Довгаль Татьяна Андреевна

Довгаль Татьяна Андреевна (1937-ж. туулган, Ысык-Көл облусу, Ак-Суу району, Отрадный кыштагы) – саанчы, Социалистик Эмгектин Баатыры (1981^[1]). Эмгек жолун 1953-ж. «Биринчи Май» колхозунда чочко багуучу болуп иштөөдөн баштаган. 1956-жылдан саанчы. 11-беш жылдыкта (1981–85) ар саан уйдан (23 уй) орто эсеп менен 5290 кгдан сүт саап алууга жетишкен. 1970–79-ж. СССР Жогорку Советинин депутаты^[2][3]. Үч Ленин, Октябрь Революциясы ордендери менен сыйланган.