![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/Logo_del_PP_%25282022%2529.svg/langla-640px-Logo_del_PP_%25282022%2529.svg.png&w=640&q=50)
Factio Popularis Hispanica
From Wikipedia, the free encyclopedia
Factio Popularis sive Partes Populares (Hispanice Partido Popular) est Hispanica factio politica, antea nuncupata Foedus Populare (Hispanice Alianza Popular), cui se iunxere Factio Democratica Popularis (Hispanice Partido Demócrata Popular) et Factio Liberalis Hispanica (Hispanice Partido Liberal Español) anno 1989.
![Thumb image](http://upload.wikimedia.org/wikipedia/commons/thumb/3/3c/Logo_del_PP_%282022%29.svg/320px-Logo_del_PP_%282022%29.svg.png)
Foedus Populare sive AP parvarum conservativarum factionum foederatione 9 Octobris 1976 condita erat, praesertim ab antiquis Fraquisticis ministribus ducta. Inter has parvas factiones Reformatio Democratica (Hispanice Reforma Democrática), Manuelis Fraga Iribarne; Actio Regionalis (Hispanice Acción Regional), Laureani López Rodó; Actio Democratica Hispanica (Hispanice Acción Democrática Española), Federici Silva Muñoz; Democratia Socialis (Hispanice Democracia Social), Licinii de la Fuente y de la Fuente; Unio Populi Hispani (Hispanice Unión del Pueblo Español), Crucis Martínez Esteruelas; Unio Socialis Popularis (Hispanice Unión Social Popular), Henrici Thomas de Carranza; Unio Nationalis Hispanica (Hispanice Unión Nacional Española), Gundisalvi Fernández de la Mora; et aliae erant.
In primis Transitionis Democraticae Hispanicae comitiis, anno 1977, Foedus Populare comitiales resultationes modicas cum 8,2 centesimis suffragiorum et 16 scamnis consecutum est.
Eius primus secretarius generalis et postea praeses anno 1979 Manuel Fraga Iribarne, antiquus minister informationis et turismi in dictatoris Francisci Franco gubernatione, fuit. Georgius Verstrynge Rojas secretarius generalis e Decembri mense eiusdem anni usque ad 1986 fuit, ubi ei Alberus Ruiz Gallardón successit.
Anno 2010, Factio Popularis maximam Senatus partem habet et parlamentariae oppositionis dux est.