Acroterium (Thera)
From Wikipedia, the free encyclopedia
Acroterium, litteris Graecis Ακρωτήρι, appellantur ruinae urbis culturae Cycladicae vel Minoae in insula Thera meridiana iuxta vicum hodiernum eiusdem nominis patentes. Idem locus iam aevo Neolithico habitatus erat. Urbs ab eruptione vulcanica Theraea, quae fortasse anno 1628 vel 1627 a.C.n. acciderit, omnino abscondita est. Ruinae illius temporis iuxta Acroterium a Ferdinando Fouqué geologo Francico (qui etiam locum archaeologicum insulae Therasiae effodit) anno 1867 repertae sunt. Urbs ipsa ex anno 1967 effoditur, Spyridone Marinato principio archaeologo duce.
Domus usque adhuc repertae sunt:
- Xeste 3, contignationibus duabus, membris cuiusque quattuordecim; piscina lustrali; picturis mulierum crocos decerpentium, progredientium, adorantium, dea quadam offerentium
- Xeste 4, contignationibus tribus, pictura hominum ascendentium
- Insula Β, domis duabus; picturis domo occidentali dorcadum et puerorum pugilium, domo orientali simiarum
- Insula Δ, domis quattuor; domo orientali repertae sunt pictura veris et tabellae scripturae Linearis A
- Domus occidentalis, contignationibus duabus, picturis piscatorum, mulieris (fortasse sacerdotis), atque itineris maritimi
- Domus mulierum, sic propter picturam mulierum et papyrorum nuncupatus
Picturae murales potiores enumerare oportet:
- Dorcades
- Homines ascendentes
- Iter maritimum
- Mulieres crocos decerpentes, progredientes, adorantes, dea quadam offerentes
- Mulieres et papyri
- Piscatores
- Pueri pugiles
- Simiae
- Ver
Statuarum ibi repertarum una tantum auro fingitur, scilicet ibex, sed figlinae multae.