Кыргоол

Кыргоол (Phasianus) — кыргоолдор тукумундагы куштар уруусу. Дене узундугу 85 смге жетет. Корозу кооз түстө, канаты жалтырак, бостеги саргыч боз. Канаты кыска, жазы; алыс уча албайт, куйругу узун. Корозу бостегинен чоң, текөөрү бар. Башы көк жашыл, ак мойноктуу. К. Европада, Борбордук Азияда таралган. Суу жээктеринде, бадалдуу токой, камыш арасында, күз, кыш мезгилинде топтошуп жашайт. Жерге уялап, 8-12 жумуртка тууйт. Жумурткасын 24-25 күндө бостеги басып чыгарат. Өсүмдүк уругу, мөмөсү, бүрү, майда омурткасыздар жана башка менен азыктанат. Кыргызстанда 2 түрү жашайт.

Кыргоолдор
Илимий классификация
КАТАЧЫЛЫК МААЛЫМАТЫ Жок таксономдуу калыптар {{Phasianus }}, ар дайым таксонду Phasianus биологиялык классификацияда көрсөтөт.
Эл аралык илимий аталышы
Phasianus Linnaeus, 1758
Систематика Уикитүрлөрдө Сүрөт сүрөт издөө ITIS   175904 NCBI   9053

Phasianus colchicus (♂).

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9