Herodias

Herodias (Graece Ἡρῳδιάς; natus anno 8 a.C.n.; obiit anno 39 p.C.n.) fuit filia principis Iudaici Aristobuli ex uxore Berenice et neptis Herodis Magni et Mariammis. Ei maxima decollationis Ioannis Baptistae culpa attribui solet.

Herodias (a Paulo Hippolyto Delaroche anno 1843 picta)

Decollatio Ioannis Baptistae

In libris Evangeliorum Novi Testamenti (Mt 14,3-11; Mc 6,17-28) traditur Heroden Antipam natali suo cenam fecisse; quod saltatione filiae Herodiadis maxime delectatus esset, rogavisse, si quid vellet, ut diceret. Deinde puellam a matre Herodiade incitatam caput Ioannis poposcisse ac paulo post in disco accepisse. Quam puellam Salomen fuisse vulgo traditur.

Herodias in arte et litteris

Herodias multis in artificiis sive litteris una cum Salome partes agit:

Herodias et Salome cum capite Iohannis Baptistae (a Gerard Seghers post 1635 picta)

• Henricus Heine (1847): Atta Troll – Ein Sommernachtstraum
• Stephanus Mallarmé: Hérodiade (fragmenta ab anno 1864, Scène de Hérodiade ed. 1896)
• Gustavus Flaubert (1877): Hérodias (narratiuncula in: Trois contes) (1877)
• Iulius Massenet (1881): Hérodiade (melodrama)
• Titianus: Salome ferens caput Iohannis Baptistae in lance (picta circa 1560)
• Paulus Hippolytus Delaroche: Herodias cum capite Ioannis Baptistae (picta 1843)

Eponymus

Asteroides 546 Herodias denominatus est ab Herodiade.

Si vis plura legere...

• Walter Otto: Herodias. In: Paulys Realencyclopädie der classischen Altertumswissenschaft (RE). Supplementband II, Stuttgart 1913, Sp. 202–205.

Nexus externi

Vicimedia Communia plura habent quae ad Herodiadem spectant.

David's face

Haec stipula ad biographiam spectat. Amplifica, si potes!