Cyrus II (rex Persarum)
rex Persarum / From Wikipedia, the free encyclopedia
Cyrus II sive Cyrus Magnus[1] (Graece Κῦρος, lingua Persica antiqua 𐎤𐎢𐎽𐎢𐏁 Kūruš;[2] natus circa annum 600 a.C.n., mortuus anno 530 a.C.n.[3]) fuit conditor Imperii Achaemenidarum.[4] Sub eius dominatione, imperium omnes civilizatas antiqui orientis medii civitates comprehendit,[4] magnopere expandit, et ad extremum plurimum Asiae Meridio-Occidentalis et multum Asiae Mediae Caucasique vicit. A Mari Mediterraneo et Hellesponto in occidente ad Indum in oriente, Cyrus maximum orbis terrarum imperium usque id tempus creavit.[5] Sui tituli regales pleni fuerunt Magnus Rex, Rex Persis, Rex Anshan, Rex Mediae, Rex Babylonis, Rex Sumer et Akkad, Rex Quattuor Angulorum Mundi. Enuntiavit praeterea in Cylindro, inter 539 et 530 a.C.n. iusso, rem quam nonnulli habent unam ex primis in historia gravibus iurum humanorum declarationibus, sed haec interpretatio ab aliis in controversiam vocatum est.
Obitus: 530 a.C.n.; Iaxartes
Patria: Achaemenidae, Anshan Persia
Familia
Coniunx: Cassandane, Amitis Shahbanu, Neithiyti
Proles: Cambyses II, Smerdis, Atossa, Roxane, Artystone
Familia: Achaemenidae
Memoria
Regnum Cyri inter 29 et 31 annos duravit. Ille imperium confecit primum per Imperium Mediae, tum Imperium Lydium, et deinde Imperium Neobabylonicum devictum. Aut paulo ante aut paulo post Babylon superatum, expeditionem in Asiam Mediam duxit, quae maiora efficit proelia quae, ut apud Herodotum historicum Graecum legimus, "in servitutem quamque civitatem, omnes ad unum," redegerunt.[6] Cyrus se in Aegyptum numquam contulit, quia in proelio cecidit, Massagetas secundum Iaxartem Decembri 530 a.C.n. pugnans.[7][8] Ei successit Cambyses II filius, qui imperium per regnum breve amplificavit, Aegyptum, Nubiam, Cyrenaicam vicissim devicens.
Cyrus religiones aliosque mores populorum qui vicerat magni aestimavit.[10] Quod factum est felix administrationis ad unum delatae exemplar, rectionem constituens quae subiectis civibusque prodesset.[4] Administratio imperii per satrapes et principium rectionis Pasargadis constitutae erant opera ipsius Cyri.[11] Quod aliquando Edictum Restaurationis (revera duo edicta) appellatur, et in Bibliis Sacris Cyro tribuitur, religionem Iudaicam magnopere movit. Apud librum Isaiae 45:1 in Biblia Hebraica[12] legitur Deum Iudaicum hoc opus Cyro mandavisse, quem etiam messias appella. Cyrus est solus vir in his textibus sic descriptus.[13]