Bernardus Arévalo
sociologus, politicus / From Wikipedia, the free encyclopedia
Bernardus Arévalo, vulgo plenius César Bernardo Arévalo de León (in urbe Montis Videi die 7 Octobris 1958 natus) est politicus Guatimalae. Die 20 Augusti 2023 praeses patriae electus est.
Res apud Vicidata repertae:
Nativitas: 7 Octobris 1958; Urbs Montis Videi
Patria: Guatimala
Patria: Guatimala
Familia
Genitores: Juan José Arévalo; Margarita de León
Filius est Ioannis Iosephi Arévalo qui praeses inter annos 1945 et 1951 meruit et anno 1958 in Uruquaria exsul degebat; unde mox Venetiolam, deinde Mexicum, denuo Chiliam petiverit. In Uruquaria ergo natus, in his civitatibus educatus, Bernardus Arévalo annum sedecimum agens in Guatimala primum habitans lyceum Guatimalae frequentavit. Alumnus est universitatis Hebraicae Hierosolymitanae, ubi sociologiae, et Universitatis Rheno-Traiectinae, ubi philosophiae et anthropologiae culturali studuit.