Hiericus

Hiericus (-untis)^[1] vel sere Iericho^[2] vel Hiericho^[3] (Hebraice יְרִיחוֹ; Arabice أريحا ʿArīḥā) est urbs in Territoriis Palaestinensibus in ripa Iordanis dextra sita. 250 m sub maris aequore posita est urbs in orbe terrarum maxime depressa. Ab oriente fere quattuor chiliometris a limite Iordanico distat et fere octo chiliometris a Mari Mortuo a meridie sito.

Aspectus Hiericuntis

Urbs, cuius nomen a deo lunae nomine Iarich deductum est, ad antiquissimam viam mercatoriam adiacet. Numerus incolarum hodie est circiter 25 000. Hiericus se "urbem mundi antiquissam" nominat; investigationes archaeologicae demonstrant urbem pluries deletam et post longum intervallum iterum aedificatam esse. Hiericus etiam cognomine urbs palmarum ornatur.