From Wikipedia, the free encyclopedia
Магриб (араб.الْمَغْرِب) – 1) Түндүк Африкада Египеттен батышта жайгашкан өлкөлөрдүн (Тунис, Алжир, Марокко) жалпы аты. Араб халифаттыгынан (орто кылым) бери географиялык жана тарыхый адабияттарда ушундайча аталган.
Магриб Аянты | |
---|---|
ар. الْمَغْرِب | |
|
2) Чоң Магриб же Араб Батышы (Араб чыгышынан айырмалаш үчүн – Машрик) – Ливия, Мавритания жана Батыш Сахаранын аймактары, Испания мусулмандар жашаган аймак (Андалусия), Жер Ортолук деңиздеги араб халифаттыгынын мурдагы ээликтери – Балеар аралы, Сардиния, Сицилия да кирет. Араб (Мавритания, Батыш Сахара) жана бербера диалектисинде жана мальта тилинде (жазуусу латын алфавитинде) сүйлөшөт. 1956-жылы Марокконун королу Мухаммед V жана Тунистин премьер-министри Х. Бургиба «Улуу Араб Магриби» деген региондук бирикмени уюштуруу идеясын сунушташкан. 1964-жылы Магриб өлкөлөрүнүн Туруктуу консультация комитети уюштурулган. Кийинчерээк тармактык комиссия түзүлүп, алар бир катар келишимдерге кол коюшкан. 1989-жылдын февралында Алжир, Марокко, Тунис, Ливия жана Мавритания өлкөлөрүнүн башчылары региондук Араб магриби союзун уюштуруу үчүн кол коюшкан. Анын негизги милдети – Батыш Африка өлкөлөрүнүн ортосунда экономикалык жана саясий биримдикти орнотуу.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.