Elisabetha Borne
politica / From Wikipedia, the free encyclopedia
Elisabetha, vulgo Élisabeth Borne (Lutetiae in urbe die 18 Aprilis 1961 nata) est politica Franciae.
Patria: Francia
Familia
Coniunx: Olivier Allix
Proles: Nathan Allix
In urbe nativa educata, alumna est lycei Janson de Sailly, scholae Polytechnicae, scholae Pontium Viarumque, collegii Ingeniariorum. Interdum apud societates commerciales, multo crebrius apud ministeria publica operam dedit. Anno 2013 praefecta regionis Pictaviensis et Carantoni eodemque tempore praefecturae Vigennae creata est; anno insequenti consiliaria meruit iuxta Segolenam Royal ministram ab oecologia; ab 2015 societatem publicam commeatus Parisiensis gessit. Ab anno 2017 ministra transitionis oecologicae fuit, ab 2020 ministra a commeatu et labore, primis ministris Eduardo Philippe et Ioanne Castex, praeside Emmanuele Macron. Qui comitiis anno 2022 victor Elisabetham Borne in officium primae ministrae die 16 Maii eiusdem anni invocavit. Iussu eiusdem illa die 8 Ianuarii 2024 demissionem petivit, successore Gabriele Attal.