Рысмамбетова Үмүткөр Калыевна

Рысмамбетова Үмүткөр Калыевна (1932-жылы туулган, Ысык-Көл облусу, Тоң району, Ак-Сай айылы) – врач, Социалисттик Эмгектин Баатыры (1969). СССРдин саламаттык сактоосунун отличниги (1967). Кыргыз Мамлекеттик Медицина институтун бүтүргөн (1958). Тоң райондук ооруканасында акушер-гинеколог (1958–66), башкы врачтын орун басары жана төрөт бөлүмүнүн башчысы (1966–84). Тон райондук поликлиникасынын бөлүм башчысы (1985–95). СССР Жогорку Советинин 8-шайланышынын депутаты (1970–74)^[1]. Ленин, «Ардак Белгиси» ордендери жана медалдар менен сыйланган.