Момолойлор

Момолойлор (Microtinae, syn. Arvicolinae) — кемирүүчүлөрдүн аламандар тукумундагы тукумчасы. Денесинин орт. уз. 10—12 см, кээде 36 смге жетет.

Microtus pennsylvanicus.

Жону көгүш же күрөңүрөөк. Көбүнүн азуу тиштери дайыма өсүп турат. Момолойлордун 40тан ашуун уруусу бар, анын жарымынан көбү тукум курут болгон. Момолойлор кургакчылык жана азык көп жылы өтө көбөйөт. Ачык ландшафттуу жерлер Момолойлор түрлөрүнө бай келет. Чээнге кирбейт. Азыгынын көбү өсүмдүк; кээси кышка азык камдайт. Көбү — айыл чарба өсүмдүктөрүнүн зыянкечи жана айрым жугуштуу оору козгогучтарды алып жүрүүчүлөр. Кээ биринин (ондатра ж. б.) териси баалуу.

Колдонулган адабияттар

• Кыргыз Совет Энциклопедиясы. Башкы редактор Б. О. Орузбаева. -Бишкек: Кыргыз Совет Энциклопедиясынын башкы редакциясы, 1979. Том 4. Лактация - Пиррол. -656 б.