![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/Adrian_Hasler_01_%2528cropped%2529.jpg/640px-Adrian_Hasler_01_%2528cropped%2529.jpg&w=640&q=50)
Adrianus Hasler
From Wikipedia, the free encyclopedia
Adrianus, vulgo Adrian Hasler (in Valle Dulci natus die 11 Februarii 1964) est argentarius et politicus Lichtensteni.
Res apud Vicidata repertae:
![Adrianus Hasler: imago](http://upload.wikimedia.org/wikipedia/commons/thumb/5/53/Adrian_Hasler_01_%28cropped%29.jpg/640px-Adrian_Hasler_01_%28cropped%29.jpg)
In urbe natali educatus, Adrianus Hasler est alumnus universitatis Sangallensis in Helvetia ubi administrationi commerciali studuit. Unde absolutus apud Balzers AG argentariamque Lichtenstenensem Verwaltungs- und Privat-Bank operam dedit. Ab anno 2001 legatus est apud parlamentum Lichtenstenense pro factione civium progressivorum. Ab anno 2004 usque in 2013, e parlamento recedens, princeps vigilium Lichtenstenensium meruit. Anno 2012 candidatus ad officium primi ministri a factione sua selectus, comitiis anno 2013 victor, die 27 Martii eiusdem anni primus minister creatus est.