![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/00/Lazarus_Chakwera_2017.jpg/640px-Lazarus_Chakwera_2017.jpg&w=640&q=50)
Lazarus Chakwera
politicus / From Wikipedia, the free encyclopedia
Lazarus McCarthy Chakwera (ad Lilongwe die 5 Aprilis 1955 natus), politicus Malaviae, est a die 28 Iunii 2020 praeses patriae. Filius praeceptoris, alumnus est universitatum Malaviensis Borealisque (nomine recentiori Limpopoënsis); studia longinqua iuxta universitatem Africae Australis persecutus est. Ab anno 1989 usque in 2013 praeses fuit Conciliorum Dei Malaviensium. Professor meruit apud Seminarium Theologicum Panafricanum ab anno 2005.
![Lazarus Chakwera: imago](http://upload.wikimedia.org/wikipedia/commons/thumb/0/00/Lazarus_Chakwera_2017.jpg/640px-Lazarus_Chakwera_2017.jpg)
Res politicas suscipiens factionem congressus Malaviensis ab anno 2013 duxit. Ab anno insequenti legatus est parlamento Malaviensi pro circulo Lilongwe boreo-occidentalis. Comitiis 2020 praesidem Petrum Mutharika, qui se iterum proponebat, devicit. Praesidem vicarium ministrumque evolutionis oeconomicae Saulos Chilima convocavit, qui iam praeside Mutharika officium praesidis vicarii tenebat.