2025 Est 22, Gwe

Pow Ousbek yw gwlas yn Asi Gres.

Azerbayjan yw gwlas yn Europa a-hys an Mor Kaspian. Yma dhedhi unn pow omrewlys, Nagorno-Karabakh, neb a dhiskleryas y anserhogeth yn 1992; yma soudoryon armenek ena a-dhia 1991. Ken repoblek omrewlys usi y'n wlas: Naghchivan, diberthys dhyworth an rann arall a Azerbaycan gans Repoblek Armeni. Yn gonisogeth ha yeth, yma dhe'n pobel azerek kevrennow krev gans an Durkyon. Yma leun a oyl ha gas-dor y'n Mor Kaspian.

Ostri yw stat yn Kres Europa. Stat esel an Unyans Europek ha'n Kenedhlow Unys yw hy. Hy hentrevygyon yw Almayn, Pow Chek, Hungari, Sloveni, Itali, ha Swistir. Poblans Ostri o 8 150 835 a drigoryon yn 2001. Ostri yw repoblek gans seneth ha penmenester, gelwys an Cansler.

Slovaki yw repoblek yn Kres Europa. Rann a Cheko-Slovaki o hi war-barth gans Repoblek Chek; kyns henna, an pow ma o rann a Ruvaneth Hungarek.

Wikipedya yw godhoniador liesyethek gans dalgh igor, gruthys ha mentenys gans bodhogyon dre vedhelweyth wiki. Fondyans Wikimedia yw hostys Wikipedya; nag eus dhodho ev amkan rag budh.

Channel 4 yw rosweyth pellwolok servis poblek yn Breten. Selys yn Loundres ha Leeds yw, gans kresennow awenek yn Glasgow ha Bristol.

Eynda yw repoblek veur yn Asi Soth. Gans moy ages mil vilvil a dus, hi yw brassa gwerinieth an Norvys. Yma 28 stat ha 7 tiredh y'n kesunyans. Yn-mysk hy hentrevogyon yma Pakistan, Nepal, Bangladesh, ha China. Peder sita pur vras yw Mumbai, Kolkata, Delhi, ha Chennai. Yn-mysk an sitys erell a vri, merkyewgh Bengalour, Hyderabad, Kanpur, Ludhiana h.e.

Stat yn Europa yw an Ruvaneth Unys. Yma peswar a'y bymp pow yn enys Breten Veur: Alban, Kembra, Kernow ha Pow Sows; hag yma an pympves yn Enys Iwerdhon: henn yw Iwerdhon Gledh. Konna-tir yn soth-west an enys yw Kernow.

Tre yn Kernow yw Tresulyan, neb tri mildir dhe'n est a Druru yn Pluw Glemens. Darvos posek yn Kas an Pymp Kenedhel a gemeras le yn Tresulyan.