OGIS 98

OGIS 98, ita ex editione W. Dittenberger nuncupata, est inscriptio Philis in Aegypto reperta. In hoc documento Ptolemaeus V cum uxore Cleopatra et filio Ptolemaeo templum Aesculapii se dicare proclamat. Hoc inter annos 186 et 180 a.C.n. factum est; filio anno 186 nato, patre anno 180 mortuo. Textus sic legitur: Βασιλεὺς Πτολεμαῖος και βασίλισσα Κλεοπάτρα θεοὶ ἐπιφανεῖς καὶ Πτολεμαῖος ὁ υἱὸς Ἀσκληπιῶι, "Rex Ptolemaeus et regina Cleopatra, dei apparentes, et filius Ptolemaeus Aesculapio". In hac inscriptione primum rex et regina Ptolemaeorum se etiam viventes "deos" nuncupant.

Editiones

• W. Dittenberger, ed., Orientis Graeci inscriptiones selectae: supplementum Sylloges inscriptionum Graecarum (Lipsiae: S. Hirzel, 1903-1905. no. 1-434 no. 435-773) no. 98

Bibliographia

• Carl Garth Johnson, "OGIS 98 and the divinization of the Ptolemies" in Historia vol. 51 (2002) pp. 112-116

Nexus interviciales de hac re usque adhuc absunt. Adde versiones barbaras, si reppereris.