Редакция

Редакция (лат. – тартипке салынган)

1. Автордук чыгарманы басмага даярдоодо басманын редактору менен бирдикте чыгарманы кайрадан карап чыгуусу, оңдоолор, түзөтүүлөр киргизүүсү. Айрым учурда жазуучулар бир топ жылдан кийин көптөгөн пикирлерди, өзүнүн байкоолорун эске алып, мурунку өз чыгармаларын кайрадан редакциялап чыгат. Мисалы, Т. Сыдыкбековдун “Кең-Суу”, А. Токомбаевдин “Кандуу жылдар” романдары бир топ жылдан кийин редакцияланып, “Тоо арасында”, “Таң алдында” деген ат менен жарык көргөн. Өзгөчө элдик оозеки чыгармаларды басып чыгарарда белгилүү адистер аны редакциялап чыгышат.
2. Газета-журналдар үчүн материалдар иштелип бериле турган жай. Мисалы, «Мугалимдер газетасынын» редакциясы.

Колдонулган адабияттар