Ioannes Baptista Hodierna
astronomus / From Wikipedia, the free encyclopedia
Ioannes Baptista Hodierna, vulgo Giovan Battista Hodierna (Ragusiae in Sicilia natus die 13 Aprilis 1597; Palmae die 6 Aprilis 1660 mortuus) fuit astronomus et physicus.
Obitus: 6 Aprilis 1660; Palma Montis Clarii
Patria: Regnum Siciliae
Theologiae Syracusis in seminario studuit. Clericus anno 1622 ordinatus, iam cometas tres annorum 1618 et 1619 observaverat. Archipresbyter novae urbis Palmae anno 1637 factus est cuius forma ipse designavisse censetur. Ibi deinde cliens familiae Tomasi baronum Montis Clari habitavit. Telescopio microscopioque adeptus, huius ope dentes viperarum, illius sidera Medicaea et anulos Saturni curiose observavit. Lucubrationes interdum Italice sed praesertim Latine edidit. Opera eius, paucis exemplaribus Panormi divulgata, coaevi pauci recentioresque fere nulli cognoverunt. Primus omnium nebularum catalogum edidit anno 1654 sub titulo De systemate orbis cometici, deque admirandis coeli characteribus qui usque in annum 1985 ignotum manebat.
Asteroides 21047 Hodierna ad eius honorem nominatur.