![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/98/Caribbean_general_map.png/640px-Caribbean_general_map.png&w=640&q=50)
Mare Caribaeum
From Wikipedia, the free encyclopedia
Mare Caribicum[1] seu Caribaeum[2][3] est mare Oceani Atlantici, plerumque in tropicis hemisphaerii occidentalis regionibus situm. Finitur ad occidentem et meridio-occidentem a Mexico et America Media, ad septentriones ab Antillis Maioribus, et ad orientem ab Antillis Minoribus.[4]
![Thumb image](http://upload.wikimedia.org/wikipedia/commons/thumb/9/98/Caribbean_general_map.png/640px-Caribbean_general_map.png)
![Thumb image](http://upload.wikimedia.org/wikipedia/commons/thumb/5/53/CIA_map_Central_America_%26_Caribbean.png/640px-CIA_map_Central_America_%26_Caribbean.png)
Omnis Maris Caribici regio, permultae insulae Indiarum occidentalium, et litora adiacentia Regio Caribica una appellantur. Mare Caribicum est unum e maximis orbis terrarum maribus aquae salsae, et aream circa 2 754 000 chiliometrorum quadratorum (1 063 000 milium quadratorum) habet.[5] Profundissimus maris locus est Alveus Caimanensis, inter Insulas Caimanenses et Iamaicam situs, ad 7686 metrorum (25 220 pedum) sub aequor maris. Litoribus Caribicis sunt multi sinus: Sinus Gonâve, Sinus Venetiolae, Darién, Sinus Culicum (Hispanice Golfo de los Mosquitos), Sinus Pariae, et Sinus Honduriae.
![Thumb image](http://upload.wikimedia.org/wikipedia/commons/thumb/2/2f/NASA_ASMR-E_image_of_average_SSTs_of_Hurricane_Katrina.jpg/640px-NASA_ASMR-E_image_of_average_SSTs_of_Hurricane_Katrina.jpg)