Lingua Protoindoeuropaea

Lingua Protoindoeuropaea^[1] est lingua methodo comparativa restituta, qua systematicae linguarum Indoeuropaearum similitudines harumque differentiae legibus phoneticis explicabiles exponuntur. Sensu igitur rationali, lingua PIE est nihil nisi fragmentum grammaticum et structura pura. Sensu autem protohistorico, PIE est etiam quasi proavia linguarum Indoeuropaearum. Testimonio huius linguae nec inscriptionibus nec libris manu scriptis servato, per comparationem linguarum recentiorum conicitur sive "reconstruitur." Sermonem ipsum deperditum, huic linguae artificio constructae adsimilem, usitabant fortasse qui planitiem hodiernam Ucrainae et Russiae meridianae millenniis vel IV vel V a.C.n. incolebant; sed de hac re eruditi disputant.

Lingua Protoindoeuropaea
Taxinomia:	parens linguarum Indoeuropaearum
Status:	ab eruditis reconstructa
Sigla:	1 —, 2 —, 3 —
Usus
Aevum:	fortasse millennia V vel IV a.C.n.
Situs:	fortasse Russia meridionalis
Litterae:
Scriptura:	nulla
Familiae linguisticae coloribus Vicipaediae pictae Familiae linguisticae coloribus Vicipaedicis pictae

Phonologia

Lingua Protoindoeuropeaea dicitur haec habuisse phonemata. Vide etiam linguas Indoeuropaeas ut videas quo modo mutata sint in eis.

Consonantes

Consonantes Protoindoeuropaei (transcriptio usitata)

labiales	coronales	palatovelares	velares	labiovelares	laryngales
p	t	ḱ	k	kʷ
b	d	ǵ	g	gʷ
bʰ	dʰ	ǵʰ	gʰ	gʷʰ
m	n
	s				h₁, h₂, h₃
w	r, l	j

Vocales

• vocales breves a, e, i, o, u
• vocales longae ā, ē, ō
• diphthongi ai, au, āi, āu, ei, eu, ēi, ēu, oi, ou, ōi, ōu
• allophona syllabica consonantium: u, i, r̥, l̥, m̥, n̥.

Morphologia

Nonnullae res morphologicae PIE inventae sunt.

Nomina

Nomina declinabantur octo casibus (qui erant nominativus, accusativus, genetivus, dativus, instrumentalis, ablativus, locativus, vocativus). Genera fortasse tria erant: masculinum, femininum, neutrum. Sunt quidem qui censeant duo tantum genera primitus fuisse: animatum et non animatum; postea autem ex animato genere duo nata esse genera: masculinum et femininum.

Modi declinandi sunt duo maioris momenti: thematicus et athematicus. Thematicae declinationi radices nominales augebantur /o/ phonemate (cuius loco /e/ in vocativo adhibebatur). Formae autem athematicae declinationis vetustiores sunt, secundum modum apophoniae dignoscuntur radices acrodynamicae, proterodynamicae, hysterodynamicae et holodynamicae.

Casuum exitus:

	(Beekes 1995)						(Ramat 1998)
							athematica					thematica
	masculina femininaque			neutra			masculina femininaque			neutra		masculina			neutra
	singularis	pluralis	dualis	singularis	pluralis	dualis	singularis	pluralis	dualis	singularis	pluralis	singularis	pluralis	dualis	singularis
nominativus	-s, 0	-es	-h₁(e)	-m, 0	-h₂, 0	-ih₁	-s	-es	-h₁e?	0	(coll.) -(e)h₂	-os	-ōs	-oh₁(u)?	-om
accusativus	-m	-ns	-ih₁	-m, 0	-h₂, 0	-ih₁	-m̥	-m̥s	-h₁e?	0		-om	-ons	-oh₁(u)?	-om
genetivus	-(o)s	-om	-h₁e	-(o)s	-om	-h₁e	-es, -os, -s	-ōm				-os(y)o	-ōm
dativus	-(e)i	-mus	-me	-(e)i	-mus	-me	-ei					-ōi
instrumentalis	-(e)h₁	-bʰi	-bʰih₁	-(e)h₁	-bʰi	-bʰih₁		-bʰi				-ō	-ōjs
ablativus	-(o)s	-ios	-ios	-(o)s	-ios	-ios
locativus	-i, 0	-su	-h₁ou	-i, 0	-su	-h₁ou	-i, 0	-su, -si				-oi	-oisu, -oisi
vocativus	0	-es	-h₁(e)	-m, 0	-h₂, 0	-ih₁		-es			(coll.) -(e)h₂

Pronomina

Pronomina difficilius reconstruuntur quia omnia in linguis Indoeuropaeis differunt.

Lingua Protoindoeuropaea habebat pronomina personalia primae secundaeque personae, sed, ut lingua Latina, non habebat tertiae. Pronomina personalia habebant suas formas et exitus unicos; vide, exempli gratia, etiam latine ego et me.

	pronomina personalia (Beekes 1995)
	prima persona		secunda persona
	singularis	pluralis	singularis	pluralis
nominativus	h₁eǵ(oH/Hom)	wei	tuH	yuH
accusativus	h₁mé, h₁me	nsmé, nōs	twé	usmé, wōs
genetivus	h₁méne, h₁moi	ns(er)o-, nos	tewe, toi	yus(er)o-, wos
dativus	h₁méǵʰio, h₁moi	nsmei, ns	tébʰio, toi	usmei
instrumentalis	h₁moí	?	toí	?
ablativus	h₁med	nsmed	tued	usmed
locativus	h₁moí	nsmi	toí	usmi

Nexus interni

• Ārya
• Protoindoeuropaei
• Protolingua
• Fabula Schleicherana
• Index radicum Indoeuropaearum
• Lex Pinaultiana
• Rex deusque