Симфония

Симфония (грек. symphonia -үндөштүк, добуштардын кооздук айкалышуусу) - 18-кылымдын орто кеминде калыптанган оркестр музыкасынын негизги жанры.

Байыркы Грецияда пайда болгон симфония термини Батыш Европада симфония жанры пайда болгонго чейин ар түрдүү мүнөздөгү, түзүлүштөгү вокалдык, аспаптык, полифониялык чыгармаларды түшүндүргөн. Симфония жанрынын башаты - опералык увертюра, сюита, триосоната. Симфония веналык композиторлор мектебинин өкүлдөрү И.Гайдн, В. А. Моцарт жана Л. Бетховендин чыгармаларында классикалык мүнөзгө ээ болгон. Азыр Симфониянын көбүнчө төрт бөлүмдөн турган үлгүсү калыптанган.

Колдонулган адабияттар

Алагушов, Балбай. Кыргыз музыкасы: Энциклопедиялык окуу куралы / Башкы редактору Үсөн Асанов. – Бишкек: Мамлекеттик тил жана энциклопедия борбору, 2004. – 400 бет. -ISBN 9967-14-016-X.