![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/87/Holmes_Trujillo.png/640px-Holmes_Trujillo.png&w=640&q=50)
Carolus Holmes Trujillo
politicus, legatus / From Wikipedia, the free encyclopedia
Carolus Holmes Trujillo, vulgo plene Carlos Holmes Trujillo García (Carthagine vallis Caucanae natus die 23 Septembris 1951; Bogotae mortuus 26 Ianuarii 2021) fuit politicus et legatus Columbiae.
![Carolus Holmes Trujillo: imago](http://upload.wikimedia.org/wikipedia/commons/thumb/8/87/Holmes_Trujillo.png/640px-Holmes_Trujillo.png)
Filius politici liberalis eiusdem nominis, alumnus est universitatis Caucensis ubi iuribus studuit et universitatis Sophiae Tokii in urbe Iaponica. Praefectus fuit urbi Cali duos annos a die 1 Ianuarii 1988, deinde minister eruditionis nationalis ab 5 Februarii 1992 usque ad 7 Augusti 1993 et mox legatus Columbianus Ordini Civitatum Americanarum ab anno 1995. Minister a rebus internis factus est die 7 Augusti 1997, praeside Ernesto Samper Pizano, quo officio usque ad 28 Ianuarii 1998 functus est. Die 7 Augusti 2018 ab Ioanne Duque minister rerum externarum, deinde die 12 Novembris 2019 minister munitionis nominatus est.