор чукӧртысь

Ярасов Борис Степанович (1908—1942) — коми поэт, гижысь, фольклор чукӧртысь.

Олан туй

Борис Ярасов чужис Вӧлӧгда губерняысь Яренск уездса Зӧвсьӧрт сиктын 1908 вося моз тӧлысьӧ. Начальнӧй школа помалӧм бӧрын велӧдчис Гамса шӧр школаын. 1928—1930 воясӧ велӧдчис Сыктывкарса совпартшколаын, а сэсся А.И. Герцен нима Ленинградса пединститутын. 1936 восянь велӧдіс Сыктывкарса вӧр техникумын да вӧрса рабфакын.

1938 воын аслас ёртыскӧд, коді бӧрынджык лои коми фольклор туялысьӧн, Иван Осиповкӧд (Вокан), пырис велӧдчыны Ленинградса пединститутлӧн аспирантураӧ «фольклористика» специальносьт серти. Айму вӧсна Ыджыд тыш водзвылын недыр чукӧртыштіс коми фольклор, сэсся мӧдӧдчис фронт вылӧ. Доймылӧм бӧрын 1941 во помын бурдӧдчис Ленинградса госпитальын. Сы бӧрын служитіс флотын. «Книга памяти» небӧгын пасйӧма, мый Б.С. Ярасов вошис юӧрттӧг 1942 вося тӧвшӧр тӧлысьӧ.

Гижан удж

Поэзия дорӧ сибаліс Гамса школаын велӧдчигӧн, кор лӧсьӧдісны ки помысь вӧчӧм журнал. Йӧзӧдчыны босьтчис 1927 восянь.

Йӧзӧдӧмъяс

• Ярасов Б. Нывлӧн думъяс // Ордым, 1927. № 4.
• Ярасов Б. Веніс // Ордым, 1928. № 5.
• Ярасов Б. Колӧ коми гижӧд бурмӧдны // Ордым, 1928. № 8.
• Ярасов Б. Розъялӧм // Ордым, 1929. № 6.

Ӧшмӧсъяс

• Ярасов Борис Степанович
• Беляев Г. Зӧвсьöртса Биавир // Коми му, 1998. № 84.