Интерфаза

Интерфаза – клетканын бөлүнүүсү бүтүп, кайра бөлүнүүсү жүргөнгө чейинки учуру; клетканын бөлүнбөй турган абалы. Бөлүнүү жөндөмдүүлүгүн жоготкон клеткаларда (Мисалы, нейрондордо) - акыркы бөлүнүүсүнөн, анын өлүмүнө чейинки мезгил.

Интерфаза.

И-да, клетканын бөлүнүүгө даярдануусуна байланыштуу, синтетикалык ошондой эле клеткалардын ткандык атайын кызматын аткарууну камсыз кылуучу, жиктөө процесстери жүрөт. И. клеткалык циклдин 90 % чейинки мезгилин камтыйт. И-лык клеткалардын өзгөчөлүү белгиси - хромосомалардын деспиралдык (спиралдуулугун жоготкон) абалы.

Колдонулган адабияттар

• Биология: Энциклопедиялык окуу куралы/Мамлекеттик тил жана энциклопедия борбору. -Б.:2004, ISBN 9967-14-002-4