Оникс

Оникс (гр. ōnyx – тырмак) – минерал, халцедондун бир түрү. Агаттын жол-жол тасма сымал түрү, сызыктары (көбүнчө кара жана ак) аркылуу айырмаланат. Катуулугу 7. С. салмагы 2,5–2,6. Жарым тунук, жарык өткөрөт. Оникстин кооздугу камея менен инталияда айрыкча көрүнөт. Жогорку сапаттагы оникс Арабия жарым аралынан, Индиядан, Бразилиядан, Уругвайдан жана АКШдан өндүрүлөт. Түрлөрү сардоникс, мрамор оникс ж. б. Зергерчиликте колдонулат.

Оникс.

Колдонулган адабияттар

• “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7