Aërodromus
From Wikipedia, the free encyclopedia
Aërodromus[1][2] est, secundum Institutum Unitarum Nationum Aviationis Civilis (ICAO(en)), curriculum rectangulare aëroplanis delabentibus paratum[3] sive aëroportus pars, de qua avolant et ad quam advolant aëroplana.
Aërodromi in aëroportu sic aedificari solent, ut aeroplana et avolantia et advolantia vento adverso uti possint, nam constat ventum adversum secundo vento utiliorem esse. Adverso enim vento velocitas aeris maior est quam secundo vento, quo fit, ut vis portatrix aëroplani in maius crescat.