Медициналык психология

Медициналык психология - психологиянын бөлүмү; оору пайда болгондон айыкканга чейин адамдын психикасынын ролун изилдейт.

Медициналык психологияны негиздөөгө адеп аракет кылган илимпоз — немец психологу жана философу Р. Г. Лотце. Медициналык психологиянын өнүккөн бөлүгү — клиникалык психоло­гия, ал дене жана психикалык ооруларда психиканын өзгөрүшүн иликтейт. Медициналык психология оорунун анамнезге, стресске байланыштуу мүнөзүнө, адамдын өзгөчөлүгүнө да көңүл бурат. Медициналык психологиянын өнүгүшү нейропсихология, психотерапия, психогигиена сыяктуу тармактардын пайда болушуна өбөлгө түздү.

Колдонулган адабияттар

Кыргыз Совет Энциклопедиясы. Башкы редактор Б. О. Орузбаева. -Бишкек: Кыргыз Совет Энциклопедиясынын башкы редакциясы, 1979. Том 4. Лактация - Пиррол. -656 б.