Larva (zoologia)

Larva,^[1][2][3][4] sensu zoologico, est forma animalis de ovo exeuntis ab animali adulto, ad generandam scilicet prolem parato, diversa.^[5] Vertebrata plura sunt larva carentes, scilicet de ovo in forma parentibus simili exeuntia, quam quae larvam habent, ad quae praesertim Amphibia pertinent. E contra, apud Insecta plura sunt larvam habentes quam quae larva carent. Multae larvae nomina propria habent, exempli gratia eruca, larva Lepidopterorum et nonnullorum Hymenopterorum,^[6] vel leptocephalus, larva anguillarum.

Vide etiam paginam discretivam: Larva (discretiva).

Coleoptera familiae Coccinellidarum: compara adulta (16, 20, 24, 27, 31) cum larvis (18, 22, 25, 30, 32)

Ad quaestionem, quae formae animalium in evolutione primo apparuissent, utrum larvarum an adultorum, primum responsum Ernestus Haeckel dedit, animalia antiquissima larvis hodiernorum similia esse affirmans. E contra, hodie prima animalia adultis hodiernorum potius quam larvis similia fuisse credentur, larvis planctonicis nonnisi Cambrio apparentibus.^[7]

Pinacotheca

• 
  Eruca, larva Cimbicis femorati, insecti hymenopteri Australiensis.
• 
  Larva salamandrae: nota branchias externas; salamandrae adultae pulmonibus respirant.
• 
  Larva (pluteus) Echinocardii cordati, echinoidei ad litus Farriae inventi.
• 
  Nauplius, larva crustacei ordinis Cirripediorum.