Maxamed Siyaad Barre
From Wikipedia, the free encyclopedia
Mahometus Siad Barre vel orthographia Somalica Maxamed Siyaad Barre fuit miles et politicus Somaliae. E gente Darod ortus, natus est secundum ipsum Barre anno 1919 in Garbahaarrey Somaliae, secundum alios fontes anno 1910 in Shilabo Aethiopiae. Fuit Somaliae praeses ab anno 1969, cum decessorem deposuit, usque ad annum 1991 cum ipse deiectus est. Mortuus est Lacupoli in Nigeria die 2 Ianuarii 1995.