Angela Merkel

Merkel anno 1990 post res novas in Re Publica Democratica Germanica in Cameram Populi primo tempore libere creatam missa est. Praeterea oratrix primi ministri RDG Lotharii de Maizière (CDU) fuit.

Ab 3 Octobris 1990, post Germaniam coniunctam, Merkel legata Dietae Foederalis Germaniae est, die 18 Ianuarii 1991 administra foederalis feminarum et iuventutis, 17 Novembris 1994 administra foederalis oecologicae facta est.

Anno 1998, post victoriam Socialis Democraticae Factionis Germaniae collegium summorum magistratuum relinquere coacta est. Eodem anno praeses novus CDU, Volfgangus Schäuble Angelam Merkel secretariam generalem suae factionis nominavit. Ex mense Aprili 2000, Christianae Democraticae Unioni Germaniae (Theodisce CDU) praesidebat. Mense Decembri 2018 non iam candidata praesidis CDU fuit et Anna Margarita Kramp-Karrenbauer eius successor electa est.^[1]

Die 22 Novembris 2005, cancellaria coalitionis magnae electa est, prima mulier tota in historia, quae Germaniae imperavit. Ante hanc electionem, imperaverunt Gerardus Schröder et Helimutus Kohl. Vicarius cancellariae factus est Francus Gualterus Steinmeier, egregius sodalis Socialis Democraticae Factionis Germaniae (Theodisce SPD). Post electionem 27 Septembris 2009, Merkel foedus cum SPD finivit et tum cum FDP Guidone Westerwelle duce de novo consilio administrorum egit, quod 28 Octobris nominatum est. Die 22 Septembris 2013, comitiis Dietae Foederalis vicit, sed factio FDP victa noniam legatos in parlamentum mittere potuit.^[2] Die autem 17 Decembris 2013, tertio cancellaria electa est. et tum iterum foedus regnandi cum SPD factione habuit.^[3] Post electionem anno 2017 habitam, Merkel primo cum FDP et Viridibus de foedere regnandi agebat, sed successu caruit. Tum cum Socialibus Democraticis iterum foedus fecit: die 14 Martii 2018, quartum cancellaria foederalis electa est.^[4]

Familia, iuventus, munus