Paulus Biya
From Wikipedia, the free encyclopedia
Paulus Biya, vulgo plene Paul Barthélemy Biya'a bi Mvondo (in oppido Mvomeka'a natus die 13 Februarii 1933), apud Lyceum Ludovici Magni Lutetiae in urbe educatus, alumnus universitatis et instituti Scientiarum Politicarum necnon scholae nationalis Franciae Transmarinae in eadem urbe, est a die 6 Novembris 1982 Cameroniae praeses. Antea a die 30 Iunii 1975 primus minister meruerat, praeside Ahmadou Ahidjo.