Osculum

Osculum, sive savium, sive basium^[1] est actus impingendi labia in aliquam corporis partem alicuius alicuiusve rei. Actio osculum dandi osculatio appellatur. Saepissime inter homines habetur osculum quasi signum affectus, amicitiae, amoris, dilectionis, nec non salutationis.^[2]

Vir et mulier saviantur.

Osculum (Italiane Il bacio). Tabula picta Francisci Hayez.

Genera osculorum

Homines secundum genus affectuum animi quod eos in alios movet diverse oscula dant: osculantur enim labia, sed etiam malas aut manus alicuius.

Amantes saepe inter se osculantur ut amorem suum monstrent: osculum in labia quod unus alteri impingit est demonstratio cupidinis amorosae atque libidinis, igitur ad sexualitatem humanam quoque pertinet.

Parentes liberis suis basiola in malas dant ut signum dilectionis; idem basium in malam apud complures cultus civiles est communis et familiaris modus salutandi.

Osculum in manum datum demonstrat reverentiam et admirationem in aliquem dignum honoris habitum: ad exemplum haec erga homines eminentes Ecclesiae Catholicae manet consuetudo. Osculum venerationis etiam est signum quam Christifideles rebus reverendis offerunt.

Nexus interni

• Amplexus
• Ars vivendi
• Homagium
• Osculum Escimaicum