Magnesium

Magnesium^[1] est elementum chemicum metallicum alcalicum terrenum cui symbolus Mg et numerus atomicus duodecim sunt et pondus atomicum 24,31 g/mol. Magnesium est octavum elementum et tertium metallum, pone aluminium et ferrum, de eis quae solidam terrestrem corticem componunt. Magnesium circa binas centesimas ponderis corticis facit. Magnesium tertium locum obtinet inter elementa chemica quae in aqua marina diluta sunt.

12 natrium ← magnesium → aluminium Be ↑ Mg ↓ Ca Systema periodicum
Proprietates generales
Nomen, Symbolus, Numerus Atomicus	magnesium, Mg, 12

Proprietates generales
Nomen, Symbolus, Numerus atomicus	Magnesium, Mg, XII
Grex, Periodus, Glaeba	II, III , s
Color	albus, argenteus
Pondus atomicum	24,3050(6) uam
Configuratio electronica	2, 8, 2
Proprietas physicae
Status	Solidus
Densitas	1738 kg/m3
Densitas ad punctum liquefactionis	1584 kg/m3
Punctum liquefactionis	923 K (650 °C)
Punctum fervoris	1363 K (1090 °C)
Proprietas atomicae
Structura crystallina	Cubica
Radius atomicus	150 pm
Radius atomicus (calc.)	145 pm
Radius covalenta	130 pm
Radius van der Waals	173 pm
Varietas
Duritas Mohs	2,5
Duritas Brinell	260 MPa
Isotopa stabila
24Mg 78,99% Mg est stabile cum XII neutronibus 25Mg 10% Mg est stabile cum XIII neutronibus 26Mg 11,01% Mg est stabile cum XIV neutronibus (26Mg in geologia isotopica proficiens est)

Nomen e regione antiqua Thessaliae, Magnesia, quae magnesio abundabat, sumpsit.

In biologia

Maximi momenti ad vitam terrestrem est magnesium quoniam ion magnesii (Mg⁺⁺) magnas partes in photosynthesi agit et media chlorophylli molecula iacet. In animalium corporibus plerumque ut cofactor enzymorum operam dat ut in glycolysi.

Configuratio electronica magnesii: nucleus, et electrones duodecim.

De metallo

Metallum ab hominibus per electrolysim et reductionem chemicam ex compositis purificatur: est materia candida, lucida et mollis quae pellicula cana oxidi in aere tegitur. Nam perfacile oxidatur et duos electrones exteriores celeriter amittit ita ut in rerum natura vix pura inveniatur sed aut cation aut pars corporis compositi apparet. In aere comburitur flammam candidam et lucidam emittens nec ille ignis aut CO₂ aut aqua exstingui potest quae a contrario flammas stimulant.

Ob parvam densitatem magnesium in aeroplanis et autocinetis utile est. Levissimum enim e metallis utilibus est.

De compositis

Inter composita praeclarum est chloridum magnesii MgCl₂ quod et ad sanitatem humanam adhibetur purgandi causa. Item lac Magnesiae Mg(OH)₂ aciditatem stomachi impugnat quia basis chemica est. Talcum quoque in magnesii silicate hydroxydato (Mg₃Si₄O₁₀(OH)₂) consistit.

Magnesii oxidum MgO calores extremos tolerat (usque ad 2800 gradus Celsii): calorem conducit sed non electricitatem. Itaque ut insulator in apparatibus calorificis electricis adhiberi solet.

Nexus interni

• Glycolysis