Вьетнам тили

Вьетнам тили – вьетнамдардын тили; Вьетнамдын мамлекеттик тили. Кытай-тибет тилдеринин кытай бутагына кирет. Вьетнам тилинде сөздүн морфологиялык жиктелиши муун менен бирдей, сөздөрдүн уңгусу бир муундуу, лексикасында кытай тилинен кирген сөздөр көп. Грамматикалык мааниси сөздөрдүн туруктуу тартиби, артиклдер, жандоочтор, жардамчы этиштер аркылуу туюнтулат. Вьетнам тилинде үч диалект бар. Алгачкы жазуусу кытай иероглифине негизделген. 1885-жылдан латын алфавити колдонулат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4