Rhinitis

Rhinitis (e nomine Graeco ρίς, ρινός = nasus cum suffixo -itis inflammationibus communi) est inflammatio narium mucosae quae per mucum abundantius fluentem et sequentem congestionem aerii meatus manifesta fit. Non tantum respirationem sed etiam odoratum saepe conturbat. Frequentissimae causae sunt virus coryzae aut bacteria (streptococci) aut substantia irritans (e.g. pollen) in rhinitibus allergicis. Nares inflammationi pronae sunt ob multitudinem vasorum quae epithelium irrigant. Maior pars fluxus in oesophagum demittitur, reliquum e naribus extrinsecus effluit vel etiam emungendo expelli potest.

Narium emunctio ob rhinitim necessaria.

Plura legere si cupis

• Georgia A Liva, Alexander D Karatzanis, Emmanuel P Prokopakis. "Review of Rhinitis: Classification, Types, Pathophysiology", Journal of Clinical Medicine, 2021: 3183.