Макакалар

Макакалар (лат. Macaca) – тар таноолуу маймылдар уруусу. Дене Узундугу 40–75 см. Буттары кыска, күчтүү. Жүнү саргыч, айрымдарынын жонунда узатасынан каралжын издери, башында «тумагы», бетинде бакенбарды, муруту, сакалы бар. Кулагы жүнсүз, учтуу. 12 түрү (айрым маалымат боюнча 19, 20) Түштүк жана Чыгыш Азияда, Малайя архипелагынын Филиппин аралында, Түндүк Африкада, Европада таралган. Жаандуу тропик жана тоолуу токойлордо, токойлуу мелүүн алкактарда, аскалардагы бадал арасында жашайт. Бакта жана жерде топтошуп жүрүшөт. Ылгабай азыктанат. 2–3 жашында жыныстык жактан жетилет, баласын 180 күн көтөрүп тууйт. 2 түрү ТКЭСтин Кызыл китебине катталган.

жапон макагы (Macaca fuscata).

Булардын төмөнкү түрлөрү бар: кызыл макак (М. speciosa), кара макак (М. maurus), макакмаймыл (М. mulatta), чочкокуйрук макак (М. nemestrinus), Ява макагы (М. fascicularis), жапон макагы (М. fuscata).

Колдонулган адабияттар

• А. А. Алдашев. Биология терминдеринин жана айбанат аттарынын орусча-кыргызча сөздүгү. - Бишкек, 1998. ISBN 9967-11-027-9
• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7

Калып:Bio-stub