Delta fluminis

Delta fluminis, saepe delta tantum appellata, est forma terrestris a depositione sedimentorum a flumine ablatorum, genus ostii, quo in multa deverticula vel cornua flumen dividitur, quae in mare vel lacum effunduntur. Saepe formam trianguli deorsum visae habent. Insulas permultas plerumque habent, saepe paludinosas. Inter terras alluviales saepe iacent.

Tabula deltae Danubii.

Antiqui deltam Nili bene cognoverant, et haec prima delta nominabatur; deltae ceterae ex hac delta nomen ceperunt.

Deltae maximae

Delta Aeravati fluminis Birmaniae.

Inter maximas orbis terrarum deltas sunt sequentes.

• Gangis, area 105,6 milia chm²
• Fluminis Amazonum, 100 milia chm²
• Lenae, 45,5 milia chm²
• Meconis, 40,6 milia chm²
• Indi, 41,4 milia chm²
• Mississippii, 28,6 milia chm²
• Nili, 24 milia chm²
• Volgae, 19 milia chm²

In delta Nemeni.

Deltae interiores

Interdum, cum flumen in lacum exsiccatum effundebatur, deverticula deltae veteris rursum coniunguntur; hoc delta interior appellatur. Exemplum est Niger flumen.

Mississippius flumen deltam veram maximam habet in Ludoviciana civitate, ubi in sinum Mexicanum influit; regio autem, quae saepius Delta Mississippii^(en) nominatur, sensu hydrographico nec delta nec delta interior est.

Nexus externi

• Deltae orbis terrarum. Universitas Publica Ludoviciana.