From Wikipedia, the free encyclopedia
Ленкорань ойдуңу Азербайжан Республикасынын аймагында. Талыш тоосу менен Каспий деңизинин аралыгында жайгашкан кууш (жазылыгы 5–30 км), тектирлүү, деңизге карай эңкейиш түздүк (чыгыш бөлүгү саздуу, көлү көп). Климаты нымдуу субтропиктик. Июлдун орточо темпрасы 26ᵒС, январдыкы 0–3ᵒС. Жылдык жаанчачыны 1100–1700 мм (максимуму кышында жаайт). Нымдуу субтропиктик жазы жалбырактуу токой жана шалбаалуу-саздак ландшафт мүнөздүү. Саз-шалбаа жана сары-күл топурактары өөрчүгөн. Токою гиркан тибинде, анда каштан, жалбырактуу эмен, катыраңкы, ольха жана башкалар өсөт. Камыштуу саз жерлери бар. Шалы, чай, тамеки, жашылча, цитрус өсүмдүктөрү, курма, фейхоа, тунг жана башка өстүрүлөт. Ленкорань ойдуңунун аймагында жана Каспий деңизинин ага чектеш жаткан акваториясында Кызыл-Агач коругу уюшулган.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.