Pindus

Pindus (Graece Πίνδος) est series montium Graeciae longa et ramosa, quae Epirum a Macedonia et Thessalia separant.

Grammus Pindi cacumen super vallem Gorgopotami fluminis.

Smolicas mons

Orographia

Pindus continuatio australis Alpium Illyricarum est. A valle Debolis fluminis in Albania ad sinum Corinthium extenditur.

In duas partes Pindus divisus est, borealem et australem. Borealis in Graecia a monte Grammo ad Metsobum tenditur; hic Smolicas, mons Graeciae post Olympum altissimus (2637 m) et Basilitsa (2248 m) siti sunt. Inter Grammum et Smolicam vallis Sarantapori fluvii Aoi accolae patet. A Lacmo (2294 m) pars Pindi australis oritur, cuius cacumina altiora Montes Athamaniae (2429 m), Agrapha, Caraba (2184 m) et Baltus (1852 m) sunt.

Tymphe Pindi mons.

Rami Pindi occidentales sunt Tymphe (vel Gamilla, 2497 m) et Maurobouni (2156 m), orientales Merope et Cercetium, australes Tymphrestus et Aselenum. Ab austroccidente et Panaetolicum mons Pindo adiacet.

Calcareis, lapidibus fissilibus et arenaceis Pindus compositus est. Carstus saepe invenitur.

Lacmus Pindi iugum.

In litteris

Vergilius in decima ecloga dicit (9-13):

Quae nemora aut qui uos saltus habuere, puellae

Naides, indigno cum Gallus amore peribat?

nam neque Parnasi uobis iuga, nam neque Pindi

ulla moram fecere, neque Aonie Aganippe,

Tringia Pindi mons.

et Horatius Camenam quaerit (carmina I 12):

...cuius recinet iocosa

nomen imago

aut in umbrosis Heliconis oris

aut super Pindo gelidove in Haemo?

Bibliographia

• "Pindus" in Gulielmus Smith (1854). Dictionary of Greek and Roman Geography. Londinii: Walton & Maberly

Nexus externi

Situs geographici et historici: Locus:  • Store norske Lexikon • Treccani